إية رأيكم فى زيت توتال

[ghareeb]

انا عايز أعرف تجربة الناس الى غيرت لزيت توتال فى التوكيل -- عشان انا من ساعة ما غيرت الزيت و العربية بقت بتاخد وقت طويل فى التخين الصبح و السحب بتاع العربية بقة ضعيف جدا طول ما العربية درجة حرارتها موصلتش 90 بس للأمانة إستهلاك البنزين بقى أقل سنة بسيطة - فهل الأعراض ده عند كل الناس و لا أنا يبقى عندى مشكلة تانية -- بس كل الأعراض ده مظهرتش غير لما غيرت الزيت

[kliken]

انا التوكبل اللى بتعامل معاه لنيسان بيحط توتال حطيته مره و ما كنتش مبسوط خالص و صوت الموتور كان عالى شويه

[Al-Farooq]

بالنسبة لتوتال على حسب معلوماتي وبناء على تجارب الاعضاء :-
توتال 5000 جيد.
توتال 10000 سئ.
وعليه لو هتستخدم توتال يبقي كل 5000 افضل من كل 10آلاف.

[mhassan9]

بالنسبة لتوتال على حسب معلوماتي وبناء على تجارب الاعضاء :-
توتال 5000 جيد.
توتال 10000 سئ.
وعليه لو هتستخدم توتال يبقي كل 5000 افضل من كل 10آلاف.

أنا حطولي في صيانة ال ١٠٠٠ توتال ٥٠٠٠ ولما سألت مهندس الصيانة ليه محطناش ١٠٠٠٠ قالي ال ٥ أحسن للعربية وعشان تغيره في المتابعة علي أساس أن كل صيانة ٥ يغيرولي زيت وفلتر

[Al-Farooq]

أنا حطولي في صيانة ال ١٠٠٠ توتال ٥٠٠٠ ولما سألت مهندس الصيانة ليه محطناش ١٠٠٠٠ قالي ال ٥ أحسن للعربية وعشان تغيره في المتابعة علي أساس أن كل صيانة ٥ يغيرولي زيت وفلتر

الخمسة أول مرة بس.
بعد كدة بإختيارك تعمل الصيانة كل خمسة آلاف او 10 آلاف.
هما بيفضلوا انك تعملها كل خمس آلاف.

[tamerosman]

بالنسبة لتوتال على حسب معلوماتي وبناء على تجارب الاعضاء :-
توتال 5000 جيد.
توتال 10000 سئ.
وعليه لو هتستخدم توتال يبقي كل 5000 افضل من كل 10آلاف.

انا جربت توتال5000 معدنى و توتال 10000 تخليقى و فعﻻ المعدنى كان افضل فى استهﻻك البنزين و نعومة الموتور

بس حسب ما انا فاهم ان العربية لما تبقى جديدة بيكون الزيت االتخليقى افضل علشان الخلوصات بين البساتم و الشميز بتكون اقل و الزيت التخليقى بيكون اقل و اخف فى اللزوجة و مناسب للخلوصات الضيقة ... . بس هما فى التوكيل مصممين على توتال لﻷسف .....مع ان الكل اجمع ان توتال التخليقى على قده مع انه مش رخيص انا اخر صيانة زيت و فلتر دافع فوق 500 جنيه الزيت لوحده بحوالى 280 و مصنعية تعيير زيت و فلتر اكتر من 200 جنيه ....استغﻻل و كمان بغرضو علينا زيت تعبان و غالى فى نفس الوقت

[Magoda]

انا جربته ال 3000ك معجبنيش مفيش أحسن من شل الأصفر 5000ك

[hesham1978mmmm]

بصراحة انا جربته زيت وحش جدا مخلي السحب ضعيف وصوت العربية مزعج جدا لما جربت زيت توتال الخمسة فعالا كان احسن من الأثنين ولما جربت زيت شل الأزرق بصراحة كان تحفة سحب وصوت هادي افضل من التوتال بكتير بس مضطر احط توتال عشان الضمان وانا حاطط توتا 10 الف بس اخر مرة مش هاحطه تاني هاحط توتال 5 الاف

[Raul_7]

أنا حاطط ال 10, زي الزفت. هنزله الصيانة الجاية ان شاء الله.

[Dr'AhmZZong]

زيت سيء جدا ده mobil 1 احسن منه ..

[Mohab555]

زيت وحش جدا عن تجربه قبل كده .... شل و لكوى كولى برقبته

[D . a .\ AYMAN]

مش هازود على الأخوة الأعضاء قالوه بإنه فعلا زيت لا يرقى للمستوى المطلوب

أنا حاطه حاليا في صيانة الألف وحاليا عامل حوالي 9000 كيلومتر ... ومن أول ما حطيته وصوت الموتور مش حلو وماقدرش أحكم على السحب لأني ما جربتش سحب العربية من غيره لسة عامل إيه ... برغم إن لزوجته مش وحشة لما بشوفه بإيدي لكن مش مرتاحله نهائي

والشل الترا أفضل منه بمراحل ... والتعاون أفضل منه أيضا ... وهما الأثنين أفضل من موبيل 1

[eng.m7md.ali]

انا ليا رأي تاني

انا جربت توتال 5000 - 10000 كيلو و شيل 5000 وكاسترول ايدج و ليكومولي 5000 وفالفولين 5000

احسن زيت فيهم هو توتال 5000 لاني لما جربت كاسترول ايدج مرتين لقيته اول مرة كويس والمرة التانية وحشة جداً

نفس الكلام على الشيل لقيته اول مرة كويس وتاني مرة وحش جداً

وليكومولي بيفكرني بالتوتال بالظبط يعني تقريبا مفيش فرق

والفالولين اختفى من الموتور ومعرفش ليه

[eng.m7md.ali]

نسيت اقول اني بردو جربت فيسكو 5000 و 10000 كانو كويسين

بس انا لقيت توتال احسن بكتير

[ghareeb]

يعنى كل الناس مش عاجبة الزيت و التزكيل مصمم علية طب نعمل إية خاصة إنهم بقم يرفضوا يحطوا زيت غير توتال ---