عامل البنزينة "ظبطني" ؟؟؟

[ahmedshoura]

السلام عليكم ورحمة الله وبركاته
ارجو منكم توجيهي لما يجب فعله ولكم جزيل الشكر ...
انا معي سيارة كيا سيفيا 99 أوتوماتيك "معاقين"
وكنت اضع دائما زيت "شل" الأصفر 5000 كيلومتر
وبالأمس ذهبت لتغيير زيت وأقنعني العامل بوضع موبيل 1 لمزاياه العديدة
ولكن اسلوبه وعدم رغبته الملحة في عدم الوقوف بجانبه جعلني في غاية القلق
ولكني كنت مضطرا لأنه قد أنزل الزيت القديم
وبعد تغيير الزيت والفلتر
قمت بتشغيل السيارة
ولكن الغريب أن لمبة الزيت لم تكن مضاءة كالعادة عند تغيير الزيت والفلتر (تظل مضاءة لفترة ثم تنطفئ) وهذا ما لم يحدث بالمرة
فهل هو لم يغير الفلتر ؟؟؟؟؟؟؟؟؟
أم ماذا فعل أفيدوني !!!!!!!!!!!!!!
وبالله عليكم أفيدوني ماذا يجب علي فعله ؟؟؟؟؟؟؟؟؟؟؟؟؟؟؟؟؟؟؟؟؟؟ أرجوكم أنا دافع 360 جنيه
ولكنهم لا يقاسوا طبعا لو كان هايحصل حاجة للموتور لا قدر الله ....
شكرا جزيلا لكم
وأسف على الاطالة
وفي انتظار ردودكم ...

[Sherif Mandoor]

عادى بعد غيار الزيت والفلتر وتشغل اللمبه تنور لحد الزيت لمايوصل للموتور
لما تشغل دلوقت اللمبه بتطفى علطول

[egyption2012]

حاول تطمن على حالة الزيت الاول وشوفه هل تم تغييره ام لا
الطبيعي ان العامل بيفتح العبوة امامك ويقوم بافراغها في العربية امامك ايضا
غير ذلك فالامر مريب بعض الشئ
مشفتش عامل قبل كده بيطلب من صاحب العربية انه يبعد عنه اثناء شغله
خصوصا ان الموضوع مش حياخد عشر دقايق منه

[egyption2012]

الامر الاخر ان زيت شيل تقريبا افضل من زيت موبيل
فهل وجدت اي اختلاف في اداء وصوت العربية بعد تبديل الزيت
لكن قد يكون حالة زيت شيل بعد استهلاكه اسوأ من زيت موبيل الجديد او مساوي له في الجودة

[lad]

بعد كدا ان شاء الله تصر على اللى متعود عليه يلح ميلحش قولو غير اللى بقول عليه موبيل وان مش كويس و معتقدش ينفع اوى للعربية عشان غالبا ماشية كتير احسن حاجة شل الاصفر ليها

[aboomar22]

انت كنت بستستخدم زيت معدنى فالزيت التخليقى المفروض مش هيكون مناسب لموتورك لان من استخدام المعدنى خلوص الموتور بيزيد طبعا بنسبة صغيرا جدا بتجعله غير مناسب للزيوت التخليقيه الخفيفه نسبيا

[eng_amg]

حاول تطمن على حالة الزيت الاول وشوفه هل تم تغييره ام لا
الطبيعي ان العامل بيفتح العبوة امامك ويقوم بافراغها في العربية امامك ايضا
غير ذلك فالامر مريب بعض الشئ
مشفتش عامل قبل كده بيطلب من صاحب العربية انه يبعد عنه اثناء شغله
خصوصا ان الموضوع مش حياخد عشر دقايق منه

أولا جامد جدا التوقيع بتاع حضرتك.... أحييك عليه

ثانيا ببساطة ممكن يشوف مقياس الزيت ويكشف علي الزيت الجديد وحيبان معاه علطول .. لأن موبيل 1 أول ميتحط لونه أصفر شفاف وواضح جدا.. لو الزيت قديم أو الفلتر قديم حيبان معاه.

وبعدين علشان تقطع الشك باليقين إنزل تحت العربية أسفل الكارتيره وبص علي فلتر الزيت
متهيألي الفلتر القديم حيكون مترب ومتبهدل وحيبان معاك أوي هو فلتر جديد أم قديم