زيت موبيل 1 ولا توتال أحسن لصني 2013

[heba_hassan]

أنا روحت عملت صيانة الألف في مودرن موتورز فحتولي زيت موبيل 1 -5000 ويعدين جتلي رسالة نيسان بتاعة الصيانه المجانيه فقولت استفاد منها

بس روحت اوتو ايجيبت بعد نصيحة الأعضاء هنا ان اوتو ايجيبت احسن من مودرن وهناك قالولي هنعملك الصيانه وهنحطلك الزيت والفلتر في شنطة العربيه وبعد ماخلصت ومشيت جيت اشيل الزيت لاقيته توتال
فا أنا دلوقتي مش عارفه لما اجي اعمل صيانة 5000 اغير لتوتال ولا كده غلط واخليني في موبيل

إنتوا ايه رأيكوا ؟؟؟؟؟؟؟؟؟؟

[Formulator]

لا ده ولا ده.. الـ2 سيئين جدا،
(دا لو ينفع عندكو فـ التوكيل انك تحط الزيت اللى انت عايزه)؟؟!!!

أصلا الموبيل-1 المفروض 10000 مش 5000 زى مانت بتقول!
AFAIK النيسان بتحط Mobil-1 peak-life 5w-50 SuperSyn

والتوتال لو حتى الـsynthetic اللى هو Quartz 9000 بردو زيت سىء؟!!!
المفروض عربية جديدة مايتحطش فيه إلا زيت تخليقى بالكامل 5w-40/50

لكن
لو مجبر انك تختار بين الموبيل-1 والتوتال كوارتز.. يبقى الموبيل -للأسف!!

Rgds،

[mohamedrabia]

لا ده ولا ده.. الـ2 سيئين جدا،
(دا لو ينفع عندكو فـ التوكيل انك تحط الزيت اللى انت عايزه)؟؟!!!

أصلا الموبيل-1 المفروض 10000 مش 5000 زى مانت بتقول!
AFAIK النيسان بتحط Mobil-1 peak-life 5w-50 SuperSyn

والتوتال لو حتى الـsynthetic اللى هو Quartz 9000 بردو زيت سىء؟!!!
المفروض عربية جديدة مايتحطش فيه إلا زيت تخليقى بالكامل 5w-40/50

لكن
لو مجبر انك تختار بين الموبيل-1 والتوتال كوارتز.. يبقى الموبيل -للأسف!!

Rgds،

++++++++++++

[Dr'AhmZZong]

حضرتك ممكن تجيبي أي زيت معاكي و حضرتك راحة التوكيل إن شاء الله التعاون حتى هههههههههههههه ..

انسب حاجة لحضرتك ليكوي مولي ..

لو مش هتعرفي تجيبي الزيت ده ..

حطى mobil عادي .. كده كده حضرتك مش بتجري ف الزيت هيبقى ممتاز مع حضرتك ..

[kliken]

السبع تقريبا بيحط شل ده انضف من الاتنين
و الافضل منهم كلهم هو ليكوى مولى

[AlGazar2]

اى زيت احسن من موبيل بالتاكيد
و العربية جديدة لازملها زيت تخليقى بالكامل و من شركه محترمه زى شيل - فالفولين - كاسترول - ليكومولى

[Elsebily]

أنا ارشحلك ليكوي مولي او فالفولين او كاسترول أنا شخصيا عشان جنبي بنزينة طاقه بغير فيها كاسترول علي طول وانطباعي عنه انه زيت ممتاز ولحد دلوقتي معملش معايا اي مشاكل

[heba_hassan]

شكرا يا جماعه علي اهمامكوا وردكم المفيد

بس عايزه أسأل عن حاجه إزاي اعرف الفرق بين الزيت المعدني والتخليقي يعني بيكون مكتوب علي العلبه إيه؟؟؟؟؟

حاجه تانيه ماحدش جاب سيره زيت توتال إلي معايا يعني هوا وحش لدرجة اني ارميه مش خساره

[Formulator]

لأ طبعا إستفيدى بيه..
كملى بيه 3000-5000 كم بالكتير (وهو هيقول لوحده)!! ههههههههههه
خسارة يترمى؟!!

بالنسبة للـsynthetic والمعدنى:
طبعا مش هتلاقى عـ الجركن 5000 و 10000 والكلام ده!!

بس كل زيت معروف الـgrade التخليقى بتاعته..
- الموبيل بتبقى الـ1 Super-syn
- الشيل بتبقى الهيلكس Ultra
- التوتال كوارتز 9000
- الليكوى-مولى الـTop-tec 4100
- الكاسترول الـEdge

وهكذا...

يعنى لا شيل الأصفر ولا موبيل xhp ولا كاسترول magnetic ينفعوا فـ عربية جديدة!!

Rgds،

[heba_hassan]

لأ طبعا إستفيدى بيه..
كملى بيه 3000-5000 كم بالكتير (وهو هيقول لوحده)!! ههههههههههه
خسارة يترمى؟!!

بالنسبة للـsynthetic والمعدنى:
طبعا مش هتلاقى عـ الجركن 5000 و 10000 والكلام ده!!

بس كل زيت معروف الـgrade التخليقى بتاعته..
- الموبيل بتبقى الـ1 Super-syn
- الشيل بتبقى الهيلكس Ultra
- التوتال كوارتز 9000
- الليكوى-مولى الـTop-tec 4100
- الكاسترول الـEdge

وهكذا...

يعنى لا شيل الأصفر ولا موبيل xhp ولا كاسترول magnetic ينفعوا فـ عربية جديدة!!

Rgds،

انا مش فاهمه أي حاجه

يعني الموبيل وان تخليقي ولا لأ ؟؟

وتوتال 10000 تخليقي ولا لأ ؟؟

[Dr_MaTrix]

والله انا جربت ليكو مولى وكان رائع الصراحة وده بشهادة اعضاء كتير جربوه

[د.هشام]

أنا روحت عملت صيانة الألف في مودرن موتورز فحتولي زيت موبيل 1 -5000 ويعدين جتلي رسالة نيسان بتاعة الصيانه المجانيه فقولت استفاد منها

بس روحت اوتو ايجيبت بعد نصيحة الأعضاء هنا ان اوتو ايجيبت احسن من مودرن وهناك قالولي هنعملك الصيانه وهنحطلك الزيت والفلتر في شنطة العربيه وبعد ماخلصت ومشيت جيت اشيل الزيت لاقيته توتال
فا أنا دلوقتي مش عارفه لما اجي اعمل صيانة 5000 اغير لتوتال ولا كده غلط واخليني في موبيل

إنتوا ايه رأيكوا ؟؟؟؟؟؟؟؟؟؟

الموبيل وعن تجربة (١٣ سنة في اكتر من عربية) زيت ممتاز وبيحافظ على موتور العربية. بالنسبة للتوتال هو زيت تخليقي برضه، وفيه توكيلات محترمة بتستخدمه، يعني مش حيحصل حاجة لو استخدمتي التوتال اللي معاكي الصيانة اللي جاية، ولو قلقانة منه ممكن تغيريه قبل ال ١٠٠٠٠ بشوية، يعني على ٨٠٠٠ كيلو مثلا.
ملحوظة اخيرة في صيانة ال ٥٠٠٠ مش حتغيري الزيت، حتغيريه في صيانةال١٠٠٠٠، واضح ان كل مركز صيانة بيشتغل بنظام، انا عملت الصيانة المجانية في united group وادوني كوبون بالفلتر والزيت المجاني، علشان استخدمه في صيانة ال ١٠٠٠٠

[saint2011]

شوفى حضرتك الزيت التوتال أللى حضرتك أخدتيه من أتو أيجيبت ده تخليقى 10000 كم وممكن حضرتك تستخدميه فى صيانه ال 5000 وتحطيه وتغيريه فى صيانه ال 10000 كم بزيت محترم مثل ليكوى مولى او فالفولين تخليقى 10000 كم عشان تستفيدى بالتوتال علما انه مش كويس أوى يعنى

[aboamr]

عن تجربه الافضل........ ليكوى مولى

[kliken]

انا مش فاهمه أي حاجه

يعني الموبيل وان تخليقي ولا لأ ؟؟

وتوتال 10000 تخليقي ولا لأ ؟؟

الموبيل وان تخليقى و زيت توتال كوارتز اللى كل 10000 برضه تخليقى مش معدنى