زيت كاسترول gtx

[lidosasa]

يا جماعة حد جرب زيت كاسترول gtx وهو للعلم زيت معدنى مش تخليقى
أنا غيرت زيت مرة واحدة للعربية أول ما أشتريتها وكان زيت شيل بس كنت شاكك فى إن الزيت مغشوش بس الحمد لله طلع تمام وشغال وبعدها سمعت عن الكاسترول والحقيقة الموزع بتاعهم جنبى والعبوات متبرشمة وعندهم المصرى اللى بيقعد 3000 كيلو والمستورد اللى بيقعد 5000 وفيه كمان عبوات كيلو من كلا النوعين .
عايزين نوصل لآفضل أداء ممكن مش شرط نتمسك بالحاجة إلى أتعودنا عليها

[dr.hazem]

الجي تي اكس معروف وممتاز لكن مش شرط يريح عربيتك....
كل عربية بترتاح بحاجة غير التانيه وكف مالك عربية له معايير مختلفة عن التاني....
عشان كده احنا بنقول درجة اللزوجة المطلوبه للعربية والنوع ده اختيارك انت فقط....
تحياتي

Sent from my SE Arc S using Forum Runner

[lidosasa]

أنا بعت رسالة على صفحة كاسترول على الفيس بوك بنوع العربية وموديل وعدد الكيلوات المقطوعة وسألتهم عن نوع الزيت المناسب وكان ردهم هو
( فيما يتعلق باستفسارك و طبقا لحالة و موديل السيارة فالزيت المناسب هو الماجنتيك هو زيت تخليقى بنسبة 30% و درجة لزوجته هى 10و 40
وزيت الماجنيتيك عادة يستخدم لفترة تصل الى اكثر من 10,000 كم بناءا على حالة محرك السيارة و الأستخدام الشخصى .
و يمتاز على الزيوت الأخرى بأن كاسترول قامت بالحصول على براءة اختراع فى انتاج هذا الزيت حيث يحتوى على جزيئات ذكية تقوم بالألتصاق داخل أجزاء المحرك الداخلية و تعطى 4 أضعاف الحماية عن اى زيت اخر.
حيث لا تحتاج الى تسخين المحرك عند البدء لان الزيت أصبح متواجد بالفعل فى أجزاء المحرك نتيجة لهذه الجزيئات.
و سعره :4 لتر :215, 1 لتر : 55 جنيه )
يا ترى أيه رأيكم فى الكلام ده أنا بفكر أتوكل على الله وأجرب وخصوصاً إنى مش بستخدم العربية كتير وبركن العربية فترات طويلة تصل 8 ساعات بالليل وبروح الشغل أركنها 8 ساعات لحد ما أخلص شغل وبعمل مشوار تانى بالليل بكون راكن العربية قبله بحوالى 4 ساعات والتسخين بيزهفنى فى كل مرة . بس أعتقد كده المفروض أغير فلتر الزيت لآن الزيت تخليقى مش معدنى .

[ahma8]

مش هقدر افيدك ، و مش عاوز افتى..

[dr.hazem]

أنا بعت رسالة على صفحة كاسترول على الفيس بوك بنوع العربية وموديل وعدد الكيلوات المقطوعة وسألتهم عن نوع الزيت المناسب وكان ردهم هو
( فيما يتعلق باستفسارك و طبقا لحالة و موديل السيارة فالزيت المناسب هو الماجنتيك هو زيت تخليقى بنسبة 30% و درجة لزوجته هى 10و 40
وزيت الماجنيتيك عادة يستخدم لفترة تصل الى اكثر من 10,000 كم بناءا على حالة محرك السيارة و الأستخدام الشخصى .
و يمتاز على الزيوت الأخرى بأن كاسترول قامت بالحصول على براءة اختراع فى انتاج هذا الزيت حيث يحتوى على جزيئات ذكية تقوم بالألتصاق داخل أجزاء المحرك الداخلية و تعطى 4 أضعاف الحماية عن اى زيت اخر.
حيث لا تحتاج الى تسخين المحرك عند البدء لان الزيت أصبح متواجد بالفعل فى أجزاء المحرك نتيجة لهذه الجزيئات.
و سعره :4 لتر :215, 1 لتر : 55 جنيه )
يا ترى أيه رأيكم فى الكلام ده أنا بفكر أتوكل على الله وأجرب وخصوصاً إنى مش بستخدم العربية كتير وبركن العربية فترات طويلة تصل 8 ساعات بالليل وبروح الشغل أركنها 8 ساعات لحد ما أخلص شغل وبعمل مشوار تانى بالليل بكون راكن العربية قبله بحوالى 4 ساعات والتسخين بيزهفنى فى كل مرة . بس أعتقد كده المفروض أغير فلتر الزيت لآن الزيت تخليقى مش معدنى .

هو زيت كويس برضو ولكن كان ال بشمهندس سبعاوي قال ان الزيوت التخليقيه اداءها سئ في الماتور عندنا وان افضل زيت يتحط عندنا هو زيت معدني بلزوجه 20w50....
ال10w40 من وصفهم هو نصف تخليقي ويفترض ان اداؤه عندنا يكون معقول بالذات في الشتا....
موضوع تسخين العربية ده ضروري جدا لان عربيتنا 3سلندر وده بيخلي المكنه تتحزم وترقص بالذات وهي باردة وحسب الكتالوج التسخين مهم لحد اما توصل الحراره لحرف السي....
تحياتي

Sent from my SE Arc S using Forum Runner

[wael nour]

لو مرتاح على الشيل خليك عليه ولو خلاص هتغير متنساش تغير الفلتر

[Amr Axel]

هو كاسترول طبعا غني عن التعريف لكن قبل اي شئ لازم تعمل حسابك انك غالبا هتلاقي انتاج قديم شوية او ممكن فجاة متلقيهوش و لما تجيبه جيبه من موزع معتمد او من محطة البنزين اللي بتبيعه لنه فيه مضروب في بعض المحلات
و مفيش حاجة اسمها مصري بيقعد 3000 و مستور بيقعد 5000 فيه حاجة اسمها حسب الاستخدام هو اللي بيحدد الزيت يقعد اد ايه اي ان كان مصري مستورد انا قعدت معدني لـ8000
فبيقولوا ع التخليقي 10 الاف لأنه مصنع بتكنولوجيا مختلفة و بيستحمل عكس المعدني المستخلص و بالتالي ممكن يوصل لـ10 الاف و يعدي كمان عكس المعدني نادرا ما يوصل لـ10 الاف و ممكن ميوصلش فالتغيير بيتم اما لتغير خواص الزيت سواء فقدان لزوجة او تأكسده او انتهاء صلاحيته و احيانا يتم التغيير بعدد الشهور للحفاظ

بس نصيحة لو مفيش اي مشاكل مع الشل متغيروش ممكن تستخدم التخليقي او النصف تخليقي او المعدني
التخليقي اسمه شل الترا علبته لونها اسود او رمادي غامق و لزوجته تقريبا5w30 و سعره في حدود 260 ج
النصف تخليقي علبته زرقا و لزوجته 10w40 سعره في حدود 210 ج
معبأيين في اوروبا ع ما اتذكر
المعدني او اللي بيطلق عليه شل الاصفر hx5 و لزوجته 15w50 و معبأ هنا و سعره 125 ج تقريبا
و متجيبش زيت من اي محل جيبه من البنزينه عشان تضمن المحلات ساعات بيضربوا الزيوت حتي مية الريداتير بيضربوها

[lidosasa]

أنا شغال على الشيل الأصفر ومش عايز أجيب زيوت تخليقية لآنى أفضل إنى أغير الزيت على فترات زمنية متقاربة عشان ظروف الشوراع والسواقة العجيبة بتاعتى . فممكن أفضل على شيل أو أغير لكاسترول gtx المعدنى .
وكنت عايز بس أشوف رأى الناس فى نوعية الزيت لآن توكيل كاسترول جنبى أما الشيل فشتريته مرة واحدة من محل مش توكيل أو بنزينة وكنت لسه مبتدأ وأول مرة أغير زيت فى حياتى وكنت شاكك إن الزيت مضروب على الرغم إن العبوة كانت متبرشمة بس الحمد لله ماشى معايا بس لونه أتغير شوية بعد ما مشيت بيه 1000 كيلو واظن إن ده طبيعى