أنا حطيت زيت شل 20-50

[alfateh87]

ازيكو أصدقائي
السيارة فابيا - 1200 -مانوال
بعد تغيير الأويل سيل بتاعت الفتيس
لاحظت نقص في كمية الزيت نتيجة التنقيط من فترة
قلتلو ايه رأيك أغير زيت الفتيس أو أزوده
قال لي لأ نزوده عشان مستحيل نحط زيت أفضل من الزيت اللي يجي في العربية
قلتله ماشي
بعدين تفاجئت أنه أضاف من علبة شل 20-50 أضاف حوالي 1 كغ
ايه رأيكم

[benmatar]

كلام غريب!!!!!!
زيت 20w50 ده زيت موتور، الحكاية مش لزوجة وبس
الفيتيس المانيوال حضرتك تحط له زيت درجة 75w90 او 85w90 وهو زيت مخصص للفيتيس المانيوال
الصح صح، واعمل زي ما بيقول الكتاب عشان ترتاح، ولو المشكلة أويل سيل يتغير مش الزيت هو اللي يتغير!!!

[benmatar]

معلش يافندم حاجة خارج الموضوع لو تسمحلي... هو حضرتك في سوريا؟؟؟؟
يعني الدنيا لسة فيها ميكانيكي وناس يتغير زيت وكده؟ ولا حسب معلوماتي الفقيرة إن الحرب مولعة كل مكان هناك؟؟؟
معلش باستفسر، وربنا يعينكو

[alfateh87]

معلش يافندم حاجة خارج الموضوع لو تسمحلي... هو حضرتك في سوريا؟؟؟؟
يعني الدنيا لسة فيها ميكانيكي وناس يتغير زيت وكده؟ ولا حسب معلوماتي الفقيرة إن الحرب مولعة كل مكان هناك؟؟؟
معلش باستفسر، وربنا يعينكو

لسه كم واحد ..... ادعولنا

[alfateh87]

كلام غريب!!!!!!
زيت 20w50 ده زيت موتور، الحكاية مش لزوجة وبس
الفيتيس المانيوال حضرتك تحط له زيت درجة 75w90 او 85w90 وهو زيت مخصص للفيتيس المانيوال
الصح صح، واعمل زي ما بيقول الكتاب عشان ترتاح، ولو المشكلة أويل سيل يتغير مش الزيت هو اللي يتغير!!!

أنا غيرت الأويل سيل و بعد التغيير تك اضافة الزيت للزيت القديم
برأيك الأفضل افراغ الزيت بشكل كامل أو ممكن يمشي حاله بهذا الوضع

[Amr Axel]

ايه الهبل و التهريج ده ده بيهرج
اولا مفيش حاجة اسمها زيت الفتيس يتزود و اللي جي في العربية نضيف و ميتعوضش ديه افتكاسة منهم
العربية اول ما بتيجي بتغير زيت الفتيس في اول او تاني صيانة و بعدها بتقعد 30-40 الف و تغير الزيت كله و تحط لزوجة الزيت المذكورة في الكتالوج و اللي غالبا ما بتكون 75w90 او 80w90
و الزيت اللي حطهولك ده زيت موتور مش فتيس
حضرتك روح لأي حد بتاع تغيير زيوت او بنزينة شيل او موبيل
و نزل كل اللي في الفتيس و حط زيت جديد سواء شيل او موبيل لزوجة 90 و اوعي تمشي بيها اكتر من كده عشان الفتيس

و زيت الفرامل كذلك بيتغير مش يتزود لو لقيته بينقص حاجة من الاتنين ياما التيل خلاص انتهي ياما فيه حاجة في الخراطيم و بيتغير كل سنتين لأنه بيلم شوائب و رطوبة و بيبدأ يفقد خواصه بمعني انه ينزل كل اللي في الدورة حوالي 400-500 مم زيت و بيحط شوية زيت و ينزلها من كل عجلة عشان ينضف الدورة و بعدين يملي ويفضي الهوا من العجلة
و تقرأ في الكتالوج و ع غطا علبة الفرامل dot3 و لا dot 4
و من افضل زيوت الفرامل البيندكس و اللوكهيد

مية الريداتير ( خضرا - حمرا - زرقا ) كذلك بتتغير كل سنتين - 3 سنين لأنها برده بتفقد خواصئها و الشوائب و بالتالي يأثر ع دورة التبريد فبتنزلها كلها و تغسل الريداتير و القربة و تملي الريداتير حوالي تلت ارباع مية التبريد سواء خضرا - حمرا - زرقا و الباقي مية مقطرة و طبعا تقرا التركيز في الكتالوج الأول
و خلي بالك الالوان لا تدل ع شئ مجرد الوان الهدف منها ان لو فيه تسريب يبان اللي بيفرق التركيز المكتوب ع العلبة سواء 30 % او 50 % و هكذا

[akmm]

كلام كله صح الصح ؟؟؟ زيت الفتيس غير زيت الموتور .

[alfateh87]

طيب سؤال لو سمحتم ...
ايه هي وظيفة زيت الفتيس للمانوال
ايه هي الأعراض اللي تدل أن لازم زيت الفتيس يتبدل
آسف على الاطالة

[Amr Axel]

طيب سؤال لو سمحتم ...
ايه هي وظيفة زيت الفتيس للمانوال
ايه هي الأعراض اللي تدل أن لازم زيت الفتيس يتبدل
آسف على الاطالة

وظيفة زيت الفتيس هو تزييت الاجزاء الداخلية للفتيس كالتروس و في نفس الوقت العمل ع تبريد الاجزاء ديه نظرا للحرارة العالية الناتجة عن الاحتكاك
مفيش اعراض تمشي عليها لكن فيه وقت معين بتغير عليه الزيت كل 30-40 الف ده المتوسط
يعني لو في بلد برد و مناخ كويس و السواقة هادية و مش كتيير ممكن يقعد معاك لــ50 الف
لو حرارة عالية سواقة كتيير حرق يبقي كبييرك 30 الف و يفضل قبل كده كمان
زيت الفتيس مش من الزيت اللي بيفقد خواصه و تلاقيه مية و القصة ديه لكن الفكرة ان بينزل حاجة اسمها رايش الرايش ده اللي بيكون ناتج عن احتكاك الاجزاء الداخلية و التروس فبينزل الرايش لو العربية اوتوماتيك الفلتر بيسحبهم لكن عشان مانيوال فبيتجمع تحت حوالين الطبة نظرا لأن فيها مغناطيس مع حركة الزيت و تقلبة بيوصل عند الطبة و يتجمع لكن مع زيادة الرايش اللي بينزل بيبقي عايم في الزيت و بالتالي الرايش بيدخل ما بين الاجزاء المتحركة و بالتالي هيؤدي لمشاكل
لذلك دايما بينصح بتغييره في كل 30-40 الف كمتوسط التغيير للمحافظة ع الفتيس

[sakr_skoda]

يارجاله صبرا يبدو ان الراجل حاطط زيت الفتيس فى جراكن صغيرة علشان تخفف عنه عند التغيير مهو مستحيل يحط زيت موتور فى الفتيس مستحيل....*

[benmatar]

زي ما فرسان سكودا قالولك..... مفيش زيت موتور يتحط مكان زيت الفيتيس ولا العكس
وعشان تصلح الكلام ده فضي الفيتيس من الزيت تماما، وحط زيت فيتيس نفس الدرجة الأصلية ومفيش فرق كبير في زيت الفيتيس ودرجاته (75w90) و (80w90) و (85w90)
لأن المناخ عندنا مش بيوصل للصقيع الأوروبي، بس المهم مايكونش أحادي الدرجة 140 أوعى
وبصفة عامة زيت الفيتيس المانيوال مش بيتغير بسرعة كده
أغلب الأوتوماتيك قبل 60000كم تغير الزيت
أما المانيوال ممكن بعد كده عند 80000كم أو 100000كم
وبصراحة موجود إضافات لزيت الفيتيس جربتها وأنصح بيها فرسان سكودا للفيتيس المانيوال أنبوبة زي معجون الأسنان إنتاج ليكوي مولي عبارة عن شحم للفيتيس المانيوال مجرد تحطها في الفيتيس على الزيت، ممتازة تنعمه وتوطي صوته ومجربها في فيليشيا وإكسيل والنتيجة مش بطالة وتمنها 45ج.م