هل زيت 5w-30 مناسب للاجواء الحارة ؟

[JapRuleZ]

نصحونى الناس اننى احط زيت تخليقى 5w-40 بدل ال 5w-30 عشان اللزوجة تحمى الموتور من حرارة الشديدة ؟

كلام صح ولا ناس بتفتى

تم نقلة لقسم زيوت المحرك .

[Khaled Lanos]

بص أنا أسمع أن الـ 5w-40 أحسن من الـ 5w-30 لأنه مناسب أحسن لأجواء مصر..عموما خليك في اللي نعرفه وأغلب الزيوت التخليقية بتبقى 5w40.
تحياتي.

[Silent~Dream]

بتختلف من عربيه لعربيه حسب المواصفات الموصى بيها من الصانع و الى اعرفه ان فى الكتالوج بيديلك رينج حراراه معين برينج زيت معين لو ال 5w30 جايب 40 درجه مئويه يبقى مفيش منه ضرر لكن لو اقل يبقى طبعا مينفعش تستخدمه فى مصر فى الصيف بس ينفع فى الشتاء لكن بصفه عامه بعد الرجوع للكتالوج و تشوف اللزوجه المناسبه ال 5w30 هيوفر بنزين اكثر و اداء افضل ال 5w40 هيحافظ على الموتور اكثر

[svneleven]

بتختلف من عربيه لعربيه حسب المواصفات الموصى بيها من الصانع و الى اعرفه ان فى الكتالوج بيديلك رينج حراراه معين برينج زيت معين لو ال 5w30 جايب 40 درجه مئويه يبقى مفيش منه ضرر لكن لو اقل يبقى طبعا مينفعش تستخدمه فى مصر فى الصيف بس ينفع فى الشتاء لكن بصفه عامه بعد الرجوع للكتالوج و تشوف اللزوجه المناسبه ال 5w30 هيوفر بنزين اكثر و اداء افضل ال 5w40 هيحافظ على الموتور اكثر

الراجل ده بيقول كلام من الأخر.

[Karim_Monir]

اولا مهم جدا تتبع توصيه الصانع وهو هاتلاقية كاتب في الكتالوج ينفع في الحر الشديد ولا لاء
من الواقع العملي بقي في عربية اللي عدت ال 100 الف بحاجة بسيطة وحالة الموتور ممتازة والحمد لله

حطيت 5-30 و 5-40
فرق كبير لصالح ال 5-30 تحسه في استهلاك البنزين قوي عشان عربيتي تقيلة طلعات
تحسه في الدوارة الصبح
تحسه السرعه اللي بيوصلها الموتور مع اجهاد عنيف
لكن والحق يقال ان ال 5-30 مقعدش 9 الالاف لكن ال 5-40 بيقعد بين 10 الي 11 الف
طبعا انا بغير لما الكميوتر يقولي غير
الكلام ده جربته في صيف شديد وصلت درجة الحرارة فيه ل 48 ومصورها بالموبايل وكلنا فاكرين الايام دي
وكنت بسافر فيها وباسرتي وشنطي يعني حمولة كاملة مع التكييف
وفي شتاء برضه
الخلاصة
ال 5-30 يستاهل يتحط فعلا خاصة لللمواتير الجديدة اللي لسه بحالتها

[alemam2005]

انا كنت بغير زيت لعربيتي موبيل 1 5w50 peak life و كان الزيت تمام لحد 7000 كم بعد كده يبدأ صوت الموتور يتغير. غيرت بعد كده لفالفولين 5w30 و دي الزوجه الموصلي بها لاحظت تحسن طفيف في استهلاك البنزين لكن صوت الموتور مش عاجبني من ساعه ما غيرته ماشي به دلوقتي 3000 كم

[JapRuleZ]

انا لقيت valvoline مفروض انه 15،000 و عليه ماده msd الراجل بيقولى زى ال ceratek بس 5w- 30

[khaabas]

غير مناسب اطلاقا وغير مناسب اكتر فى الصيف
هتحس ان صوت الموتور اصبح عالى وده لان نسبة الاحتكاك بين الاجزاء الداخلية فى المحرك بتزيد وبالتالى بيقصف عمر الموتور على المدى البعيد

[toty_305]

-مناسب جدا بعد بحث في منتديات عربية و اجنبية اتكل على الله

-مصنع السيارة و توكيلها هو دليلك..... التوفير و الاداء العالي هدفنا

[BLOODY_STONE]

اه عادي بيشتغل في مصر اتوكل على الله
انا توكيل وولف رشحهولي و قالولي تعالي نبقى ناخد عينة زيت و نتابع

[Astra Lovers]

فتييييييييييي

[Eng.mah coop]

حسب توصية المصنع ورينج درجات الحرارة الى موصى استخدامه فيها
بس عامة sae 5w-30 معناه ان درجة لزوجته عند 100 درجة مئوية هتبقى درجه 30 ودى قليلة وممكن تخلى الزيت خفيف اووى ومش بيقوم بدوره فى تقليل الاحتكاك لان اللزوجة بتقل فى درجات الحرارة العالية
بعكس sae 5w-40 درجة لزوجته عند 100 درجة مئوية 40 وبالتالى بيقدر يحافظ على سماكته ووجوده على السطح ويقلل الاحتكاك