زيت شل الأصفر

[tahaderaz]

السلام عليكم
موضوع الزيوت أصبح أمر محير لمعظم الناس بين زيت معدنى وتخليقى وبين أنواع متعددة النهارده قمت بتغير الزيت أول مرة أستخدم شل الأصفر والمرة السابقة كنت حاطط زيت تخليقى كاسترول ايدج بس ارتفاع الأسعار والصيانة المتعددة مخلصه الفلوس أول بأول فقلت أجرب شل الأصفر
سؤالى الصعب بقى لخبراء الزيوت فى ضرر من استخدام الزيوت المعدنية بعد التخليقية ؟

[MohammedAladel]

هما بينصحوا بيها لما الموتور يعد كيلو مترات كتير قوى بس هقول لحضرتك امشى على لزوجة الزيت الموصى فى الكتالوج

مش مهم بقى النوع إيه شل فالفولين فسكو أى نوع كويس بس أهم حاجة اللزوجة أصل الانواع الكويسة كتيرة :)

ويقال إن فترة التسخين بتبقى أكثر مع الزيت المعدنى عن الزيت التخليقى

[Sehsss]

عربيتك عاملة كام كيلومتر ؟؟؟

[tahaderaz]

أقل من 150 ألف ك

[Sehsss]

يبقى شل الأصفر ومثيله من الزيوت الأخرى مناسب جدا لحضرتك

[tahaderaz]

يبقى شل الأصفر ومثيله من الزيوت الأخرى مناسب جدا لحضرتك

شكرا لردك على موضوعى دلوقتى كتير بيكسل من الكتابة يقرأ ويمشى

[momo44]

الطبيعى استخدام المعدنى بعد التخليقى
لكن اللى مش طبيعى هو العكس
كده انت فى السليم

[MohammedAladel]

أنا مثلا لو همشى على كلام الكتالوج مش هحط غير زيت تخليقى ودا الطبيعى ::)

أنا أعرف ناس بتحط مرة تخليقى ومرة معدنى معرفش ليه

أستاذ sehss بناء على إيه بتحدد نوع الزيت ؟

[Sehsss]

أنا مثلا لو همشى على كلام الكتالوج مش هحط غير زيت تخليقى ودا الطبيعى ::)

أنا أعرف ناس بتحط مرة تخليقى ومرة معدنى معرفش ليه

أستاذ sehss بناء على إيه بتحدد نوع الزيت ؟

بناء على عدد الكيلومترات المقطوعة، لأن المحرك الذي قطع عدد كبير من الكيلومترات، (أكثر من 100 أو 150 ألف كيلو متر) بيكون على أجزاءه الداخلية رواسب، فإذا استخدمنا زيت تخليقي فإنه يزيل هذه الرواسب مما يزيد من مقدار الخلوص بالأجزاء الداخلية للمحرك فيؤدي لتهريب كبس المحرك.. تحياتي

[S O P H O S]

شل الاصفر فعلا مناسب ليك المهم تستقر عليه
ومترجعش تغير تاني ..

[Sehsss]

شكرا لردك على موضوعى دلوقتى كتير بيكسل من الكتابة يقرأ ويمشى

العفو يا باشا، على إيه

[zrzr1]

طب يا رجال انا بستخدم زيت اسمه تيتان اعرف منين دا تخليقي ولا معدني ؟؟

[Sehsss]

طب يا رجال انا بستخدم زيت اسمه تيتان اعرف منين دا تخليقي ولا معدني ؟؟

رقم اللزوجة كام ؟؟؟

[zrzr1]

10-40 تقربيبا لاني مفيش عندي اي علب زيت اشوفها

[S O P H O S]

اعتقد انه كده مش معدني
والله اعلم ..