زيوت التعاون

[Eng.mah coop]

شكرا علي الموضوع الرائع
انا عربيتي جراند فيتارا 2008 عامله 80000 احط ايه

الأنسب لحضرتك هو xpl sm لونه أصفر غامق
ومتوفر بلزوجتين 20w-50 و 15w-40
وده ممكن يشتغل لغاية 8000 كم.
وسعره 115 جنيه.

[melosoma]

ال 15 40 دة الاقية فين حضرتك مش موجود غير التانى 20 50؟

[mesaharaty]

حمدا لله على السلامة يا باشمهندس Eng.mah coop
السؤال :
عربيتى سوزوكى ماروتى عاملة 21000 كيلومتر وباستعمل ليها حاليا شيل الأصفرولا توجد مشكلة منه .
المشكلة :
أنا مش باركب العربية إلا أقل القليل وكنت عاوز حضرتك تدلنى على زيت يكون سعره مناسب للحالة بتاعتى علشان أنا حاسس إن شيل الأصفر سعره كبير بالنظر إلى إنى مابركبش العربية إلا قليلا جدا .
يعنى مثلا هل فيه زيت ممكن يتماشى مع العربية ويكون سعره كويس حتى لو حيمشينى عدد كيلومترات أقل ؟؟

مع جزيل الشكر

[دعبدالرحيم]

المشكله مش في الزيت او مواصفاته المشكله في المضروب تقلي مفيش زيت مضروب اقلك حتي الدوا بيضرب في مااااسر !

[ibrahimfudl]

انا سيارتي تويوتا ستارليت موديل 92 ومسقط فيها موتور تويوتا (4e )
1330 سي سي وبستخدم التعاون الأزرق 86 جنية وبغيير كل 2600 كليو تقريبا
هل الزيت ده كويس ولا عندكم افضل منه
نرجو الإفادة

[Mohamed Desoky]

انا سيارتي تويوتا ستارليت موديل 92 ومسقط فيها موتور تويوتا (4e )
1330 سي سي وبستخدم التعاون الأزرق 86 جنية وبغيير كل 2600 كليو تقريبا
هل الزيت ده كويس ولا عندكم افضل منه
نرجو الإفادة

السلام عليكم ورحمة الله وبركاته شيل الاصفر135 ج ويعد معاك 5 الاف وانتى عارف ان التعاون حكومى وكل المصريين عارفين الاهمال وسوء التخزين الزيت فى المحطاط ليل ونهار فى الشارع شمس ومطر انما شيل انا بشتريه من التوكيل فى المعادى علشان الغش شل زيت محترم وربنا يوفقك

[Colin Chapman]

التعاون الجركن الاصفر ممتاز 7000 كيلو متر

بس 275 كتير
مش رخيص يعني الفرق بينه وبين شل او موبيل
25 جنيه بس

التعاون الجركن الاصفر ممتاز

7000 كيلو متر

[Mohamed Desoky]

التعاون الجركن الاصفر ممتاز

7000 كيلو متر

اهلا كولن التعاون الاصفر درجة اللزوجه كام w علشان مش شايف حاجه عليه والسعر واوعى يكون 275 احسن يجيلى شلل كلى

[ahmed_eng2001]

السلام عليكم ورحمة الله وبركاته شيل الاصفر135 ج ويعد معاك 5 الاف وانتى عارف ان التعاون حكومى وكل المصريين عارفين الاهمال وسوء التخزين الزيت فى المحطاط ليل ونهار فى الشارع شمس ومطر انما شيل انا بشتريه من التوكيل فى المعادى علشان الغش شل زيت محترم وربنا يوفقك

فين التوكيل الى فى المعادى .... انا بدور عليه ؟؟؟؟؟

[Colin Chapman]

ahmed_eng2001

ahmed_eng2001

[Colin Chapman]

اهلا كولن التعاون الاصفر درجة اللزوجه كام w علشان مش شايف حاجه عليه والسعر واوعى يكون 275 احسن يجيلى شلل كلى

فى منه 15 على 40 و فى منه 20 على 50

الجركن سعره 115 جنيه مصرى فقط لا غير فقط من المحطه
ولازم تتاكد انه متغلف وعليه تاريخ الصنع والانتهاء
معرفش دلوقتى بعد الدولار

[Mohamed Desoky]

شكرا ليك انا ماشى زى الكتالوج السياره 10w40 وموجود فى شيل الازرق الاوربى 210 ج h7 نص تخليقى تقريبا وبيعد فى الموتور 7 الاف لحد 10 الاف انا مستمر عليه ومريح الموتور لانى بغيره كل 6 شهور مع فلتر وهو ونصيبه عمل 5 عمل 7 المهم بغير كل 6 شهور لان استخدامى للعربيه مش كتير وكتر خيرك ياكولن على معلوماتك القيمه لان العلم لايقدر بثمن

[ibrahimfudl]

فين التوكيل الى فى المعادى .... انا بدور عليه ؟؟؟؟؟

العنوان / شارع 254 تقاطع شارع 206 مع شارع دجلة بجوار الكلية الامريكية المعادي
ت / 27557500
25198818
العنوان ده من النت

[Mohamed Desoky]

العنوان / شارع 254 تقاطع شارع 206 مع شارع دجلة بجوار الكلية الامريكية المعادي
ت / 27557500
25198818
العنوان ده من النت

السلام عليكم ورحمة الله وبركاته للاسف شيل الازرق الاوربى مش موجود فى التوكيل شيل عندها نوعين من الزيوت الترا والجيركن الاسفر 5الاف وبس وانا زعلان على المشوار من الشيخ زايد للمعادى راح فى الهوا حتى الزيت الكويس غير موجود فى مصر زى كل حاجه حلوه بضيع ويفضل الاسوء ربنا يرحمنا منك بلد العجايب

[ahmed_eng2001]

ما هو سعر الشل الترا ؟ و سعر الشل الاصفر ؟؟؟
انا عن نفسى ... ماشفتش شل الارزق قبل كدة فى السوق !!

معلش على المشوار ... اديك اتفسحت و مشيت شوية فى الزحمة و حرقت بنزين :)