هيا زيوت مواتير شل عمرها اطول من موبيل و لا ان بيتهيألي؟

[Ahmed Hassan]

ولاهي زيوت التعاون دية مش واخدة حقها
يعني مثلا التعاون1 التخليقي( الي بيعادل موبيل1 ) دا واحد صحبي بيحطة في عربية بيجو 405 في التوكيل ماشي دلوقتي عامل اكتر من 200 الف و الموتور بتاعة زي الفل جديد لانج رغم ان استخدامة و سواقتة زي الزفت الموتور بيصعب عليا
و الزيت بتاعهم الي هوا بيعادل الاكس اتش بي (نفس الخواص ) بيقعد حوالي 5000الاف زي التوتال ال 5000 بالرغم من ان الاكس اتش بي بيقعد 3 الاف بس و يمكن اقل رغم انة سعره اغلي بكتير

مين اللى قالك ان توتال 5000 بيقعد 5000 كم؟؟

توتال 3000 ده بيقعد 1000كم
توتال 5000 ده بيقعد 3000كم
توتال 7000 بيقعد 5000كم (مش موجود)
توتال 9000 بيقعد 1000كم

و عموما زيوت توتال

من ناحيه تانيه زيوت الـ 1000 كم من اي صانع تقعد 10000 كم او 6 شهور بغض النظر عن المسافه المقطوعه. لو استعمالك خفيف و مستخسر تنزل الزيت بعد 6 شهور استعمل زيت غير تخليقي

[MEDO80]

توتال3000 كنت باحطة في الاونو و باعمل بية 3000 و احيانا اكتر و كان بينزل كويس نسبيا بالنسبة لزيت مستهلك و فضلت كدا لحد م بعت العربية و هيا عاملة اكتر من ميه الف و حالة الموتور بتاعها زي الفل لحد دلوقتي مع الي اشتراها مني و انا بعتها من حوالي سنتين و بعدين مش انا الي باقول ممكن تسال اي حد في اي بنزينة لتوتال

[Ahmed Hassan]

توتال3000 كنت باحطة في الاونو و باعمل بية 3000 و احيانا اكتر و كان بينزل كويس نسبيا بالنسبة لزيت مستهلك و فضلت كدا لحد م بعت العربية و هيا عاملة اكتر من ميه الف و حالة الموتور بتاعها زي الفل لحد دلوقتي مع الي اشتراها مني و انا بعتها من حوالي سنتين و بعدين مش انا الي باقول ممكن تسال اي حد في اي بنزينة لتوتال

انا مش محتاج اسأل.. انا احد اقرب اصدقائي موزع معتمد لزيوت توتال. و بعدين قارن بنفسك زيت توتال 3000 تمنه قريب من اسو او موبيل اللي بيقعد كام كيلو ؟ هتلاقى الاجابه واضحه قدامك. تفتكر العامل اللي في المحطه مرجع كفايه ؟

[MEDO80]

و لا انا محتاج اقارن
عموما التجربة خير برهان
و انا حكيت تجربتي
و باقي الناس بتعمل نفس الموضوع سواء هنا في المنتدي او حتي اصدقائي
حتي علي ما اتذكر كان مره في عضو حكي انة ساب الزيت التوتال ال5000 لمدة 8 الاف كيلو و العربية ما حصلهاش حاجة !!!!!!!

[Ahmed Hassan]

و لا انا محتاج اقارن
عموما التجربة خير برهان
و انا حكيت تجربتي
و باقي الناس بتعمل نفس الموضوع سواء هنا في المنتدي او حتي اصدقائي
حتي علي ما اتذكر كان مره في عضو حكي انة ساب الزيت التوتال ال5000 لمدة 8 الاف كيلو و العربية ما حصلهاش حاجة !!!!!!!

فيه فرق بين ان الموتور ميحصلوش حاجه.. و بين اني احافظ على الموتور.

عموما كلنا بنقول المعلومات و التجارب اللي عندنا لفائده الأعضاء. شكرا على مداخلتك.

[MEDO80]

انا فاهم ان حضرتك بتقصد التاثير علي المدي الطويل
علشان كدا انا وضحت اني وصلت لحد 100 الف و الي بعدي عمل حوالي 80 الف يعني المجموع قربت حاليا علي 200 الف لموتور عربية اونو و لسة الموتور ما اتفتحش مع العلم ان خامة مواتير الفيات و خصوصا الفئة دية مش كويسة قوي يعني بالبلدي علي قدها مش زي الالماني مثلا او الفرنساوي يعني اقل مشكلة او اجهاد او احتكاك زايد في الموتور بتبان و دا محصلش
علشان كدا انا توصلت لاستنتاج ان استخدامي للزيت كان مضبوط بما في ذلك مواعيد تغيره
و عموما انا اتجهت للتخليقي مع موتوري الجديد و اي ملحوظة بتحصل معايا باقولها زي الناس ما هيا بتعمل علشان الي بيفكر يغير يستفاد من تجربتنا و شكرا

[ringoo84]

بصراحه شل ووطنيه وكالتكس كلهم ممتازين

[Badrowi]

طيب انا اخر مرة غيرت شل الاصفر كانت الازاة الى فيها مؤشر لكمية الزيت ومكتوب علية 20w 50
التهارده جبت الازازة لقيت شكلها متغير(للأوحش وبدون المؤشر) ومكتوب عليها 15w 50
ولانى اللى باجيب منه الزيت صاحبى نصحنى وقالى ده كويس وبيقولوا انه مزودينوا اضافات وبيقوللى انه مبيستخدمش الا هوا فى عربيته التيدا بس 10000
فايى رايكم كده اللزوجة اتغيرت للاحسن

[D . a .\ AYMAN]

يعني إيه

20w 50

[samirayad]

يعني إيه

20w 50

يعنى الزيت بيعمل فى مدى لزوجة...من 20-50 سنتى استوك(وحدة قياس اللزوجة)

[Badrowi]

انا قريت فى المانيوال بتاع العربية ان كلما قل الرقم اللى بين Sae20wالى Sae05w
مثلا كلما ينصح باستعمال المحرك لان طبقا للمؤشرات اللى انا شوفتها انة بيخلى المحرك يعمل فى جو منخفض فى درجة حرارته او بمعن اخ مبيسخنش المحرك اوى ويمل له اوفر لود وده اللى فهمته
فيا يا ريت حد يفسر لنا الموضوع ده

[Badrowi]

وجدتها فى موضوع ياترى نشترى زيت نوعه ايه!!!!!!!!!!!!!!!!!!!!

هناك زيوت أحادية اللزوجة ولن يكون الكلام القادم عنها

أما الزيت المتعدد الدرجات أو متعدد اللزوجة هو زيت يتم تركيبه لتغطية الإحتياج بالنسبة للسيارة لأكثر من درجة لزوجة واحدة وهذا طبقاً لتصنيف جمعية مهندسي السيارات SAE

هذا يعني أن هذه الزيوت إستخدامها في مدي كبير من تغير درجة الحرارة

عند بدء التشغيل تكون أقل درجة حرارة - ودرجة الحرارة العادية للموتور

0W40
معناه أن هذا الزيت يؤدي مهامه بمواصفات فئة 0W في حالة البودة الشديدة يعني عند بدأ عمل المحرك صباحاً

ويؤدي مهامه بمواصفات فئة 40 في حالة درجة الحرارة العادية أثناء عمل المحرك

والحرف W يرمز لكلمة Winter بمعني الشتاء
والرقم علي يسار W كلما قل كلما كان أفضل حيث يعبر علي قدرة أكبر لسريان الزيت في درجات الحرارة المنخفضة (يعني الزيت غير متجمد)

[samirayad]

لا.......تعليق...........

[Badrowi]

وبكده الشل يكسب

[mtageldeen]

انا قريت فى المانيوال بتاع العربية ان كلما قل الرقم اللى بين Sae20wالى Sae05w
مثلا كلما ينصح باستعمال المحرك

كلام سليم جداً

لان طبقا للمؤشرات اللى انا شوفتها انة بيخلى المحرك يعمل فى جو منخفض فى درجة حرارته

توضيح:
الرقم الذي علي اليسار كلما قل كلما ضمن أن الزيت يعمل بكفاءه ويقوم بوظيفته من التزيت والتليين وتقليل الإحتكاك عند درجة حرارة منخفضة.

المطلوب من الزيت:
1- عدم التجمد في البرودة (برود المحرك) مما يساعد علي رفع كفاءته في العمل صباحاً.
2- الإحتفاظ بخواصة عند درجات الحرارة العالية (سخونة المحرك) بمعني أنه لا يصبح مثل الماء فيفقد لزوجته وقدرته علي التليين.

مثال:
العسل الأبيض في الشتاء يكون متجمد وغليظ القوام مما يعوق حركته وجريانه
وفي الصيف يكون أشبه بالماء ويكون حركته أسرع

وهذا يوضح الكلام عن كفاءة الزيت في درجات الحرارة المختلفة والتي تصفها تلك الأرقام علي الزيوت
0W40 , 20W50