استشارة ضرورى

[Ayman_Aly]

عربيتى صنى 2002
حطيت زيت وولفر 10W40
اداءه معقول ووفر شوية فى البنزين... وصل 4500 كم ولزوجته قلت كتير عن الأول (عندى شوية باقيين فى العلبة قارنت بينهم)
هل دى طبيعى وأكمل بيه ولا أغير وأجرب ليكوى مولى
ولما سألت لقيت نوعين ليكوى مولى 10w40 واحد أزرق وواحد أخضر أو رمادى تقريباً
ايه الفرق بينهم؟

[hesham fawzy h]

متابع باهتمام

[gho_ah]

اولا الماتور بتاعك ماشى اكام كيلو وكنت بتستعمل ايه قبل كده زيت معدنى ولا تخليقى لان 10w40 ده نصف تخليقى وياريت حاله الماتور كمان

[Fadi Ezzat]

عايز اسئلك على حاجة
انتا شوفت اللزوجة والماتور سخن ولا بارد

لانى اعتقد انك شوفتها والماتور سخن

[abou-yahia]

نصيحه
حط شيل وريح دماغك

Sent from my SM-N900 using Forum Runner

[Ayman_Aly]

اولا الماتور بتاعك ماشى اكام كيلو وكنت بتستعمل ايه قبل كده زيت معدنى ولا تخليقى لان 10w40 ده نصف تخليقى وياريت حاله الماتور كمان

157000 كم
وقبل كده كان فيها زيت معدنى
وحالة الموتور كويسة، والزيت ما نقصش حاجة تذكر

[Ayman_Aly]

عايز اسئلك على حاجة
انتا شوفت اللزوجة والماتور سخن ولا بارد

لانى اعتقد انك شوفتها والماتور سخن

شفتها و الموتور بارد الصبح قبل ما أتحرك

[Fadi Ezzat]

طالما مفيش مشاكل
امال اية المشكلة

[Ayman_Aly]

طالما مفيش مشاكل
امال اية المشكلة

مشكلتى إنى شاكك فى جودة الزيت لأن لزوجته قلت كتير والمفروض يقعد كمان 1500 : 2500 كم
هل ده طبيعى ؟

[hazem ali]

السلام عليكم

حضرتك قبل ما تبدل وتغير انواع شركات الزيوت ياريت تشوف اللزوجه الى مسموح انك تستخدمها لماتور عربيتك لان اللزوجات الغلط ممكن تعمل مشاكل حتى لو نوعيه الزيت كويسه
وفيه كمان تصنيف الزيت API لازم هوا واللزوجه يكون متوافق مع ماتور عربيتك

الحاجه التانية بما انك كنت بتحط معدني قبل كده ..فعشان تحول لتخليقي لازم تخلي بالك من شوية حاجات بس انا مش عارفها بالظبط لكن هيا موجوده في الموضوع ده

http://www.nilemotors.net/Nile/341680-a.html

[Ayman_Aly]

السلام عليكم

حضرتك قبل ما تبدل وتغير انواع شركات الزيوت ياريت تشوف اللزوجه الى مسموح انك تستخدمها لماتور عربيتك لان اللزوجات الغلط ممكن تعمل مشاكل حتى لو نوعيه الزيت كويسه
وفيه كمان تصنيف الزيت api لازم هوا واللزوجه يكون متوافق مع ماتور عربيتك

الحاجه التانية بما انك كنت بتحط معدني قبل كده ..فعشان تحول لتخليقي لازم تخلي بالك من شوية حاجات بس انا مش عارفها بالظبط لكن هيا موجوده في الموضوع ده

http://www.nilemotors.net/nile/341680-a.html

عليكم السلام ورحمة الله
أشكرك يا باشا على النصيحة
أنا راجعت اللزوجة المسموح بيها فى الكتالوج
والزيت نصف تخليقى
والموضوع بتاع بوريو قرأته كله قبل كده :)

[borio1704]

عربيتى صنى 2002
حطيت زيت وولفر 10W40
اداءه معقول ووفر شوية فى البنزين... وصل 4500 كم ولزوجته قلت كتير عن الأول (عندى شوية باقيين فى العلبة قارنت بينهم)
هل دى طبيعى وأكمل بيه ولا أغير وأجرب ليكوى مولى
ولما سألت لقيت نوعين ليكوى مولى 10w40 واحد أزرق وواحد أخضر أو رمادى تقريباً
ايه الفرق بينهم؟

157000 كم
وقبل كده كان فيها زيت معدنى
وحالة الموتور كويسة، والزيت ما نقصش حاجة تذكر

مشكلتى إنى شاكك فى جودة الزيت لأن لزوجته قلت كتير والمفروض يقعد كمان 1500 : 2500 كم
هل ده طبيعى ؟

هو شيء طبيعي إن الزيت يفقد بعض خواصه بعد فترة من الاستخدام... بس مسألة فقد اللزوجة "كتير" كده ممكن يكون فيها كلام تاني..

بس في الحقيقة ما أقدرش أحكم بالوصف بس.. ويمكن الصورة كمان ما تساعدش قوي.

وأنا شخصيا أعتقد إن انخفاض اللزوجة سبب أساسي في توفير البنزين اللي حضرتك حسيت بيه.

لو الدنيا ماشية معاك كويس ومفيش ارتفاع غريب في الحرارة يبقى إن شاء الله معندكش مشاكل



بالنسبة لزيوت ليكوي مولي اللي حضرتك سألت عليها.. أنا دخلت على الموقع

وحاولت أعرف الفرق بينهم:

اللي أنا شايفه وحسب ما هما بيوصفوا في الموقع إن:


ليكوي مولي الأزرق: Super Leichtlauf 10W-40 أو (Super Low Friction)

زيت مصنع بتكنولوجيا تخليقية... مواصفة الـAPI بتاعته SL، وواخد تصنيف الـACEA بتاعه A3/B4

مناسب للعربيات اللي ماشية مسافات كبيرة علشان فيه مواد تنظيف معدنية بتشيل الرواسب من جوه الموتور...

الزيت ده كمان مناسب للعربيات الأوروبية لإنه واخد مطابق لمواصفات مرسيدس 229.1 وفولزفاجن VW 501 01/505 00.... ده غير إنه ينفع لعربيات بيجو وسيتروين اللي مواصفة الزيت بتاعها B71 2294.. وكمان مواصفة فولزفاجن VW 500 00

LIQUI MOLY - Motor Oils, Additives, Car Care - Products - Super Leichtlauf 10W-40


ليكوي مولي الرمادي: MoS2 Leichtlauf 10W-40 أو (MoS2 Low Friction)

زيت شبه تخليقي... مواصفة الـAPI بتاعته SL، وواخد تصنيف الـACEA بتاعه A3/B4

مناسب جدا لو عايز توفر في البنزين.

LIQUI MOLY - Motor Oils, Additives, Car Care - Products - MoS2 Leichtlauf 10W-40



حسب اللي مكتوب ده.. الأزرق أفضل.. لسبب واحد إنه بيشيل الرواسب.. ولو مفيهوش الحتة دي.. الاتنين يبقوا زي بعض.. خصوصا إن الصني مش محتاجة اعتمادات خاصة من الشركة الأم.


بس رأيي الشخصي ... شركات الزيت العالمية المعروفة عندها كل اللي انت عايزه وموجودة في كل مكان والأهم من ده توكيلاتها قوية ويعتمد عليها...


...

[Ayman_Aly]

شكراً يا باشا على ردك واهتمامك
والحقيقة استفدت من موضوعاتك كتير