خد بالك من زيت موبيل xhp 1000

[rafeee2]

الزيت دة ال-rating بتاعه 20W50
دة معناه إنه مش بيبدأ يسيل كويس و ياخد خصائص التزييت قبل درجة حرارة 20 درجة
فلو بتحط منه سخن العربية كويس قبل ما تطلع بيها
و الأفضل متستخدموش خالص و تستخدم 5W30 أو 10W40

[khalid_adel]

مش متفق مع كلام حضرتك
درجه اللزوجه ملهاش دعوة بدرجه الحراره
وكفاءة الزيت بتختلف من نوع زيت لاخر
انا مثلا بستخدم درجة لزوجه 20-50 وده لان الموتور عندي خشن شويه ومحتاج زيت تقيل
بس عايز اقولك ان ليكوي مولي لما حطيته كان فعلا الموتور بيحتاج يسخن شويه الصبح او العربيه بترتل معايا لما اتحرك في حين اني لما حطيت فيسكو (نفس درجه اللزوجه) العربيه بدورها الصبح وامشي علي طول عادي بتمشي بنعومه عاديه جدا
ارجو ان تكون فهمت وجهة نظري وتقبل مروري

[windofchange]

انا بدور وبمشي علي السلانسيه علي طول ليكوي مولي 15 50 طالما طريقك بتمشي فيه ببطء ومش سريع اعتقد مش هتحتاج تسخن طالما مش هتقف في زحمة

[rafeee2]

طيب كدة واضح إن الصفحة إلي قرأتها امبارح على الموبايل و أنا واقف في البنزينة باغير الزيت كانت لواحد بيفتي شوية :)
عشان 20 طلعت مش بتعبر عن درجة الحرارة نفسها، لأ ديه بتعبر عن لزوجة الزيت عند إختبار درجة الحرارة الصغرى بتاعته
عامةً دة ميمنعش إن 20w50 دة ثقيل على معظم العربيات
يعني الموصى بيه لعربيتي مثلاً هو 5w30
و زيت موبيل 1 بردو 5w30

و دة طبعاً بيبقى أفضل عشان بيحقق لزوجة أقل عند درجة الحرارة المنخفضة
و دة بيوفر مرونة أفضل في الشتا عند بداية تشغيل العربية و هي باردة تماماً

[rafeee2]

انا مثلا بستخدم درجة لزوجه 20-50 وده لان الموتور عندي خشن شويه ومحتاج زيت تقيل
بس عايز اقولك ان ليكوي مولي لما حطيته كان فعلا الموتور بيحتاج يسخن شويه الصبح او العربيه بترتل معايا لما اتحرك في حين اني لما حطيت فيسكو (نفس درجه اللزوجه) العربيه بدورها الصبح وامشي علي طول عادي بتمشي بنعومه عاديه جدا

طيب ما تجرب 5w50؟ أعتقد شوفت حاجة كدة

[SAMEH_FOUAD]

على فكرة فية كمان درجة 0w كمان لو عايزين ودة للاجواء التلج وب450 جنية من موبيل