زيت محرك بيجو 406

[elgafare]

السلام عليكم يا اخوانى الاعزاء

انا عندى سيارة بيجو 406 موديل 2002 ارجو افادتى بنوع زيت كويس استخدمة لانى كل ما اخرب زيت الاقى اما يتحرق بسرعة او يفقد لزوجتة و المشكلة ان الزيوت الى فى السوق معظمها مضروبة طيب اية العمل يا اخوانى ارجوا افادتى و مساعدتى لانى كدة حفقد الموتور و السيارة 2000 سى سى للعلم

[elgafare]

مفيش حد عايز يرد لية يا جماعة

[sonaeg]

حضرتك لو العربية ماشية اقل من 100.000 كم الافضل تحطلها زيت تخليقي لزوجته 5w-40 اي ماركة غير موبيل. والافضل كاسترول ايدج او فالفولين او الحاجات الجديدة الالماني زي وولفر او بيزول وشل بيشكروا فيه برده
دول بيقعدوا متوسط 10.000كم


لو ماشية اكتر من كده يبقي لزوجة 10w-40 نصف تخليقي بيقعد متوسط 7000 كم نفس الماركات

والافضل بعد ماتحط زيت تتابع مستواه بينقص ولا لا

لو حطيت تخليقي ونقص يبقي تنقل علي النص تخليقي ولو نقص تحط المعدني لزوجة 20w-50 بيقعد 5000 كم

والافضل تشوف الكتالوج بيوصي بايه

والله أعلم

[borio1704]

البيجو زيها زي بقية العربيات الأوروبية.. ما ينفعش تحطلها أي زيت

لازم يكون الزيت معتمد من بيجو.. أو على الأقل متوافق مع متطلبات مواصفة بيجو للزيوت..


من الآخر لو الزيت اللي حضرتك اشتريته (أيا كانت ماركته) ماكانش مكتوب عليه مواصفة بيجو يبقى ما تشتريهوش لإنه مش هينفعك.


لو عايز تعرف إزاي تختار الزيت المناسب.. أنصحك تدخل على الموضوع ده:
http://www.nilemotors.net/Nile/341680-a.html



...