مقارنة قوية جدااااااااااااااً

[mamdouhelsayd]

عاوز أعرف رأى العمالقة أنهى الأحسن (زيت ليكوى مولى / ولا الوولف الجديد) والإثنين دول بالتحديد وشكرامنكم

[Karim_Monir]

ليكوي موللي مالوش وكيل في مصر
واوعي ثم اوعي تحط زيت مالوش وكيل لان لو حصل حاجه لموتور عربيتك مش هاتلاقي حد تقاضيه ولو بعت للشركه الام هاتقولك مين الموزع
زيت وولف انا جربته ٣ مرات في صيف وشتا في عربيتي ال بي ام وادائه ممتاز
زيت ميجون اللي بيقل عليه رامي حاليا في عربيتي تحت التجربه ولما اخلص التجربه هاكتب عنه تجربتي بالكامل

[mamdouhelsayd]

متشكر جدايا أستاذكريم على اهتمامك وردك عليا وانشاء الله انا حا جيب الوولف وأجربه وانا مستنى مقارنتك بين الوولف والميجون

[civilpharaoh]

انا مجربتش وولف لكن جربت ليكوي مولي وبصراحة كان ممتاز معايا و صوت الموتور بقي هادي ومنقصش ولا مرة في صيف او شتاء و لسه مغيره النهارده و حطيت ليكوي مولي تاني لما لقيت الموزع جابه تاني

[Ahmed TRAVCO]

برغم اني شبه لا افقه شيء في الزيوت إلا اني قررت مؤخرا اغير توتال اللي بيحطوهولي في التوكيل ورحت على الوولف بعد ما لقيت اغلب الناس هنا بتشكر فيه خصوصا الأستاذ كريم (وكنت بدور على فالفولين في الأساس بس ملقيتش)... للأسف الموزع مكانش عنده غير الـ5w40 واقنعني بانه شغال وميفرقش عن الـ5w30... المهم يعني انا مشيت بيه حوالي 300كم لحد دلوقتي والفرق واضح: صوت الموتور هدي جدا جدا والسحب بقى احسن... هستنى شوية كمان وابقى اقولكم الأخبار وانا كده كده بمشي من 2500 الى 3000 في الشهر، علشان كمان تبقى المقارنة اوقع لأني كنت مشيت بتوتال فوق الـ9000 فكان جايب آخره...
عموما وولف واضح جدا انه زيت نظيف ومحترم...