زيادة بأسعار زيوت السيارات بنسبة 100% نظرا للقرارات الأخيرة

[GEOLOGIST_774]

زيادة بأسعار زيوت السيارات بنسبة 100% نظرا للقرارات الأخيرة
الثلاثاء، 11 ديسمبر 2012 - 19:37

صورة أرشيفية
كتبت أمانى سمير

أكد خبراء فى سوق زيوت السيارات أن هناك زيادة فى أسعار الزيوت بالسوق المحلى حاليا وصلت نسبتها إلى 100% تقريبا، وذلك بعدما اضطرت الشركات إلى رفع أسعارها نظرا لقرارات الحكومة الأخيرة سواء بزيادة بعض السلع، بالإضافة إلى زيادة أسعار بنزين 95 الأخيرة.

يذكر إن شركات الزيوت بدأت فى رفع أسعارها بنسبة 100% وقد اتخذت قرارات زيادة الأسعار قبل أيام من تطبيق قرار زيادة سعر رفع بنزين 95، وهو ما سيؤدى حتما إلى زيادة الأعباء على كاهل سائقى السيارات، حيث إن الزيادة الأخيرة لم يمض عليها سوى شهر تقريباً، حيث وصل سعر جركن الزيت الـ 20 كيلو إلى 300 جنيه بدلا من 160 جنيهاً.



يا ريت حد ينفى الخبر دا

[yaserbasha2000]

هو ايه علاقة الزيت بالبنزين 95
و بعدين زيادة الضرائب اتلغت غير اصلا انها كانت المفروض تتطبق في يوليو 2013

[AlGazar2]

معتقدش الكلام ده لان الزيت ده زيت الديزل و ده ملهوش اى علاقة بالبنزين ال 95 من اى ناحية

و محدش جاب سيرته فى القرارت بتاعه الضرايب الى اتلغت

[Sehsss]

هههههه طيب وإيه العلاقة صح

[Samah AbdAllah]

بالمرة بقا هى جت عليهم
ماهم صناع وتجار الزيوت بيشتروا سلع من اللى غليت يجيبوا تمنها منين يعنى
يسرقوا ولا يسرقوا :-)

[AlGazar2]

مكونات الزيوت كلها تقريبا بتيجى من بره و اسعارها ثابته من فتره كبيره و ده واضح بالنسبه لزيوت العربيات
مفيش زياده من الى فى الضرايب الجديده دى على حاجة من مشتقات البترول الا سعر الغاز بتاع المنزل و ده مبيستخدموهوش فى الزيوت بتاعه الديزل على ما اعتقد

[hossam_elwani]

بلاش اشاعات ياجماعه عشان التجار ما بيصدقو

[misry]

معلش يعني , هو ايه جركن الزيت ال20 كيلو ده ...؟؟؟؟؟

ده لو على كلامهم يبقى اللتر ب15 جنيه يعني رخيص جدا ...

جرايد متخافة صحيح ...

[zangry]

لييييييييه ياعم احنا كفرة :d

انا هستقيل من البلد دى :d

[Y a r i s]

سبقتني .... هو فيه جركن زيت في الدنيا ٢٠ كيلو ب ١٦٠ جنية
طب واللهي ياريت .... ده حتى يبقى رخيص قوي

[S O P H O S]

هنحط زيت اكل اوفر ..

[Y a r i s]

هنحط زيت اكل اوفر ..

ماهو يا بوحميد زيت الاكل. الكيلو. ب ١١ جنية
الخبر بيقولك ٢٠ كيلو ب١٦٠ جنية يعني لو كان زيت اكل يبقى ال ٢٠ كيلو في ١١ ب ٢٢٠ جنية. مازولا ولا عافية او كريستال :)

اكتر حاجة تدمر اي مجتمع الاشاعات. واكتر حاجة تدمر اي مؤسسة. تخبط في القرارات واكتر حاجة تدمر اي شركة. تغيرلها كل يوم مدير زي ما بتغير كل يوم لابنك . الباميز. ... :)

قيس كلامي ده على دولة بحجم مصر ممكن شوية الحجات دي تعمل فيها ايه ! .