زيت موبيل وحش ؟؟؟؟!!!!!

[amr83]

الراجل بتاع الزيت كان ناقص يبوس ايدي اخد زيت الماني كده مش فاكر اسمه و بيعد 5 الاف كيلو و
تقريبا نفس سعر ال (xhp) بس انا استنصحت و حطيت موبيل برده لقيت ناس هنا في المنتدي بتقول ان زيت عافيه احسن منه و انه بيعلي صوت العربيه ؟؟؟؟؟ ده فعلا الكلام ده ؟؟؟؟

[AlGazar2]

طالما حطيته تعايش معاه 2000-3000 كيلو كده تحلل تمنه و بعد كده سورى فى اللفظ ارميه و متحطوش تانى

كل تجارب الناس معاه سيئة جدا فعليا زيت التموين احسن منه - زيت عافيه بالنسباله تخليقى اساسا

جرب اى نوع تانى من الزيوت هتلاقى صوت الماتور اهدى بكتيييييييييييير و السحب اتحسن و الزيت مبقاش يتبخر مع الحرق زى الاول

انا كنت زيك كده فى الاول بحط موبيل و موبيل ده جميل لغايه مخلى الماتور عامل زى مواتير الديزيل و خلى الكستبانات سيئة و غيرت الزيت لشل الاصفر و صوت الماتور هدى عن الاول بكتييييييييييير اوووووووووووووووووووووى حاليا غيرت لفالفولين الصوت اهدى بس الزيت بينقص عن الشيل مع الحرق على الغيارات و التغييره الجاية يا هجرب الفيسكو فى النوبيرا - جربته فى اللانسر و صوتها هدى جدا بس السحب حاسه مات ( العربية مع الحاج و 1300 مش عارف العيب فى الزيت ولا فى سواقة الحاج انا بامانة برجح سواقه الحاج ) اما هكمل مع فالفولين او هحط كاسترول 10000 الماجنتيك ب 170 او 190 تقريبا مش متاكد

[modyegypt]

والله مع انى لسه بحط موبيل xhp
بس فعلا فى ناس كتير بدات تكرهنى فيه
على كل حال بضم صوتى لصوتك

[S O P H O S]

انا بالنسبة ليا زيت عافية افضل من موبيل بصراحة
بالرغم ان بعض اسرتي بيستخدموا موبيل
لكن انا مستحيل اتعامل مع الزيت ده
لكن ده رأي شخصي فقط ليس الا ..

[midooo_119]

عن تجربة الموبيل سىء جدا و بيخشن صوت الموتور لما غيرت لشل فرق كبير بين الاتنين

[هيثم الشرقاوى]

السلام عليكم ...طيب اية رايكم يا جماعة فى زيت التعاون الجركن الاصفر ن الراجل بتاع محطة التعاون صلاح

سالم قالى الجركن الاصفر sx بيمشى 5000 كيلو والجركن الاصفر ms بيمشى 8000 كيلو وكفائتة تقارب زيت شل الجركن الاصفر مع العلم بان السعر 95 او 98 مش فاكر المهم لايتعدى 100 جنية ولما سالته عن فرق السعر قالى ان الزيت دة خاص بشركة حكومية وعلية نسبة دعم فاية رايكم يا اعضاء احلى موقع والسلام عليكم ورحمة الله وبركاته

[amr83]

الف شكر يا جماعه علي الردود و انا حاسس فعلا ان العربيه صوت مكنتها خشن انا معنتش ححطه و انشاء الله المره الي جايه هجرب الشل