تجربة زيت زادو 20/50

[hafizahmad]

السلام عليكم ورحمة الله وبركاتة
اشتريت زيت زادو ولسة مغيرة امبارح مع تغيير الفلتر والعربية فيات 131 وكنت بستخدم زيت تعاون الأخضر غاز كووب المهم غيرتة وعملت بية مشوار صغير حوالى 5 كيلو وبعدين قلت اما اشوف اخبارة اية مش عارف اية اللى خلانى ابص علية بس اللى حصل بقى المهم شفتة على مقياس الزيت لقيت سايل بطريقة كبيرة لدرجة انى لما بميل المقياس لتحت الزيت بيقع فهل دة عادى ولا اية لأن التعاون اللى كنت بستخدمة كان بيبقى ماسك نفسة عن كدة فهل دة عادى ولا لأ , ولا اغيرة وامرى لله ولا اجربة فى سفر واشوف اية ظروفة , ولا التعاون اصلا تقيل انما الزيوت التانية خفيفة يعنى ياريت توضيح ياشباب لأنى مقلق منة شوية

[ahmedfouad]

المفروض 20/50 تقيل مش خفيف
طب اخبار صوت الموتور ونعومته ايه ؟
اصبر عليه شوية

[asa3eed]

لا طبعا صعب جدا ومفيش اى وجه مقارنه بين الاتنين اصلا .. زادو كده طبيعى جدااااا .. تابع مقاس الزيت إذا كان بينقص ولا لا ,,, او بيتبخر لو حصل كده ارجع للتعاون تااانى هوه إللى هيضبط معاك

[hafizahmad]

المفروض 20/50 تقيل مش خفيف
طب اخبار صوت الموتور ونعومته ايه ؟
اصبر عليه شوية

والله ياباشا مش عارف لسة المشكلة انى كنت لسة صاحى من النوم ومش مركز والمشوار كان صغير جدا كلة على الأول والتانى بس انا مسافر بكرة واعتقد انة المشوار هيبقى اختبار كويس للزيت بس سؤال معلش هو الزيت المفروض لزوجتة تزيد لما درجة حرارتة تزيد ولا تقل ؟؟ لأنى مش عارف

[hafizahmad]

لا طبعا صعب جدا ومفيش اى وجه مقارنه بين الاتنين اصلا .. زادو كده طبيعى جدااااا .. تابع مقاس الزيت إذا كان بينقص ولا لا ,,, او بيتبخر لو حصل كده ارجع للتعاون تااانى هوه إللى هيضبط معاك

اولا ياباشا دة شر ف ليا انك دايما تدخل على مواضيعى وترد عليها وانا الموتور بتاعى الحمد لله تمام مفيهوش مشاكل خالص لدرجة انى بفكر استخدم نصف تخليقى على الأقل بس لسة متردد . بس حضرتك شايف ان الزيت لما يبقى سايل كدة عادى مفيهوش مشاكل مش المفروض يبقى ماسك نفسة شوية ؟ هو على فكرة مش فاقد اللزوجة بس سايل كدة زيادة عن التعاون للى كنت بستخدمة

[ahmedfouad]

والله ياباشا مش عارف لسة المشكلة انى كنت لسة صاحى من النوم ومش مركز والمشوار كان صغير جدا كلة على الأول والتانى بس انا مسافر بكرة واعتقد انة المشوار هيبقى اختبار كويس للزيت بس سؤال معلش هو الزيت المفروض لزوجتة تزيد لما درجة حرارتة تزيد ولا تقل ؟؟ لأنى مش عارف

هو المفروض مع الحرارة اللزوجة بتقل
بس ما تقلقش الزيت ده متعدد الدرجات

[hafizahmad]

هو المفروض مع الحرارة اللزوجة بتقل
بس ما تقلقش الزيت ده متعدد الدرجات

تمام ياباشا وللأسف السفر اتاخر لبكرة بس ان شاء الله هنقل التجربة لغاية اما ال 5000 كيلو يخلصوا ان شاء الله بس فى سؤال انا لما غيرت الزيت والفلتر الميكانيكى حط حوالى 3 لتر و 3/4 يعنى اتفضل حوالى ربع لتر بس فهل دة زيادة علىا لموتور والعربية فيات 131

[hafizahmad]

ولو مقاس الزيت عند الماكس يبقى عادى ولا زيادة ؟

[almohaor]

انا استخدم زيت زادو الان لاول مرة للتجربة
وكنت استخدم زيت شل الاصفر بنفس درجة اللزوجة
الملاحظ انه لايوجد فرق بينهما فى اللزوجة وثبات مؤشر الحرارة فى المنتصف بعد الاستخدام
سوى ان زيت زادو درجة اللون بقت اغمق من شل بدرجة اسرع اى فى الالف الاولى عكس زيت شل درجة تغيير لونه بعد خمسة الاف تكون بسيطة مع ملاحظة ان السيارة قطعت الان 20 الف
انا اقيس لزوجة الزيت والمحرك بارد
بان اضع نقطة زيت من المقياس بين اصبعى الابهام ثم المسه بالسبابة
ثم ارفع السبابة ببطىء فاذا استمر خيط الزيت بين اصبعى لمسافة حوالى 3 ملمتر او اكثر يبقى الزيت جيد وممتاز
وده بيكون على فترات خلال استخدام الزيت فى مدته المحددة
الزيت لاغبار عليه ولكن انا شايف ان شل الاصفر افضل منه
لان لونه لايتغير
كثيرا او بسرعة

[hafizahmad]

انا استخدم زيت زادو الان لاول مرة للتجربة
وكنت استخدم زيت شل الاصفر بنفس درجة اللزوجة
الملاحظ انه لايوجد فرق بينهما فى اللزوجة وثبات مؤشر الحرارة فى المنتصف بعد الاستخدام
سوى ان زيت زادو درجة اللون بقت اغمق من شل بدرجة اسرع اى فى الالف الاولى عكس زيت شل درجة تغيير لونه بعد خمسة الاف تكون بسيطة مع ملاحظة ان السيارة قطعت الان 20 الف
انا اقيس لزوجة الزيت والمحرك بارد
بان اضع نقطة زيت من المقياس بين اصبعى الابهام ثم المسه بالسبابة
ثم ارفع السبابة ببطىء فاذا استمر خيط الزيت بين اصبعى لمسافة حوالى 3 ملمتر او اكثر يبقى الزيت جيد وممتاز
وده بيكون على فترات خلال استخدام الزيت فى مدته المحددة
الزيت لاغبار عليه ولكن انا شايف ان شل الاصفر افضل منه
لان لونه لايتغير
كثيرا او بسرعة

الف شكر ياباشا على نقل تجربتك ومحاولة الأفادة وبالنسبة لأن اللون بقى غامق فاعتقد ان دة معناة ان الزيت بيقوم بدورة كويس فى تنظيف المحرك على مافهمت من المواضيع هنا فى المنتدى بس سؤال ياباشا معلش هل حضرتك ستخدمت زيوت تعاون قبل كدة ولو اتخدمتهم هل حسيت بقرق فى اللزوجة بينهم وبين زادو ثانيا ممكن حضرتك تقولى شل الأصفر دة نصف تخليقى ولا معدنى وسعرة كام وبيقعد كام كيلو فى الموتور والف شكر ليك ياباشا

[hafizahmad]

مش عارف ياجماعة انا حاسس ان الزيت دة مقلب بس برضة هصبر علية ليغاية اما ال 5000 كيلو يخلصو عشان مظلموش فى التجربة

[gadoo30]

كمل مدتك وارجع للتعاون تانى
انا كنت بستعمل التعاون الأصفر في عربيتى الدوجان موتور التمبرا 1600 موديل 1996 لمدة 4 سنوات وكان بيقعد معايا 5000 كم وعمرة ما قل والمشاوير كلها داخل البلد وكنت ساعات بغيرة 4000 او 4500 ومرة قعد 6000
العربية بعتها عاملة 190000 كم والموتور ما شاء الله عمرة ما اتحل ولا ظبط حتى تاكيهات وسحب مية مية
ودلوقت معايا افيو 2006 غيرت من موبيل 5000 لشل الترا 10000 وهى عاملة 55000 كم والزيت نقص غيرت مرة لوولف وقعد 10000 كم والغيار التانى نزلتة بعد 300 كم علشان لمبة الزيت نورت وطلعت ساعة الزيت مسدودة والميكانيكى نصحنى بالتعاون الأصفر xpl sm ودة ب 115جم وقاللى غيرة بعد 3500 كم او 4000 بس في البنزينة بيقولو7000 كم
قعد معايا في العربية 5300 كم والزيت زى الفل وغيرتة تانى بنفس النوع
زيوت التعاون زيوت ممتازة وعربيتك مويل قديم هترتاح قوى مع التعاون الأصفر وابقى ادعيلى بس جيبة من البنزينة وربنا يباركلك في عربيتك

[S O P H O S]

مش عارف ياجماعة انا حاسس ان الزيت دة مقلب بس برضة هصبر علية ليغاية اما ال 5000 كيلو يخلصو عشان مظلموش فى التجربة

وصلت لايه يا باشا ؟