الزيوت التخليقية للسيارات القديمة

[M R. Z E C O]

السلام عليكم ورحمة الله وبركاتة
لو سمحت ياشباب دة اول موضوع ليا فى المنتدى وكنت عايز اعرف هل ينفع انى استخدم الزيوت التخليقية فى العربيات القديمة انا عندى عربية فيات 131 موديل 82 وعاملة 80 الف كيلو والموتور حالتة كويسة الحمد لله فهل ينفع انى استخدم النوع دة من الزيوت لأن مميزاتة كتيير جدا ولا مينفعش .. اسف جدا ولكن ارجو الرد سريعا لنى هغير زيت بكرة ان شاء الله ولكم جزيل الشكر

طالما شغال على معدني مش هينفع خالص كمل عالمعدني حط موبيل xhp

[asa3eed]

ناوى تجيب نوع اية علشان انا ناوى اعمل زيك

والله ف انواع كتير موجوده له مواضيع ممتازة من تجارب الاعضاء المحترمين هنا فى وولفر وفى زادو وفى فالفولين ماكس لايف وكله بلزوجه 10W-40 نصف تخليقى لسه مقررتش هشتغل بإيه انا حاليا بشغال بزادو معدنى 20w-50 وممتاز معايا ممكن اكمل به او اغير بوولفر او اجيب فالفولين اهم حاجة نص تخليقى

[asa3eed]

طالما شغال على معدني مش هينفع خالص كمل عالمعدني حط موبيل xhp

هو لا ابيض لا إسود ع فكرة ف رمادى " نص تخليقى والماتور بسم الله ما شاء الله عامل كيلومترات قليله جرب النص تخليقة ب 185 بلبل ومش مشكله زياده 50 جنيه وكده كده هتمشى به مش أقل من 4 االاف كيلو كأنك غفيرت دم للعربيه وشوف وقارن مش هتخسر غير ال 50 بلبل مع متابعه المقاس كل 500 كيلو مثلا

[hafizahmad]

هقول لحضرتك ع حاجة .. ماتورك لما بتنزل الزيت المعدنى هل بيبقى نااااقص او ف نقص ف الزيت انا عكس إتجاه إللى بيقول مش ماشيه وليه التكلفه انا مش شايف فيها تكلفه ع حساب ماتورى لو هدفع 100 جنيه زياده ف مقابل هوفر حاجات كتير لماتورى اولها عزم وتقليل استهلاك وقود ... جرب ولو نقص ع 2000 او 3000 او حتى 5000 نزله وإرجع للمعدنى تانى .. انا تغيرتى إللى جايه هجرب نص تخليقى 10w-40 ماتور 165 الف موديل 94

لالالا مفيش نقص فى الزيت الحمد لله وانا بغيرة بس برضة محدش رد عليا رد واضح هل هيبقى فى خطر ولا مجرد انى ممكن اخسر فلوس تغيرة الزيت وخلاص

[hafizahmad]

الف شكر للرد والأهتمام وبرضة مستنيين اراء اكتر لأن الموضوع فى دماغ ناس كتيير عندهم عربيات قديمة وعايزين يستفادوا من مميزات الزيوت التخليقية او النصف تخليقية