هل ممكن اعمل ميكس زيوت في عربية فيرنا !

[Y a r i s]

مساء الخير. يا حبايب قلبي
دلوقتي اختي الصغيرة جايبنلها فيرنا فكانت عاوزة تغير زيت
قلتلها. لا استني انا عندي جركنين زيت هدهوملك تروحي اي بانزينة وتخلي الراجل يحطهوملك ... بس قلت اسئل الاول. الجركن الاول فيه ٢ لتر موبيل ابو عشرتلاف والجركن التاني شيل. كمان ابو عشرتلاف وفيه لتر وقول كمان. اجبلها ليتر عليهم كده يكون كمل اربعه لتر. .... فهل ينفع ولا مينفعش وكده العربية بطنها يوجعها. ويجلها مغص. في طرومبتها. بتاعت الزيت ولا حاجة ويجلها تلبك زيتي. من الزيت السكلانس الي شربتوا ؟

ملاحظة : العربية لسه حديثة بسم الله مشاء الله بس فيرناا
لاهي اوبل ولا مارسيدس واعتقد ان معدتها تهضم اي زيت ولا ايه رئيكم

@@@@@@@
وتحياتي

[abou-yahia]

بالقطع لا
عشان الاضافات اللي في كل واحد مختلغه عن الاخر
غير ان api بتاعهم مختلف

[Y a r i s]

بالقطع لا
عشان الاضافات اللي في كل واحد مختلغه عن الاخر
غير ان api بتاعهم مختلف

حتى وان كانت النسب ٥٠ شيل و ٥٠ موبيل
يعني معقول المكونات في الزيت ده لا تتحد مع الزيت ده .
طيب هل ممكن يا باشمنهدس احطلها زيت معدني عادي ابو ٥٠٠٠ ولا هيبقى تقيل على طرمبت الزيت وممكن يؤثر على المتور الحديث بسبب تقله على المكنة

[ahmedalaahosny]

لا طبعا ياعم الحج ماينفعش ناقص كمان لو خس عليك الزيت تزودها ميه طرشي بقي واهي بالمره فيها املاح ومغذية ومتنسانيش ف السلطات بقي

[abou-yahia]

بص الفكره في الزيت التخليقي
مش بس انه خفيف وبينتشر افضل وبيوزع الحراره احسن
لا ااتضافات تللي فيه اللي بتسمح
بحركه افضل للموتور فبتوفر بنزين
متعدد الدرجات فبيتحمل درجات حراره اعلي
اضافات التنظيف والترمييم دلوقتي اللب لتحافظ علي الموتور

[the lawyer]

وماله يا اخويا مش عيب ...انا راي تحط زيت درة

[Y a r i s]

هههههه مية طرشي وزيت درة
لا ياعم بس انا ببصلها من ناحية ايه. اهو. جركنين موجودين اروح بيهم فين وخسارة يترموا ونروح نشتري جديد كل ما كنت باغير زيت. الراجل يحط الجركن كلو ويسيب حبه فيه .... فحبه من هنا على حبه من هنا على شوية من هنا بقه عندي نص جركن ... فقلت استغلهم واشغلهم .... يعني قلي بالله عليك اعمل فيهم ايه الشوية الي عندي دول ارميهم يعني ولا احمر فيهم شوية بطاطس :) ... خسارة وربنا هيحسبنا على كل بوق زيت بيترمى في الارض :) ... وتحياتي

[M R. Z E C O]

صديقي العضو

طبعا مع احترامي لحضرتك احنا ممكن بحكم ان احنا بنحب التغيير واكيد عربيتنا زينا فاحنا نحاول نغير لعربيتنا عشان تتبسط وتظاطط احنا بكل بصاطة نروح نشتري 4 كيلو زبده فلاحي ونقسمها مربعات صغيرة ونحطها فالماتور وندور ونمشي وابقا نزل الزبده على الف كيلو تكون العربية اتبسطط والسمنه اتعملت وتعمل بيها احلى بيض مقلي ...
وتخيل ريحة العربية تبقى حلوة الزاي وبعدين هوه كله زيت ولا ايه
تقبل مروري zeco

[aboomar22]

انت عندك 2 لتر موبيل 1 اشترى عليهم عبوتين موبل 1 فئة الكيلو وبكده تبقى استفدت من الكمية اللى عندك ونفس الزيت

[exact]

في كتالوج موبيل وان على موقعهم مكتوب انك ممكن تخلطه بأي زيت ولكن ذلك قد (وواخد بالك من قد) يؤدي لانخفاض جودة موبيل 1 ولكنه حتما سيؤدي لتحسن جودة الزيت الآخر

وطبعا الزيت الاخر ده اللي هو شيل هيليكس الترا... فتوكل على الله وما تقلقش

[M R. Z E C O]

في كتالوج موبيل وان على موقعهم مكتوب انك ممكن تخلطه بأي زيت ولكن ذلك قد (وواخد بالك من قد) يؤدي لانخفاض جودة موبيل 1 ولكنه حتما سيؤدي لتحسن جودة الزيت الآخر

وطبعا الزيت الاخر ده اللي هو شيل هيليكس الترا... فتوكل على الله وما تقلقش

صديقي العضو

والله يباشا حتى لو ينفع هستحرم احطه لعربية جديده ممكن لو قديمه ماشي انما عربية لانج حرام ولا ايه

تقبل مروري zeco

[gadoo30]

عندى 3كيلو شل احمر وكيلو وولف
تكمل بيهم واهو يغيروا الطعم شوية

[hagagatc]

طيب انا حنقلكم تجربتي وانتوا ليكوا الحكم انا اشتريت زيت زادو اجربه لاول مره
المهم انا اتصلت وفعلا جه في الميعاد المهم افتكرت ان العربيه عندي بتاخد ٤.٥ بالفلتر
كلمتهم تاني وقلتلهم اني ححتاج كيلو عشان حغير الفلتر وسالته هل ينفع اضيف نوع زيت تاني عاليه
قلي نوع الزيت ايه قلتله wolf 10w40
والي اشتريته xado 10w40
قلي ينفع طالما زيوت تخليقيه مع بعض لاكن مينفعش تخليقي مع معدني مع العلم انهم نفس الدرجه بس
wolf sm و xado sl يعني ااقل منه بدرجه

[drcobra]

على فكرة زيت الزيتون بيقلل الكلسترول للماتور ههههههه

[Sherif Mandoor]

جربت الزيت الحار