زيوت التشحيم والسعات الموصى بها لمعشوقة الجماهير الار بى ودعوة للنقاش

[khaabas]

من الامور اللى بتشغل اى برنس معاه ار بى ( أحم أحم ) ايه هو الزيت المناسب وايه السعه المظبوطه
نشوف بقه ايه السعات والزيوت المناسبة لمعشوقة الجماهير الار بى واللى فى نفس الوقت غايظة برده ناس كتير هههههههههع
زيت المحرك ايه بقى الزيت المناسب والسعة المظبوطه
اولا : يجب عليك انك تختار زيت من فئة API Service SM أو ممكن تختار ريت من فئة API
Service SL
انا شخصيا بحب زيت كاسترول وتحديدا كاسترول ايدج سبورت وخصوصا جو مصر اصبح ميختلفش كتير عن جو الخليج في الصيف ومواصفتة API
Service SL
وشيل الصراحة شايفه سئ وسهل الحرق بطريقة وحشه لدرجة انه بيفقد لزوجته بعد 4000 ك

نيجى بقى للسعه لما تغير زيت وفلتر بتبقى السعه 3.6 لتر

لكن لاحظت حاجة غريبة كانت مكتوبة فى الكتالوج بيقول ان استهلاك الزيت في اوضاع القيادة العادية لتر لكل 1500 كيلو وفي اوضاع القيادة الشاقة لتر لكل 1000 ك يعنى ايه

نيجى بقي لزيت الفتيس المانيوال وده لازم تكون المواصفة بتاعته API
Service GL-4
SAE 75 W -85
وزيت الفتيس المانيوال بياخد 1.9 لتر
اما الاتوماتيك مواصفته DIAMONDE ATF SP-III SK ATF SP III
والفتيس الاتوماتيك بياخد 6.8 لتر زيت موش عارف كتير اوى كده ليه

بس لاحظت ان مكتوب عند زيت الفتيس ( مل ء مدى الحياه ) يعنى ايه برضه

زيت الفرامل او القابض وده لازم تكون مواصفته FMVSS116 DOT 3 OR DOT 4
وسعته 0.7 - 0.8 لتر

ارجو الافادة والنقاش فيما اثير من اسئلة
وتحية لكل برنسات الار بى :)

[x_gomgom]

شوف انا جربت الايدج سبورت في عربيتي القديمه ال byd و هو بدون مبالغه كتم صوت العربيه بس على حساب السحب اللي قل بعد الغيار و بعديها غيرت للايدج مكانش في فرق غير ان السحب اتحسن ....
و حاليا معايا اكسنت ار بي و طبعاً التوكيل بيحط شيل 10000 و انا عايز اغيره بس الصراحه خايف من الضمان لا يروح و غبور اصلا بيتلكك هشان يشوط الواحد بره الضمان.....
و ايه تقييمك للايدج سبورت في الاكسنت بعد التجربه؟ في انتظار الرد

[Kareem.ElAraby]

جرب فالفولين و نزله علي 10000
زيت الفتيس أفضلهم فالفولين بردو للمانيوال و العلبه لونها أزرق
بردو كاسترول ايدج مش وحش بس حاسه كاتم العربيه شويه عن الفالفولين