شل ولا موبيل؟؟

[هيثم الدسوقى]

السلام عليكم

انا باستخدم زيت موبيل ال3000 كيلو ب115 ج لكن كل الناس بتنصحنى اغير لزيت 1000 كيلو بس الصراحة لقيت هنا ناس بتشكر اوى فى زيوت شيل انا عربيتى اوبل كورسا 94 ومشاوريها مش كتيرة دايما داخل البلد وبيكون مشوار او اتنين فى العادة ومبتقطعش مسافات كبيرة غير مثلا 50 كيلو بالكتير اوى مرة فى الشهر.

فهل اغير لزيت شل 1000 كيلو؟؟

[AlGazar2]

لو موتورك حالته كويسه يبقى حرام تحطله زيت ال 1000 كيلو

حطلة شيل ال 5 الاف ب 120 جنية احسن و نزله كل سنة مثلا

[مواطن مصرى]

حالة الموتور عامله ايه ؟! ...
لو الموتور معدى 150 الف كيلو و حالته مش 100% ممكن تفكر تحط شيل الاحمر متعدد الدرجات 20-50 و بيقعد من 1500 الى 2000 كيلو مش الف واحده كمان و بـ 72.5 جنيه ...

لو حالة الموتور كويسه ممكن بدل موبيل حط شيل الاصفر و اهو هايقعد من 4000 الى 5000 كيلو و بنفس سعر موبيل تقريباً (120-125 ج)

[هيثم الدسوقى]

العربية عاملة حوالى 98 الف كيلو

بس هو مش احسن تغيير الزيت كل 1000 بحيث تكون المدة قصيرة ودا يحافظ على المحرك؟؟

[Elawany13]

مشكلة موبيل ان اسعاره بقت استهبال بصراحة
كل شوية تغلى بداعى وبدون داعى
شل خيار افضل بالنسبة ليا علشان السعر
جركن شيل الاحمر احادى الدرجة بحوالى 60 جنيه أو 65 جنيه مش فاكر
جركن شل الأحمر متعدد الدرجات شاريه بـ 70 جنيه من اسبوعين تقريباً
جركن شيل الأصفر بـ 120 جنيه
بس تقسيمة 1000 كم و 5000 كيلو ديه مش دقيقة
ممكن يقعد اكتر من كده
الأسعار ديه من بنزينة شل فى طنطا

[هيثم الدسوقى]

يعنى اتكل على الله واغير شيل ؟

واجيب انهو واحد فى رأيك؟

[مواطن مصرى]

لو حاله الموتور 80-90% هات شيل الاصفر
لو حاله الموتور 60% فأقل هات شيل الاحمر متعدد الدرجات 20-50

موضوع تغيير الزيت كل 1000 كيلو ده لسه بدرى قوى عليه ده لما يكون الموتور مفوت و بياكل زيت و الزيت بينقص منه فلازم تحطله زيت ثقيل مع زيت شمبر و تغير الزيت كل 1000 كيلو علشان تحافظ على الموتور لغايه ما تعمله نصف عمره او عمره كامله حسب الحاله ..

لو عايز رأى تانى غير موبيل و شيل جرب كاسترول gtx او بترومين ultra نفس سعر شيل الاحمر(حدود 70 جنيه) و بيقعدوا اكثر من 2000 كيلو و مستوردين مش تعبئة محلية و لو عايز حاجه محليه تأدى الغرض هات التعاون الازرق sj ..

[هيثم الدسوقى]

طب اعرف حالة الموتور منين؟؟

وكمان انا عاوز اخر كلام انهو زيت افضل فيهم الكاسترول دا مش متوفر فى المحلة بيتهيألى والشل هو اللى موجود بس مش عارف بقى اجيب انهو واحد فيهم على كلامك دا؟؟

[aldesha989]

موبيل 3000 ب 115 ليه دا انا جايبه من اربع ايام ب 90 جنيه الاسعار مالها مش ثابته ليه كده
بصراحه انا بحب موبيل وان
بالنسبة لانك تعرف الماتور كويس ولا لا اولآ لما بتقيس الزيت كل يوم بتلاقيه فى معدله الطبيعى ولا بينقص منك ؟

وفى تقريبآ بنزينه بتروح عندهم تقيس كبس الماتور كويس ولا لا بس الشباب يدلوك اكتر عن الموضوع ده

[هيثم الدسوقى]

موبيل 3000 ب 115 ليه دا انا جايبه من اربع ايام ب 90 جنيه الاسعار مالها مش ثابته ليه كده
بصراحه انا بحب موبيل وان
بالنسبة لانك تعرف الماتور كويس ولا لا اولآ لما بتقيس الزيت كل يوم بتلاقيه فى معدله الطبيعى ولا بينقص منك ؟

وفى تقريبآ بنزينه بتروح عندهم تقيس كبس الماتور كويس ولا لا بس الشباب يدلوك اكتر عن الموضوع ده

الموبيل دا والله باجيبه من المحلة هنا بقالى اكتر من سنتين اكتر من 100 جنيه

و من اول 2012 بقى 115 جنيه حاجة كدا والله اخر استهبال

[مواطن مصرى]

مش محتاج تقيس كبس الموتور و لا حاجه ..
هل العربيه بتطلع دخنه بيضاء او سوداء ؟!
هل العربيه لما بتحطلها زيت و تيجى تقيس الزيت بعدها بأسبوع او اثنين بتلاقى الزيت ناقص ؟!
هل الموتور صوته عالى (خشن) ؟!
هل بتسمع اصوات غريبة من الموتور اثناء سير العربيه ؟!
هل العربيه يتسخن منك كثير ؟!

لو الاجابه لا على كل الاسئلة و العربيه عاديه تماما يبقى الموتور حالته كويسه و فى الحاله دى هات شيل الاصفر و غيره على 4000 كيلو او شهرين ونصف الى 3 شهور ..

لو نعم فى حاجات و لا فى حاجات يبقى هات شيل الاحمر 20-50 و غيره على 2000 كيلو او شهر ونصف الى شهرين ..

[aldesha989]

مش محتاج تقيس كبس الموتور و لا حاجه ..
هل العربيه بتطلع دخنه بيضاء او سوداء ؟!
هل العربيه لما بتحطلها زيت و تيجى تقيس الزيت بعدها بأسبوع او اثنين بتلاقى الزيت ناقص ؟!
هل الموتور صوته عالى (خشن) ؟!
هل بتسمع اصوات غريبة من الموتور اثناء سير العربيه ؟!
هل العربيه يتسخن منك كثير ؟!

لو الاجابه لا على كل الاسئلة و العربيه عاديه تماما يبقى الموتور حالته كويسه و فى الحاله دى هات شيل الاصفر و غيره على 4000 كيلو او شهرين ونصف الى 3 شهور ..

لو نعم فى حاجات و لا فى حاجات يبقى هات شيل الاحمر 20-50 و غيره على 2000 كيلو او شهر ونصف الى شهرين ..

انا بقى عندى دى بس
هل الموتور صوته عالى (خشن) ؟!

دى تبقى من ايه ولا ممكن يكون الماتور اصلآ صوته كده لانى لسه جايب العربيه من تلات اربع ايام بس مازدا 121

[akmm]

الزيت ... ومشاكل تغييره ؟؟؟ دايما حيره

[هيثم الدسوقى]

مش محتاج تقيس كبس الموتور و لا حاجه ..
هل العربيه بتطلع دخنه بيضاء او سوداء ؟!
هل العربيه لما بتحطلها زيت و تيجى تقيس الزيت بعدها بأسبوع او اثنين بتلاقى الزيت ناقص ؟!
هل الموتور صوته عالى (خشن) ؟!
هل بتسمع اصوات غريبة من الموتور اثناء سير العربيه ؟!
هل العربيه يتسخن منك كثير ؟!

لو الاجابه لا على كل الاسئلة و العربيه عاديه تماما يبقى الموتور حالته كويسه و فى الحاله دى هات شيل الاصفر و غيره على 4000 كيلو او شهرين ونصف الى 3 شهور ..

لو نعم فى حاجات و لا فى حاجات يبقى هات شيل الاحمر 20-50 و غيره على 2000 كيلو او شهر ونصف الى شهرين ..

مش عارف ازاى صوت الموتور يكون خشن الحقيقة بس كل دول مفيش واحدة فيهم موجودة

[Shady Hafez]

نصيحة شل احسن من موبيل - ولو حتجيب شل هاات الاصفر