حد سمع عن زيت اسمو Rowe ؟؟

[Zeldan]

السلام عليكم ورحمة الله

عربيتي لانسر شارك

كنت بعمل صيانة في مركز صيانة اسمو هاي تريد (صيانة الالف) في جسر السويس

و غيرلي زيت اسمو Rowe اول مرة اسمع عنو بصراحة .. بس قالي انو الماني و شغالين فيه من زمان

بس وانا ماشي حسيت ان صوت الموتور عالي عن الاول كتير و السحب اقل كمان ..

ايه رايكم ؟؟

[abdoumahros]

بصراحه

بصراحه انا ماسمعتش عن الزيت ده قبل كده علشان كده ما اقدرش احكم عليه
عموما ممكن يكون الزيت ده كويس بس موش مناسب لعربيتك من حيث اللزوجه
فاذا كان الزيت لسه جديد وعمل معاك بطئ في السحب وارتفاع صوت الموتور فنصيحتي غير الزيت ده والفلتر وحط الزيت اللي انت عارفه ومرتاح معاه

[Dr_Moustafa]

http://www.amwemotoroil.am/Catalogue/ROWE_Produktkatalog_GB_11_2011-1.pdf

[Adnfalcon]

اول مره اسمع عن الزيت دا
بس مفروض متحطش زيت موتور مش عارف مصدره ايه و هل متوافق مع عربيتك او لأ

[عبدالله برعى]

اول مرة اسمع عن الزيت دا عامة مش مقياس ممكن يكونالزيت مش معروف محليا زى زيوت كتير وكويس وجودتة كويسة
ابحث عنة فى منتديات اجنبية

[Zeldan]

اول مره اسمع عن الزيت دا
بس مفروض متحطش زيت موتور مش عارف مصدره ايه و هل متوافق مع عربيتك او لأ

عندك حق .. بس للاسف انا خبرتي في الكلام دا معدومة تقريبا.

[Zeldan]

http://www.amwemotoroil.am/catalogue..._11_2011-1.pdf

ايوة هوا دا فعلاً .

[Zeldan]

اول مرة اسمع عن الزيت دا عامة مش مقياس ممكن يكونالزيت مش معروف محليا زى زيوت كتير وكويس وجودتة كويسة
ابحث عنة فى منتديات اجنبية

اكيد طبعا .. عموماً انا لو مشيت بيه فيه تأثير على الموتور أو حاجة زي كدا؟

عشان مستحرم ال 300 جنيه يروحوا في الأرض كدا بصراحة.

[amrelsaqqa]

ما تحطش حاجة مجهولة في عربيتك وتبقى حقل تجارب
حط اللى المصنع قال عليه عشان ما تلبسش في الحيط والفروق الوهمية الرهيبة بين انواع الزيوت كلها كلام تافه وتسويقى وضحك ع الدقون
الزيوت من نفس المواصفات كلها متقاربة والفروق غير محسوسة للانواع المحترمة المشهورة وده رأيي الشخصى جدا في الموضوع اللى عارف ان ناس كتير ضده

[S O P H O S]

مسمعتش عنه قبل كده
وايه الداعي للزيت مش معروف

[Zeldan]

ما تحطش حاجة مجهولة في عربيتك وتبقى حقل تجارب
حط اللى المصنع قال عليه عشان ما تلبسش في الحيط والفروق الوهمية الرهيبة بين انواع الزيوت كلها كلام تافه وتسويقى وضحك ع الدقون
الزيوت من نفس المواصفات كلها متقاربة والفروق غير محسوسة للانواع المحترمة المشهورة وده رأيي الشخصى جدا في الموضوع اللى عارف ان ناس كتير ضده

مسمعتش عنه قبل كده
وايه الداعي للزيت مش معروف

قلة خبرة و استسهال .. أهو الواحد بيتعلم.. ألف شكر و عموما انا هجرب فترة على الأقل لو مفيش تحسن هغيروا و خلاص.

[ameros]

الزيوت دي التجاري بتاعها ارخص كتير مالمحلي ومكسبهم عالي جدا خصوصا ان لعب الاستيراد لمنتجات زيوت المحرك اتفاخ فمصر عالبحري وهتلاقي انواع لا حصر لها الفتره الجايه وهتملي السوق مش هتقدر تفرق المنتج الاصلي وان كان مواصفاته اوروبيه لا علاقه لها بمواصفات شمال افريقيا والخليج والمنتج المضروب واللي مالسهل جدا استيراده مالصين مثلا
نصيحتي شل

[amz040]

اول مره اسمع عنه

[amz040]

شبل ممتاز

[Dr_Smart]

شفت الماركة دي قبل كده بس في زيت فتيس اوتو تخليقي عند محل زيوت وكان الماني برضو