زيوت ليكوي مولي اختفت ليه ؟؟؟

[mada_76]

السلام عليكم ورحمة الله وبركاته

بقالي فترة كبيرة بسال على زيت ليكوي مولي بس للاسف مش بلاقي خالص خصوصا عند الوكيل بتاعهم اللى في شارع دمشق .
من كام يوم بالصدفة لقيت محل لتغيير الزيت في التجمع ولقيت عنده اخر جركن ازرق ( وهو ده اللى انا بستخدمه ) وقالي ان مافيش شحنات زيت بتيجي من المانيا من فترة ومش عارفين السبب ايه .
ياترى حد عنده معلومات ؟؟؟؟؟

[Ramy Reda]

انا لسه مغير الزيت ده كلمنى انا رامى ....................................

[michohat]

برضه معرفش ليه الوكيل (الزقازيق ) اللي كان ف الشارع عندي غير اليافطه وحط نوع تاني
الزيت كنت بستخدمه ايام ال 131 كان كويس معايا وكنت بشجع اصحابي ع استخدامه
دلوقت لما حسيت انه خف من السوق بدئت اخاف اني اروح لاي زيت مستورد لان مفيش ضمان انه هيكون مستمر ومتواجد خصوصا واني لاحظت ان بقى فيه تعدد للزيوت المستورده وبقى في السوق اكتر من 5 انواع وماركات من الزيوت المستورده

[M_Marwan]

برده نفس الكلام الموزعين فى صقر قريش بطله يشتغلوا فيه وجبت شل الترا وريحت دماغى

[michohat]

لحد الان لم استقر ع نوع الزيت اللي هغير بيه
العربية لسه شاريها من مالكها وهو ف الصيانه غير لها شل الاصفر ولسه لحد الان متحير ف درجه اللزوجه المفروض استعمالها المصنع بيقول حاجه واللي الاعضاء هنا بينصحوني بيه حاجه

[mody112]

زيت فاشل بمعنى الكلمة وعن تجربة

[michohat]

استعملته اكتر من مره ف ال 131 من بعد ما عملت لها عمره موتور واستعملته فيها
مكنش فيه شكوى عندي خالص كنت بستعمل ال 20-50 واستعملته لاني حسيت انه هيوفر معايا ف الفلوس من احسن من الزيت القديم موبيل اكسترا الرمادي ( اللي كان اسو اكسترا )
وقرات مشاركات هنا لبعض الاعضاء شوية بيمدحوا فيه والاخر بيشكتي منه بس هوا كان معايا كويس

اللي قلقني بقى من موضوع الزيوت المستورده انك ممكن تصحى مش تلاقيها او انها تقل من السوق وانت محكوم بالنوع ده

[Karim_Monir]

ليكوي موولي اتسحب من التوكيل بتاعه ومابقاش ينزل عن طريق الوكيل بينزل عن طريق مستوردين لذلك لا انصح باي زيت مالوش وكيل في مصر

لحد الان لم استقر ع نوع الزيت اللي هغير بيه
العربية لسه شاريها من مالكها وهو ف الصيانه غير لها شل الاصفر ولسه لحد الان متحير ف درجه اللزوجه المفروض استعمالها المصنع بيقول حاجه واللي الاعضاء هنا بينصحوني بيه حاجه

هو انت بتحط في اكسنت 2008 زيت شيل الاصفر المعدني ؟؟؟
انت بتهرج ولا بتنكلم جد ؟؟

[lanos2004]

كويس انه اختفى علشان تبعدوا عن الزيت دة اجبارى

[michohat]

ليكوي موولي اتسحب من التوكيل بتاعه ومابقاش ينزل عن طريق الوكيل بينزل عن طريق مستوردين لذلك لا انصح باي زيت مالوش وكيل في مصر


هو انت بتحط في اكسنت 2008 زيت شيل الاصفر المعدني ؟؟؟
انت بتهرج ولا بتنكلم جد ؟؟

ايوه من ساعه ما جبتها ولحد دلوقت لسه مش غيرت ليها الزيت ومتخوف من الموضوع ده الحقيقة عملت لها صيانه ال 60000 ف مركز صيانه وحطوا شل اصفر و لحد الان مشيت بيها 2500 كيلو
كنت سئلتك قبل كده ف موضوع عن الزيوت وانت نصحتني اجرب 10 40 بس لسه مش استقريت الحقيقة ومتخوف اني انقل له الزيت ينقص وده معناه زي ما قولت لي ان الخلوص وسع وان لازم ارجع تاني ل 15-50
ومقلق من موضوع الزيوت المستورده احسن يكون مستقبلها زي ليكوي مولي مش استمر كده
واللي مقلقني اكتر ان توصيات شيل بتقول لي المصنع بيقول 5 -30 و هما ك شل بيوصوا ب 20-50 فمش عارف انهي لزوجه هيا الصح

Lubricant / Capacity Notes
a. Alternative recommendations, Engine (Petrol), >2005: 5W-20; >-18, 10W-30; >-13, 15W-40; >-7, 20W-50
b. Manufacturer's recommendation, ARAC YA DA EKIPMANA AIT MANUELI KONTROL EDINIZ. / Spirax S4 ATF HDX

http://lubematch.....l.com/eg/en_GB/...6v_90kw_004562
للتذكير العربية ماشية 64000 الف كيلو كلهم ع شل الاصفر

[Karim_Monir]

الصح فعلا 5-30 وده مش هاتلاقية غير في وولف
علي فكرة مش مكلة انك تغير نوع الزيت
وولف مع شركة بتبني براند مش جايبة شوية زيت ترميهم وتجري
ولو عرفت حاطييين كام مليون في التوكيل هاتعرف انهم مش هايسيبوة :-)

طيب ابعتلي عالخاص عشان عايزك في حاجة هاظبطهالك كدة محاولة
او كلمني لو تعرف تليفوني

[marco49210]

يا جماعة لكوى مولى سحبت العلامة التجارية من مصر ولكن انتاجها اصبح بعلامة تجارية تانية و بنفس المواصفات والجودة كمان و الجديدة اسمها Meguin ومن نفس شركة لكوى مولى و مجرب و بجد زيت جيد جدا و فى تكنولوجيا HC و كمان موصفات جودتة SN وSM و موجود عند كتير من الموزعين المعتمدين فى شارع دمشق و الجركن 4 لتر 10000 كم ب 250 جنية تخليقى بالكامل وخلىّ ماتور العربية بجد Silent
والسحب مفاجئة واسمه
: Megol Motorenoel Ultra Performance Longlife SAE 5W-40

و خلىّ بالكم الجراكن شبه بعضها

http://www.meguin.de

http://www.meguin.de/meguin/produktdb.nsf

[muhmado_furp]

برضه معرفش ليه الوكيل (الزقازيق ) اللي كان ف الشارع عندي غير اليافطه وحط نوع تاني
الزيت كنت بستخدمه ايام ال 131 كان كويس معايا وكنت بشجع اصحابي ع استخدامه
دلوقت لما حسيت انه خف من السوق بدئت اخاف اني اروح لاي زيت مستورد لان مفيش ضمان انه هيكون مستمر ومتواجد خصوصا واني لاحظت ان بقى فيه تعدد للزيوت المستورده وبقى في السوق اكتر من 5 انواع وماركات من الزيوت المستورده

في وكيل تاني في الزقازيق عنده زيوت ليكوي مولي وكل الاضافات وكمان عنده منتجات ماكس باور
من شهرين كده جيبت من عنده السيراتيك
لو حضرتك محتاج العنوان قولي ابعتهولك علي الخاص
او حضرتك تدخل علي صفحة ليكوي مولي علي الفيس وتطلب منهم وكيل الزقازيق الجديد

[lanos2004]

يا جماعة لكوى مولى سحبت العلامة التجارية من مصر ولكن انتاجها اصبح بعلامة تجارية تانية و بنفس المواصفات والجودة كمان و الجديدة اسمها Meguin ومن نفس شركة لكوى مولى و مجرب و بجد زيت جيد جدا و فى تكنولوجيا HC و كمان موصفات جودتة SN وSM و موجود عند كتير من الموزعين المعتمدين فى شارع دمشق و الجركن 4 لتر 10000 كم ب 250 جنية تخليقى بالكامل وخلىّ ماتور العربية بجد Silent
والسحب مفاجئة واسمه
: Megol Motorenoel Ultra Performance Longlife SAE 5W-40

و خلىّ بالكم الجراكن شبه بعضها

http://www.meguin.de

http://www.meguin.de/meguin/produktdb.nsf

الكلام دة سليم

[michohat]

يعني الشركه انتهت؟ ولا فيه علاقات بين الشركات بحيث مثلا شركه صديقة او شركة مساهمه في شركة والكلام ده