تجربتي مع 4 زيوت مختلفة في 8 شهور

[dandashx]

خلال 8 شهور حطيت 4 زيوت مختلفة لعربيتي الرينو كليو موديل 2003. 1200 سي سي عاملة 95 ألف كليو.

خلاصة التجربة:
الترتيب حسب سحب العربية في السرعات الكبيرة:
1- موبيل
2- شل (فرق صغير بينها وبين موبيل)
3- ليكوي (فرق صغير بينها وبين شل)
4- توتال (أسوأ بفارق كبير)

الترتيب حسب سحب العربية في السرعات البطيئة والوقوف المتكرر:
1- شل
2- موبيل
3- ليكوي
4- توتال

الترتيب في سخونة المحرك (الفروقات ضعيفة للغاية):
1- شل (أقل درجة حرارة)
2- ليكوي
3- توتال
4- موبيل

الترتيب في صوت المحرك:
1- شل
2- ليكوي
3- موبيل (الصوت قريب جداً ل ليكوي، بس ليكوي أهدا)
4- توتال (أسوأ بفارق كبير)

تمت التجارب في نفس ظروف التشغيل بقدر الإمكان، وبنفس الأحمال، وعلى نفس الطرق (داخلي من حدائق القبة لشارع الثورة وخارجي من شارع الثورة للعاشر من رمضان مروراً بطريق السويس الصحراوي والإسماعيلية الصحراوي)

[midooo_119]

فعلا عن تجربة موبيل فترة طويله جدا شل افضل منه بمراحل

[i_Am_Legend]

شيل وليكوي...الافضل

[solly1979]

ياااا صعبه اوى ان حضرتك تحس بالفروقات الصغيرة ديه مجهود ممتاز

المهم فى النهايه رسيييت على ايه فى الاخر والى هتمشى عليه ؟

[Hondawy_2008]

جرب فيسكو هايل

[dandashx]

ياااا صعبه اوى ان حضرتك تحس بالفروقات الصغيرة ديه مجهود ممتاز

المهم فى النهايه رسيييت على ايه فى الاخر والى هتمشى عليه ؟

أي حاجة كتبت جمبها (فرق صغير بينها وبين اللي فوقها) معناها: ممكن يبدلوا مكان بعض، دي تنزل ودي تطلع. لكن اللي مش جمبها الكلمة دي معناها: فيه فرق ملحوظ بينها

الزيت اللي عندي حاليا هو موبيل ولسه جديد: هياخد وقته، وبعدين أحط شل بدون نقاش

[S O P H O S]

فعلا شل هو الزيت الطبيعي للعربيات ..

[dandashx]

من تجربتي الشخصية لو هارتب الزيوت:
شل: 9 من 10
موبيل: 7 من 10
ليكوي: 6.5 من 10
توتال 4 من 10

طبعاً التجربة دي خاصة بعربيتي فقط. كل عربية لها ظروف تشغيلية مختلفة، من ناحية المحرك، وعمره، وعدد الكيلوات، وأسلوب القيادة.

[MEKAWY2000]

ليكوى مولى
شل
موبل
الا الان

[esam_ayad]

مجهود ممتاز
وفعلا شل زيت محترم

[Shiref_mohamed]

شكراً على مجهوداتك
انا فعلاً غيرت المره ديع من توتال إلى شل هيلكس الترا وفعلاً لاحظت ان حرارة الموتور قلت بشكل ملحوظ وكمان الصوت اهدي والسحب احسن

[medori]

انا كنت شغال ب total و لسه مغير ل liqui moly امبارح، مبدأيا السحب بقى احسن من التوتال فى الاول بس فرق بسيط، صوت الموتور برضه فرق بسيط، الحراره حسيت بفرق ملحوظ عن الtotal، متحستش بالصهد اللى كان بيطلع من الكبوت، يعنى من تجربه يوم واحد اقدر اقول ان liqui احسن من total فى الاول، المهم هيستمر على كده و لا هيسقط بدرى بدرى، عشان total بقى اداؤه وحش بعد حوالى 6500 كم و عشان كده غيرته و عملت الصيانه قبل معاده و نازل اسود و محروق و منيل بنيله

[elpasha1]

جرب فيسكو هايل

+11111111111

[ahmed_hanafi]

طب ياجماعة انا شايف ان من كلامكو ان شيل وليكوي هما تقريبا احسن اتنين ....تنصحوني احط ايه للفوانس...العربية لسه جديدة وعايز احط حاجة تحافظ علي الموتور

[dandashx]

طب ياجماعة انا شايف ان من كلامكو ان شيل وليكوي هما تقريبا احسن اتنين ....تنصحوني احط ايه للفوانس...العربية لسه جديدة وعايز احط حاجة تحافظ علي الموتور

توكل على الله وحط شل