مارايكم فى زيت موبيل سوبر 1000 xhp ؟؟

[elnagar]

السلام عليكم

انا اليوم غيرت زيت موبيل سوبر 1000 xhp

ودة صورة الزيت



125ج والراجل انا واثق فيه تماما وقلى انه بيتغير بعد 5000ك بس الافضل بعد 4000

عايز اعرف الكلام دة صح ولا لا واية رايكم بردو بصراحة فيه

وهل دة افضل ولا شل الاحمر

[SAMEH_FOUAD]

اة بيتغير فعلا على 5000

بس نصحية منى لو تقدر ترجعة رجعة , وهات اى زيت تانى غير موبيل وخصوصا الزيت دة

[saddam]

صديقي المواطن
قولا واحدا وعن تجارب لو عايز تعدم عربيتك العافية ونخليها تاكل بروحها واﻹحتكاك ياكل المكنة خليك في شل وموبيل ﻷن فروعهم في مصر تنتج أسوأ أنواع الزيوت وشوفلك زيت تخليقي محترم وغالي شوية وحط عليه شوية إضافات أمريكية وبلجيكية وبعد كده أقعد بيها 20 ألف ومكنتك حتدعيلك صبح وليل
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[drahmedhegy]

صديقي المواطن
قولا واحدا وعن تجارب لو عايز تعدم عربيتك العافية ونخليها تاكل بروحها واﻹحتكاك ياكل المكنة خليك في شل وموبيل ﻷن فروعهم في مصر تنتج أسوأ أنواع الزيوت وشوفلك زيت تخليقي محترم وغالي شوية وحط عليه شوية إضافات أمريكية وبلجيكية وبعد كده أقعد بيها 20 ألف ومكنتك حتدعيلك صبح وليل
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

اولا جزاك الله خيرا على معلوماتك ونصائحك الغاليه
ثانيا الطريقه دي تنفع مع العربيات الحديثه فقط ولا تنفع في العربيات القديمه اللي عامله كيلوات كتير 200 الف مثلا
ثالثا لو الطريقه دي بتنفع مع العربيات القديمه ممكن تقولنا عليها وتكلفتها بالتفصيل

[aw2100]

لو زيت الموتور عندك مابينقصش انصحك تحط شيل الاصفر وتغيره على 4000 ك لو زيت الموتور بينقص شل الأحمر كويس وتغيره على 2000 ك وبلاش موبيل وبراحتك !!

[hugan]

بستخدمه في الشاهين من 2005 حتي الان
وباغيره كل 5000
العربيه تخطت ال 250 الف استهلاك والموتور
بحالته لله الحمد حتي الان

[Dr_Smart]

انا رأيي موبيل ممتاز مش عارف ليه المنتدى هنا واخد منه موقف !! المره الوحيده اللي استخدمت فيها نوع تاني كان كاسترول ايدج ( ومن مكان موثوق فيه ) ماحستش بأي فرق ولو فيه فرق يبقى لصالح موبيل

[Dr.M_baz]

ينفع في العربيات القديمه و يستحسن تغييره على 3000 كيلومتر.

[engwms]

انا مشيت بيه اكتر من 5 الاف كيلو ولما نزلته كان لسه بلزوجته زى ما هو

[hugan]

بصراحه مش عارف اشاعه ان موبييل وشيل زيوت تعبانه
ماسمعتش عنها غير في نايل موتورز بس
مع انها من الشركات العملاقه وليها تاريخ من بدء اكتشاف البترول
يمكن

[aymansalem11]

انا غيرت بشل الاصفر 5000 كيلو وغيرته على 3000 كيلو وكان ممتاز والمرة دي غيرت بزيت موبيل سوبر 1000 ومش عارف النتيجة ايه لسه لكن الميكانيكي قالي ان افضلهم شيل الاحمر 1000 كيلو وبعده الاصفر5000 كيلو علما بانني كنت استعمل موبيل 1 في موتور الموتوسيكل وكان سيء وشيل افضل منه في موتور الموتوسيكل ومش عارف النتايج هتكون ايه في العربية