غيار الزيت

[amatboly]

انا هقول حبة معلومات فى غيار الزيت يمكن تفيد حد بدل ما انا عمال استفاد بس كده



زيت موبيل بلاش منه مش علشان هو وحش لكن لانه بيضرب بسهولة حتى لو انت واثق فى الراجل اللى انت واقف عنده ممكن يكون جايبه من تاجر ضاربه حتى البنزينات نفس الكلام

الفلتر يتربط بالايد بسسسسس لانه لو اتربط بالمفتاح ممكن يقفش او مجاريه تتسد

القمع اللى بيتصب بيه الزيت يكون نظيف علشان ميسنفرش المكنة

تانى يوم بعد غيار الزيت الصبح تبص تحت العربية لو فيه تسريب وتاخد بالك من لمبة الزيت

مكن الشفط مفهمش فيه معلش لانى مش عندى المكنة دى

انا كراى شخصى بستنضف شل و بترومين

الزيوت التقيلة زى التعاون الاحمر دى بتاعت المكن الخفيف

زيت الباور بتاع الفتيس الاتوماتيك لو اغمق وريحته غيرت سقطه

زيت الفتيس العادة ال140 ريحته هتعرفها لانها غريبة شوية وهو ارخص من ال90 شوية و لو سمعت ونة ولا حاجة لازم تكشف عليه

الزيت ال140 لو لاقيته تقيل قريب من الشحم كده بلاش منه لان ده مضروب

الزيت بياخد وقت علشان يركز فمقاسه مش هيبقى مظبوط الا الصبح

اسف للاطالة و ياريت لو فيه تصحيح لاى معلومة تصححوها علشان الناس تستفاد

تم نقلة لقسم الزيوت .

[ahmed_h_g]

شكرا" على المعلومات
على فكره زيت الفتيس هو ال 90 والكارونه 140

[amatboly]

ياريت لو المعلومة دى مظبوطة تتعدل فى الموضوع بعد اذن الادارة - بس انا حتى فى عربيتى بحط فى الفتيس 140 وكلنا فى الحرفيين بنعمل كده مع العربيات القديمة

[akmm]

شكرا للمعلومات ..............

[amatboly]

شكرا للمعلومات ..............

العفو يا باشا

[MOSTAFA.EID]

انا سمعت ان قياس الزيت للموتور مش هيكون صحيح الصبح .. تكون العربيه ساخنه او راجع من مشوار وتسيب العربيه تهدي ربع ساعه وبعد كده تقيس الزيت ... والله اعلم

[amatboly]

انا سمعت ان قياس الزيت للموتور مش هيكون صحيح الصبح .. تكون العربيه ساخنه او راجع من مشوار وتسيب العربيه تهدي ربع ساعه وبعد كده تقيس الزيت ... والله اعلم

لا الزيت مش هيكون راكز فى الكارتيرة الا لو العربية باردة بمعنى باردة