تجربة زيت Mobil 1 ESP formula 5w30

[Dr_Smart]

الكتالوج عندي بيوصي بزيت 5w30 وانا كنت بستخدم Mobil 1 peak life 5w50 من الزيرو والحمدلله كنت مرتاح عليه بس قلت اجرب 5w30 طالما ده ال recommended ... جبته من موبيل الميرغني ب ٣٠٠ جنيه نفس سعر موبيل ١ العادي ...حاليا عامل بيه 1500 km وملاحظاتي عليه تحسن في استهلاك البنزين ... أداؤه احسن في البرد كنت في الاول بسمع صوت زي كركرة ( مش عارف الوصف الدقيق للصوت ده للاسف ) عند rpm 2 كده لكن دلوقتي الصوت ده راح .. لكن في السرعات التانيه مفيش اختلاف في الصوت ... مانقصش خالص الحمدلله لغاية دلوقتي ... ان شاء الله هتابعه بعد مسافه اكبر واكتب ملاحظاتي ( موبيل 5w50 كان بيكمل ال١٠ الاف كم بكفائة ) ... النقطة الوحيده اللي قلقاني هل درجة اللزوجة دي هتبقى مناسبة في الصيف ودرجات الحرارة العالية ولا لا ... الحاجه التانيه هل ESP Formula ده مخصص لعربيات معينة ولا اي عربية ؟ الفرق اللي عرفته بينه وبين 5w30 العادي ( اللي مش موجود في مصر ) انه low sulphur ومواد تانيه كده عشان مايضرش ال emission system ... الخلاصه هو زيت جيد ارجو تجربته من خبراء المنتدى لتعم الفائده

[Dr_Smart]

بالمقارنة مع mobil 1 5w50 ... ال 5w30 افضل في استهلاك البنزين والسحب ..... ال 5w50 افضل في هدوء المحرك خاصة في السرعة العالية عدا في البرد عند rpm منخفض الافضليه لل 5w30 .... حرارة المحرك مفيش فرق يذكر

[Dr_Moustafa]

زيت موبيل 1 5w50 زيت تقيل بالمقارنه بــ 5w30 ، علشان كده صوت المحرك بيكون عالى الصبح لان التزييت بيكون ابطئ
لكن زيت 5w30 أخف وبالتالى التزييت بيكون اسرع

Mobil 1 ESP formula 5w30 زيت ممتاز ، انا لسه مستخدمه بعد صيانة أول 1000 كيلو ، كيا كارينز الجديده ، ويصلح للشتاء والصيف

[Dr_Moustafa]

نسيت أقول لحضرتك ان الزيت ده مخصص للمواتير التى تتطلب توصيف acea يكون c2 أو c3

يعنى compatible

[Dr_Smart]

زيت موبيل 1 5w50 زيت تقيل بالمقارنه بــ 5w30 ، علشان كده صوت المحرك بيكون عالى الصبح لان التزييت بيكون ابطئ
لكن زيت 5w30 أخف وبالتالى التزييت بيكون اسرع

mobil 1 esp formula 5w30 زيت ممتاز ، انا لسه مستخدمه بعد صيانة أول 1000 كيلو ، كيا كارينز الجديده ، ويصلح للشتاء والصيف

طيب تمام ربنا يطمنك ... حضرتك عامل بيه كام كيلو ؟. ياريت تقولنا تقييمك بعد كيلومتر اكتر عليه

[Dr_Smart]

نسيت أقول لحضرتك ان الزيت ده مخصص للمواتير التى تتطلب توصيف acea يكون c2 أو c3

يعنى compatible

معلش انا النقطه دي مش فاهمها ... الكتالوج عندي كاتب api بس مش acea ...

[Dr_Moustafa]

أعتذر عن التأخير فى الرد

ممكن يبقى مكتوب فى كتالوج العربيه مواصفات الزيت A3 أو A5 ، ده توصيف acea

acea هى إختصار Association des Constructuers Europeens de l’Automobil

هو تصنيف أوروبى يعادل api الامريكى

وهو عباره عن 3 مجموعات :
1- a/b - خاص بالعربيات التى تعمل بالبنزين وعربيات الديزل الخفيفه (عربيات الركوب)
2- C - وهو خاص بالعربيات التى تعمل بالبنزين وبها محفز بيئه ، وعربيات الديزل الخفيفه المزوده بفلتر
3- E - خاص بعربيات الديزل الثقيل (عربيات النقل)

المجموعه C بها عدة فئات من أهمها :
C2 تعادل A5
C3 تعادل A3


زيت mobil 1 esp formula 5w30 - يصلح للفئتين C2 و C3 ، يعنى يصلح لمعظم العربيات

تحياتى

[فتح الباب]

وماذا عن سيارات بيك اب موديلات 2014 ديذل بالتحديد ارجو من يعرف اى معلومه له جزيل الشكر حيث تكتمل لدى فكره كامله عن استعمال صحيح للزيوت بصفه عامه

[Dr.M_baz]

درجة 30 في مصر في الصيف مش هتكون كفايه.

[Dr_Smart]

درجة 30 في مصر في الصيف مش هتكون كفايه.

الحقيقة دي نقطه محتاجين عليها دليل علمي ... يعني اللي صنع المحرك وعمله كتالوج باللغه العربية موجه للشرق الاوسط معقول ممكن يفوته حاجه زي دي وينصح بشيء يضر المحرك ؟؟؟ موضوع محتاج بحث ... وللدقة هما كاتبين ٤ درجات لزوجة 5w30 , 10w30 , 10w40 , 15w40 وال 5w30 مكتوب بخط اتخن بمعنى انه ال first recommended

[Dr_Moustafa]

درجة 30 في مصر في الصيف مش هتكون كفايه.

الرقم 30 لا يرمز لدرجة حرارة الجو

[Karim_Monir]

عن استخدامي لعدة زيوت 5-30 في البي ودي توصيات الصانع
فالفولين وولف الاتنين حلوين
تشتيت وولف اعلي شوية للحرارة
الاتننين زفت مع الصيف
لا انصح بيه في مصر خاصة مع درجات الحرارة المرتفعه نهائي
لكنه ممتاز في استهلاك البنزين والدةارة الصبح ودرجة استعداد العربية طول النهار

[Dr_Moustafa]

درجة حرارة الجو المرتفعه ليس لها تأثير على لزوجة زيت الموتور

[Ahmed_Mega]

عن استخدامي لعدة زيوت 5-30 في البي ودي توصيات الصانع
فالفولين وولف الاتنين حلوين
تشتيت وولف اعلي شوية للحرارة
الاتننين زفت مع الصيف
لا انصح بيه في مصر خاصة مع درجات الحرارة المرتفعه نهائي
لكنه ممتاز في استهلاك البنزين والدةارة الصبح ودرجة استعداد العربية طول النهار

امال اية اللي حلو مع الصيف ؟؟
انا جربت ولف واستهلاك البنزين معاه زي ال تييييييييييييييييييت وف الشتا وكان حالل خالص لما العربية بتسخن لكنه فعلا ممتاز جدا في البداية والعربية باردة وممتاز وانا مسافر باليل والجو برد برده
انا بدور على زيت حلو ومش عارف احط اية

[akmm]

من النهايه ............... هل يفضل زيت تخليقى برقم 5w40 ولا رقم 5w50 بغض النظر عن الشركه المنتجه شل او موبيل او وولف او فالفولين ... الخ وده لجو بلادنا خاصه صيفا .