تجربة زيت شيل بعد موبيل

[AMGAD1521977]

السادة اعضاء المنتدى المحترمين حبيت انقل لكم تجربة تغيير زيت شيل 10000 بعد زيت موبيل بصراحة انا مش هقدر اقول غير كلمة واحدة فرق بين السماء و الارض زيت شيل طبعآ هو اللى فى السماء انا غيرته فى الموتور الموتور صوته بقى منخفض لدرجة انى ممكن افتكر ان العربية مطفية او مش ماشية و للعلم ان انا محافظ على العربية و مش معاها بالورقة و القلم لكن لم اتوقع جودة و كفاءة هذا النوع من الزيوت و ياريت اسمع ارائكم فى هذا الموضوع و تحياتى لكم

[Dr_Smart]

اي نوع زيت شل اللي جربته ؟ وموبيل ؟ المعدني ولا التخليقي

وعربية حضرتك نوعها ايه وماشيه كام كيلو ؟

[AMGAD1521977]

اي نوع زيت شل اللي جربته ؟ وموبيل ؟ المعدني ولا التخليقي

وعربية حضرتك نوعها ايه وماشيه كام كيلو ؟

زيت شيل هيلكس 10.000 كيلو ( تخليقى ) اما موبيل فهو موبيل وان و العربية a516 ماشية 113.000 الف كيلو و تحياتى لك

[mahmoud_afifi]

فعلا موبيل من اسوأ الزيوت. انا بستخدم زيت شيل وبيقعد اكتر من الفتره بتاعته بزياده الفين كيلو وينزل لسه كويس.

[محمد يوسف]

باستعمله من 3 سنين شل ألتر هيليكس 1ل 10000 وباغيره عند 14000

ممتاز فعلا

[S O P H O S]

طبيعي فعلا شل احسن ..

[lanos2004]

شكرا ليك وانا بستعمل فعلا شيل الترا 265 جنيه وحلو جدا على السرعات فوق 200بتلاقى العربيه لسه بتقول معاك لحد 220 والماتور مرتاح جدا

[Land_Cruiser]

ممكن المره القادمه ان شاء الله تجرب كمان حاجه جديده تانيه زى الليكى مولى او الفالفولين و هتلاقى فرق تانى كمان

[lanos2004]

ممكن المره القادمه ان شاء الله تجرب كمان حاجه جديده تانيه زى الليكى مولى او الفالفولين و هتلاقى فرق تانى كمان

كان ليا تجربه مع ليكوى مولى-تجربه شخصيه-الزيت دة فاشل-اتبخر عندى لتر ونص فى حوالى 4500 كيلو-الزيت عندى بعد 12000 الف كيلو زى شيل الترا وفيسكو عمرة ما نقص ملى-تقريبا لا يصلح ان العربيه تفضل على 6000 لفه فى الدقيقه لمدة ساعه او اكثر وبيتحلل ويتبخر

[Land_Cruiser]

كان ليا تجربه مع ليكوى مولى-تجربه شخصيه-الزيت دة فاشل-اتبخر عندى لتر ونص فى حوالى 4500 كيلو-الزيت عندى بعد 12000 الف كيلو زى شيل الترا وفيسكو عمرة ما نقص ملى-تقريبا لا يصلح ان العربيه تفضل على 6000 لفه فى الدقيقه لمدة ساعه او اكثر وبيتحلل ويتبخر

ان فاهم قصد حضرتك و عملت تجربه و اللى اكتشفته ان الموضوع ده بيختلف من ماركه و موديل للتانيه و كمان حسب طريقه السواقه و علشان كده احسن حاجه هى التجربه الفعليه. انا باحطه فى عربيه كان كويس جدا بينما جربته فى عربيه ماركه تانيه لقيت الفالفولين افضل منه فى الأداء عليها

[S O P H O S]

وانا جربت فالفولين واتعلمت فعلا بثمنه

[lanos2004]

وانا جربت فالفولين واتعلمت فعلا بثمنه

بلا فالوفولين بلا ليكوى الزيوت دى مش بتاعت جو مصر دى مصنوعه للقطب الشمالى وشمال اوربا

[AMGAD1521977]

شكرآ لكل المشاركات من اعضاء المنتدى و بالمناسبة انا سألت عن سعر الشيل و الموبيل و طبعآ لقيت ان السعر واحد 275 جنيه لكن اللى انا متأكد منه ان الاضافات الموجودة فى الزيت مختلفة على فكرة زيت موبيل مش سىء و لكن مش بنفس كفاءة زيت شيل و الدليل تجربتى الشخصية بعد اربع سنين استخدام لموبيل صوت العربية انخفض مع شيل و كأنى راكب عربية تانية مش عربيتى خاصة انى دائمآ اركز فى صوت الموتور و تحياتى لكم جميعآ

[hugan]

شكرآ لكل المشاركات من اعضاء المنتدى و بالمناسبة انا سألت عن سعر الشيل و الموبيل و طبعآ لقيت ان السعر واحد 275 جنيه لكن اللى انا متأكد منه ان الاضافات الموجودة فى الزيت مختلفة على فكرة زيت موبيل مش سىء و لكن مش بنفس كفاءة زيت شيل و الدليل تجربتى الشخصية بعد اربع سنين استخدام لموبيل صوت العربية انخفض مع شيل و كأنى راكب عربية تانية مش عربيتى خاصة انى دائمآ اركز فى صوت الموتور و تحياتى لكم جميعآ

انا من وقت شارء العربيه باستعمل موبيل
اكن كده هاتخليني افكر في شل

[AMGAD1521977]

انا من وقت شارء العربيه باستعمل موبيل
اكن كده هاتخليني افكر في شل

بجد جربه و هتدعيلى انا ما كنتش مصدق لدرجة ان انا افتكرت فى حاجة مش مضبوطة فى الموتور حتى و انا بشد على الغيار فى المطلع برده صوت الموتور هادىء و انا فى السفر و ماشى على 160 برده صوت الماكينة هادىء عن الاول ( مفيهاش عفريت )