غيرت زيوت البرسونا

[gadieb]

صباح الخير على جميع اعضاء المنتدى
انا غيرت زيوت العربيه امبارح( برسونا 2009)
بالنسبه لزيت الفتيس الاوتوماتيك( جبت نوع اسمه EBRO من محل المدينه فى شارع دمشق) بصراحه ما عجبنيش الفتيس الصبح بيتاخر برضه فى النقله الاولى بالذات ومش عارف ايه السبب انا كنت فاكر ان المشكله فى الزيت لانه ما اتغيرش من زمان والمالك الاول كان بيزوده مش بيغيره والعربيه عامله 155000

فالوفولين
غيرت زيت الموتور لزيت فالفولين ماكس ليف 10w-40 من توكيله الى فى الحى السادس مدينه نصر
بصراحه من اول دواره العربيه بسم الله ماشاء الله فاقت جداً وصوت الموتور وطى والسرعه زادت بشكل ملحوظ جدا وحتى فى السلانسيه (مش عارف فيه علاقه ولا لا بس ده الى حسيته فعلاً) مع العلم ان الزيت الى نزل كان شيل 5000 الجيركن الاصفر بصراحه مقارنه بالفالفولين سيئ جداً
المهم مش عاوز اوصفلكم قد ايه المعامله محترمه هناك
اولاً زيت فالفولين ماكس ليف للموتور مصمم للعربيات الى عدت الـــ 100000
هولندى الصنع
سعره مناسب جدا جدا جدا مقارنه بالموبيل والشيل (200 جنيه وفى خصم 10% يعنى دفعت 180 جنيه)
بيقعد 10000 كيلو وممكن اكتر - بس المهم فى النوع ده ان العربيه ما يكونش بينقص فيها الزيت خالص
غيرت فلتر (طبعا مش الاصلى"بتاع لانسر") بسعر السوق عادى جداً 25 جنيه
اخدت معطر سياره مجاناً
المكان نضيف جداً وفى كمان كافيه جوه لو عاوز تشرب حاجه على ما يغيروا الزيت
فى نوع زيت مخصص للفتيس الاوتوماتيك ماكس ليف برضوا عليه خصم تحفه نازل من 85 جنيه الى 68 جنيه بس للاسف انا كنت غيرت الزيت للنوع الى قلت عليه EBRO
الخلاصه
بجد انصح بزيت فالفولين لاى حد عاوز يغير زيت بس تجيبه من التوكيل لانه قالى ان فيه منه مضروب كتير جداااااااااااااااااااا فى السوق وقالى ان فيه ناس بتستورده غيرهم (تحت السلم ) بس المشكله انك مش هتعرف تميز الاصلى من المضروب وعلى فكره انا شفت المخزن بتاعهم بجد حاجه محترمه
طبعا الى عاوز يجمع معلومات اكتر عن نوع الزيت هايلاقى موضوع مخصوص عن فالفولين فى المنتدى
وعلى فكره هما عندهم داتا بيز بكل انواع العربيات وانواع الزيوت المتلائمه معها
واسف للاطاله بس حبيت انقل تجربتى ليكم للافاده
وشكراً

[Raul_7]

أنا جربت Syn Power, كان كويس فعلا, بس أقل من كاسترول ايدج في الأداء.

عامة الزيت ده راحة نفسية, فيه كذا نوع كويس, المهم ميكونش مضروب.

[ahmad--ezzat]

غيرت زيت الموتور لزيت فالفولين ماكس ليف 10w-40 من توكيله الى فى الحى السادس مدينه نصر
بصراحه من اول دواره العربيه بسم الله ماشاء الله فاقت جداً وصوت الموتور وطى والسرعه زادت بشكل ملحوظ جدا وحتى فى السلانسيه (مش عارف فيه علاقه ولا لا بس ده الى حسيته فعلاً) ا

لاحول ولا قوه الا بالله

[D . a .\ AYMAN]

الفتيس الصبح بيتاخر برضه فى النقله الاولى بالذات ومش عارف ايه السبب انا كنت فاكر ان المشكله فى الزيت لانه ما اتغيرش من زمان

النقلة الأولى بتتأخر الصبح عادي لما يكون الموتور والفتيس لسة درجة الحرارة ما وصلتش للدرجة المثالية ... وده مش عيب في الزيت ولا الفتيس ... ده الطبيعي عشان الموتور يوصل للدرجة المثالية بسرعة

وطبعا غلط القرص على الموتور في المرحلة دي ... لازم تمشي بالراحة لغاية ما العربية تسخن

ومبروك الزيت الجديد

[gadieb]

لاحول ولا قوه الا بالله

ياساتر ليه كده ؟؟؟!!!!!!!!!

[gadieb]

النقلة الأولى بتتأخر الصبح عادي لما يكون الموتور والفتيس لسة درجة الحرارة ما وصلتش للدرجة المثالية ... وده مش عيب في الزيت ولا الفتيس ... ده الطبيعي عشان الموتور يوصل للدرجة المثالية بسرعة

وطبعا غلط القرص على الموتور في المرحلة دي ... لازم تمشي بالراحة لغاية ما العربية تسخن

ومبروك الزيت الجديد

الله يبارك فيك يا باشا وشكرا على اهتمامك وردك المحترم

[gadieb]

أنا جربت syn power, كان كويس فعلا, بس أقل من كاسترول ايدج في الأداء.

عامة الزيت ده راحة نفسية, فيه كذا نوع كويس, المهم ميكونش مضروب.

عندك حق يا باشا فعلا لازم الواحد يتاكد انه مش مضروب
ده فعلا حضرتك واضح ان فى زيوت مضروبه كتير جداااااااااا والمشكله ان نا كتير بتستسهل وبتغير من اى حته
زى مثلا على سبيل المثال لا االحصر المحلات بتاعه تغيير الزيوت الى فى الحى العاشر مدينه نصر تبص على جيركن الزيت الفالفولين لا الكاسترول تحس انه حتى الاستيكر مضروب بشكل مستفز جدا كانه متاخد على اسكنر ومطبوع حاجه مقرفه ويقولك ده بــ 200 وبــــ 220 وطبعا محتوى الجيركن من الزيت حدث ولا حرج زيت قليه انا ليه واحد صحبى ليه تجارب مريره معاهم
الناس انعدم عندها الضمير
وعلى العموم اعتقد ان التوكيل بيكون مضمون لقدر كبير
والف شكر يا باشا على ردك وتفاعلك

[S O P H O S]

مبروك يا باشا ..

[gadieb]

مبروك يا باشا ..

الله يبارك فيك يا باشا

[ahmed_h_g]

الف مبروك

[gadieb]

الف مبروك

الله يبارك فيك يا فندم