زيت موبيل 5w-30

[sammas1]

السلام عليكم ورحمة الله
حد جرب زيت موبيل 1 لزوجة 5w-30 او 0w-40 الجديد
انا لقيتة فى محطة موبيل اللى فى صلاح سالم واللى فى شارع التسعين فى التجمع

[akmm]

متابع باهتمام خصوصا النوع 0 /40

[sammas1]

محدش جرب يا جماعة

[أحمد عثمان]

يعني لو قعدت أقوللك كل الصيغ التحذيرية الموجودة في اللغة العربية مش حيكفي.
كلمة واحدة بلاش الموبيل للأسباب التالية:
1- صوت الموتور عالي شوية, صحيح مش أوي بس برضه غير العادي.
2- من خصائص الزيت إنه بيعمل تنظيف للمحرك من الشوائب العالقة به و ده اللي بيخلي الزيت يغمق, الأخ موبيل مش بيعمل كده و الناس مبسوطة و تقوللك ماشاء الله الزيت نازل زي الفل زي ما حطيته بالضبط, و مش حاسين بالوكسة.
3- ردائة التصنيع المصري للأسف الشديد و دي الحاجة اللي مزعلة الواحد فعلاً, و بالتالي وجود الكثير من المنتجات المقلدة و المضروبة.
4- أخر نقطة و دي القشة التي قسمت ظهر البعير هو السعر المغالى فيه بطريقة غريبة, الجركن ال4 لتر اللي هو 5w-50 وصل سعره 350 جنيه, لييييييييييييييييييييييييه.
دي الأسباب و القرار النهائي ليك.

[sammas1]

الف شكر على النصيحة
بس بالنسبة للسعر فهو 300 جنية فقط

[Dr_Smart]

انا جربته وهتلاقيني عامل موضوع هنا Mobil 1 ESP formula 5w30

انا جربته بناء على الكتالوج اللي بينصح بلزوجة 5w30

وكنت قبله بستخدم Mobil 1 5w50 وجربت مره واحده Castrol edge 5w40

ال 5w30 ... عامل بيه ٧٠٠٠ كم حتى الان
بالمقارنه مع ال 5w50
صوت الموتور أعلى حاجه بسيطه ..
اللزوجه خفيفه اوي بس ماقلتش عن الاول .. والحمدلله مانقصش خالص طول ال٧٠٠٠ كم
استهلاك البنزين افضل بشكل ملحوظ
مش حاسس بفرق كبير في السحب والاداء
مفيش فرق يذكر في الاداء في الحر او البرد
شاكك انه يكمل ١٠٠٠٠ كم بنفس الاداء زي ال5w50 كان بيكملهم مستريح

الخلاصه .. ١- 5w30 احسن في استهلاك البنزين واوحش في الصوت
٢- الله أعلم ايه اللي بيحصل جوه الموتور في ايام الحر الشديد .. مش مرتاح
٣ - المره الجايه ان شاء الله هجرب caltex havoline 5w40 ( خير الامور الوسط )
٤- لازم تشوف الكتالوج .. بس تفهمه كويس .. يعني عندي بينصح ب5w30 لكن كاتب بين قوسين في الطقس البارد لافضل استهلاك بنزين وبدء التشغيل .. يعني مش هو الاحسن في الحر

[أحمد عثمان]

انا جربته وهتلاقيني عامل موضوع هنا mobil 1 esp formula 5w30

انا جربته بناء على الكتالوج اللي بينصح بلزوجة 5w30

وكنت قبله بستخدم mobil 1 5w50 وجربت مره واحده castrol edge 5w40

ال 5w30 ... عامل بيه ٧٠٠٠ كم حتى الان
بالمقارنه مع ال 5w50
صوت الموتور أعلى حاجه بسيطه ..
اللزوجه خفيفه اوي بس ماقلتش عن الاول .. والحمدلله مانقصش خالص طول ال٧٠٠٠ كم
استهلاك البنزين افضل بشكل ملحوظ
مش حاسس بفرق كبير في السحب والاداء
مفيش فرق يذكر في الاداء في الحر او البرد
شاكك انه يكمل ١٠٠٠٠ كم بنفس الاداء زي ال5w50 كان بيكملهم مستريح

الخلاصه .. ١- 5w30 احسن في استهلاك البنزين واوحش في الصوت
٢- الله أعلم ايه اللي بيحصل جوه الموتور في ايام الحر الشديد .. مش مرتاح
٣ - المره الجايه ان شاء الله هجرب caltex havoline 5w40 ( خير الامور الوسط )
٤- لازم تشوف الكتالوج .. بس تفهمه كويس .. يعني عندي بينصح ب5w30 لكن كاتب بين قوسين في الطقس البارد لافضل استهلاك بنزين وبدء التشغيل .. يعني مش هو الاحسن في الحر

لو فعلاً ناوس تحط الكالتكس هافولين المرة الجاية يبقى تنسي أي زيت تاني بعد كده, أنا ثالث مرة أحطه بعد تجربة الكثير من الزيوت و فعلاً زيت ممتاز جداً, مش حتندم أبداً إنك حطيته.

[khmshry]

لو فعلاً ناوس تحط الكالتكس هافولين المرة الجاية يبقى تنسي أي زيت تاني بعد كده, أنا ثالث مرة أحطه بعد تجربة الكثير من الزيوت و فعلاً زيت ممتاز جداً, مش حتندم أبداً إنك حطيته.

ياريت تعملنا موضوع وتحكيلنا تجربتك مع زيت الكالتكيس المظلوم لاني بفكر فيه جديا مع العلم اني مجرب زيوت فالفولين و ليكوي مولي و كاسترول وشيل وتوتال وبفكر اجرب كالتكس بس احكيلنا تجربتك معاه .

[crazy car]

يعني لو قعدت أقوللك كل الصيغ التحذيرية الموجودة في اللغة العربية مش حيكفي.
كلمة واحدة بلاش الموبيل للأسباب التالية:
1- صوت الموتور عالي شوية, صحيح مش أوي بس برضه غير العادي.
2- من خصائص الزيت إنه بيعمل تنظيف للمحرك من الشوائب العالقة به و ده اللي بيخلي الزيت يغمق, الأخ موبيل مش بيعمل كده و الناس مبسوطة و تقوللك ماشاء الله الزيت نازل زي الفل زي ما حطيته بالضبط, و مش حاسين بالوكسة.
3- ردائة التصنيع المصري للأسف الشديد و دي الحاجة اللي مزعلة الواحد فعلاً, و بالتالي وجود الكثير من المنتجات المقلدة و المضروبة.
4- أخر نقطة و دي القشة التي قسمت ظهر البعير هو السعر المغالى فيه بطريقة غريبة, الجركن ال4 لتر اللي هو 5w-50 وصل سعره 350 جنيه, لييييييييييييييييييييييييه.
دي الأسباب و القرار النهائي ليك.

لو اطلعت على مواصفات زيت موبيل هتلاقى ان نسبة المنظفات عالية جدا واعلى تقريبا من اى زيت تانى فكلامك غريب جدا بصراحة وعلى فكرة ارتفاع وعلو صوت المحرك سببه ارتفاع المنظفات بالزيت
وسعر الزيت 300 لسه مغيره الاسبوع اللى فات

[Dr_Smart]

لو فعلاً ناوس تحط الكالتكس هافولين المرة الجاية يبقى تنسي أي زيت تاني بعد كده, أنا ثالث مرة أحطه بعد تجربة الكثير من الزيوت و فعلاً زيت ممتاز جداً, مش حتندم أبداً إنك حطيته.

تمام ربنا يطمنك

انا كنت رايح اشتري فالفولين والبياع ( شكله محترم ) قاللي بلاش لانه دلوقتي بقى مشكوك في انه بييجي من الامارات مش هولندا زي الأول وكمان مكتوب عليه sn/sm وبيقول ان دي معناها انه خليط بين الدرجتين وليس sn فقط

ونصحني بشده بزيت زادو

لكن قررت أجرب كالتكس هافولين التخليقي واتأكدت من الجركن انه مستورد ( غالبا الفلبين او سنغافوره )

[أحمد عثمان]

لو اطلعت على مواصفات زيت موبيل هتلاقى ان نسبة المنظفات عالية جدا واعلى تقريبا من اى زيت تانى فكلامك غريب جدا بصراحة وعلى فكرة ارتفاع وعلو صوت المحرك سببه ارتفاع المنظفات بالزيت
وسعر الزيت 300 لسه مغيره الاسبوع اللى فات

إحنا مش بنتكلم هنا عن الكاتالوجات و الورق, صحيح محدش ينكر أهميتها بس لما يكون في تجربة عملية يبقى الله يكرمك بلاش موضوع الكاتالوجات ده.
الزيت سيئ للغاية و ده مش كلامي أنا بس, ده كلام كتير من الناس في المنتدى ده, و بعدين يا سيدي لو مريحك كمل عليه هو حد قاللك سيبه.
أنا بحكي عن تجربة شخصية و مش من مرة واحدة.
تاني حاجة السعر اللي بقول عليه هو سعر ال 5w-50 مش ال 5W-30 اللي في الموضوع و ده اللي أنا جربته على أساس إنه من أنضف الأنواع الموجودة و للأسف.
و بعدين إيه علاقة إرتفاع المنظفات أو إنخفاضها في علو صوت الموتور, ياريت تقولنا تعمل شير للمقالة أو الموقع اللي انت جبت منه الكلام ده عشان كلنا نستفيد.
بالتوفيق إن شاء الله.

[أحمد عثمان]

تمام ربنا يطمنك

انا كنت رايح اشتري فالفولين والبياع ( شكله محترم ) قاللي بلاش لانه دلوقتي بقى مشكوك في انه بييجي من الامارات مش هولندا زي الأول وكمان مكتوب عليه sn/sm وبيقول ان دي معناها انه خليط بين الدرجتين وليس sn فقط

ونصحني بشده بزيت زادو

لكن قررت أجرب كالتكس هافولين التخليقي واتأكدت من الجركن انه مستورد ( غالبا الفلبين او سنغافوره )

الحقيقة أنا مجربتش زيت زادو, صحيح في ناس كتير على المنتدي بتشكر فيه بس أبقى بفتي لو اتكلمت عنه و انا مجربتوش.
أما بالنسبة لكالتكس هافولين اللي في العلبة دي:

فده من نيوزيلاند.
و فعلاً زيت ممتاز.

[Dr_Smart]

الحقيقة أنا مجربتش زيت زادو, صحيح في ناس كتير على المنتدي بتشكر فيه بس أبقى بفتي لو اتكلمت عنه و انا مجربتوش.
أما بالنسبة لكالتكس هافولين اللي في العلبة دي:

فده من نيوزيلاند.
و فعلاً زيت ممتاز.

انا مش لاقي عليه كلمة صريحة made in ..

لكن مكتوب manufactured by chevron ( tianjin ) lubricants
يعني صيني

البياع برضو لما سألته قاللي الصين

[aboomar22]

انا بستعمل وولفر 40-5 وحتي الان ماشي ٣ الاف كيلو وماشاء الله جيد جدا قبله كنت بستخدم موبيل ١ وولفر صوت الموتور اهدي لكن موبيل احسن زيت فى تنظيف الموتور وهو اول زيت لونه بيغمق مش بيتحرق

[K.Ossama]

السعر اللي بقول عليه هو سعر ال 5w-50 مش ال 5w-30

بس على فكرة
كل انواع موبيل وان سعر واحد 275 جنيه ال4 ليتر