طلب مساعدة من استاذنا الكبير والمخضرم المهندس احمد البرعى

[mohamedibk]

السلم عليكم
دلؤتى يا بشمهندس احمد البرعى انا معايا عربية افيو 2008 عاملة 61000 كم بقالى سنة وست شهور
حطط زيت شل الترا 10000 (5w-40)
وبعمل فى السنة حوالى 6500 كم وغيرته مع الفلتر فى نهاية السنة
ودى المرة الثانية حطيته ولايوجد مشاكل منه علماً بأن الكتالوج قيل حط 5w-30
مع العلم ان زيت منقصش ولا مرة وحصل ان جوان التاكيهات كان بدا يرشح فغيرته والامور على مايرام حتى الان
فانا كنت بستخدم زيت موبيل اكس اتش بي لمدة عامان وايضاً صاحب السيارة كان بيحط اكس اتش بي وفقاً لفواتير الصيانة المعمولة بالتوكيل يعنى بالبلدى ( زيت معدنىاتش اكس بي فى العربية من 2008 وحتى منتصف 2013)
( زيت تخليقى شل الترا من منتصف 2013 فى بدايىة 52000كم وحتى 61000كم من شهر2014/12 مع عملية فلاش اويل من اول استخدام الزيت التخليقى لازالة اى اثار لزيت القديم )
فافدنى من فضلك يابشمهندس هل استخدم زيت (5w-30) المرة الجاية ولا استمر على كده طالما مفيش مشاكل
وشكراً

[borio1704]

أنا آسف جدا جدا جدا على تأخير الرد.. أنا لسه شايف الموضوع حالا.. ورسالة حضرتك على الخاص وصلتني وفتحتها فعلا بس ما كانش عندي وقت أرد ساعتها.

باعتذر مرة تانية وأرجو إنك تقبل اعتذاري.



مبدئيا.. أنا مش عارف إزاي التوكيل يحط زيت مخالف لتوصيات الكتالوج!!!!

مش هقول معدني ولا تخليقي.. إنما اختلاف شديد في اللزوجة بالطريقة دي.. الحقيقة الموضوع ده عليه علامات استفهام كبيرة عن مصداقية التوكيل ومدى احترافية اللي شغالين فيه أو القائمين عليه.


طيب.. نيجي للمفيد..

الكتالوج بيمنع صراحة استخدام أي لزوجة غير 5W-30 ... مش كده وبس.. ده قايل كمان "ما تستخدمش لزوجة 20W-50 أو 10W-40" كده بالنص.

وكمان بيطلب إن الزيت يكون مطابق لمواصفة جنرال موتورز رقم GM6094M.. وبعد شوية مراجعة وتأكد على النت.. قدرت أعرف إن المواصفة دي تكافئ كود الـ SL في الـAPI.


دي وصلة كتالوج الآفيو 2008 على النت

http://www.chevrolet.com/content/dam/Chevrolet/northamerica/usa/nscwebsite/en/Home/Ownership/Manuals%20and%20Videos/02_pdf/2008_chevrolet_aveo_owners.pdf

وصفحة الزيت رقمها 15-5



عموما.. رأيي إن حضرتك تحط 5W-30 المرة الجاية.. بس لازم نتابع استهلاك الزيت بدقة..

يعني كل أسبوع تشوف هل فيه نقص ولا لأ..

وما تنساش تتابع صوت الموتور في بداية التشغيل بالذات.


أنا قلقي كله إن الموتور ممكن يكون اتضرر نتيجة استخدام لزوجة 20W-50.



...

[mohamedibk]

اشكرك جدا جدا على ذوقك الجميل وسيادتك ماتاخرتش ولا حاجة يابشمهندس
وانا حبعتلك صورة الكتلوج العربى بتاعى الذى يوصى باستخدام المواصفة 5w30 او10w30على اساس ان السيارة تجميع مصرى فنلاقى نقيض او اختلاف بينه وبين الكتاولوج الانجليزى الذى لم يسلم لى على اساس انه للسيارات الخاصة بدول اخرى مع ان الكتلوج العربي مش ذكر اى حاجة عن المواصفة 20w50 او 10w40 والتى يحذر استخدامها الكتلوج الانجليزى الموجود على موقع شيفرولية وانا والعربية مستريحين مع شل الترا فى مثلاً صوت الماتور هادى واستهلاك البنزين افضل مفيش نقص فى الزيت بخلاف ذلك لايوجد اي مشكلة ماعدا ان جوان التاكيهات كان بدا بتسريب الزيت اول ما انا اقلت اقلب الى الزيت التخليقى وتم حلها واصبحت الامور على مايرام
لان كل الناس التى تعمل فى مجال بيع وتغيير الزيوت تنصحنى بالمواظبة على المواصفة 5w40 التى ماشى عليها حتى الان بما فيهم موزعين زيوت ليكوى مولى ووليفر والخ
علماً بان مهندس ميكانيكا فى التوكيل قالى ان ماكينة الافيو ذات الماتور 1500cc والواحد كامة والتى تعادل ماكينة الاسترا 2004 لن يكون مناسب لها المواصفة 5w30 وكأنى بارمى فلوسى فى الارض
فبرضى شوف لى الامور كيف تسار من حيث الصح عشان اصبحت محير ومشتتhttp://http://nileup.com/up/uploads/...207320951.jpeg

[mohamedibk]

شكرك جدا جدا على ذوقك الجميل وسيادتك ماتاخرتش ولا حاجة يابشمهندس
وانا حبعتلك صورة الكتلوج العربى بتاعى الذى يوصى باستخدام المواصفة 5w30 او10w30على اساس ان السيارة تجميع مصرى فنلاقى نقيض او اختلاف بينه وبين الكتاولوج الانجليزى الذى لم يسلم لى على اساس انه للسيارات الخاصة بدول اخرى مع ان الكتلوج العربي مش ذكر اى حاجة عن المواصفة 20w50 او 10w40 والتى يحذر استخدامها الكتلوج الانجليزى الموجود على موقع شيفرولية وانا والعربية مستريحين مع شل الترا فى مثلاً صوت الماتور هادى واستهلاك البنزين افضل مفيش نقص فى الزيت بخلاف ذلك لايوجد اي مشكلة ماعدا ان جوان التاكيهات كان بدا بتسريب الزيت اول ما انا اقلت اقلب الى الزيت التخليقى وتم حلها واصبحت الامور على مايرام
لان كل الناس التى تعمل فى مجال بيع وتغيير الزيوت تنصحنى بالمواظبة على المواصفة 5w40 التى ماشى عليها حتى الان بما فيهم موزعين زيوت ليكوى مولى ووليفر والخ
علماً بان مهندس ميكانيكا فى التوكيل قالى ان ماكينة الافيو ذات الماتور 1500cc والواحد كامة والتى تعادل ماكينة الاسترا 2004 لن يكون مناسب لها المواصفة 5w30 وكأنى بارمى فلوسى فى الارض
فبرضى شوف لى الامور كيف تسار من حيث الصح عشان اصبحت محير ومشتت

[mohamedibk]

شكرك جدا جدا على ذوقك الجميل وسيادتك ماتاخرتش ولا حاجة يابشمهندس
وانا حبعتلك صورة الكتلوج العربى بتاعى الذى يوصى باستخدام المواصفة 5w30 او10w30على اساس ان السيارة تجميع مصرى فنلاقى نقيض او اختلاف بينه وبين الكتاولوج الانجليزى الذى لم يسلم لى على اساس انه للسيارات الخاصة بدول اخرى مع ان الكتلوج العربي مش ذكر اى حاجة عن المواصفة 20w50 او 10w40 والتى يحذر استخدامها الكتلوج الانجليزى الموجود على موقع شيفرولية وانا والعربية مستريحين مع شل الترا فى مثلاً صوت الماتور هادى واستهلاك البنزين افضل مفيش نقص فى الزيت بخلاف ذلك لايوجد اي مشكلة ماعدا ان جوان التاكيهات كان بدا بتسريب الزيت اول ما انا اقلت اقلب الى الزيت التخليقى وتم حلها واصبحت الامور على مايرام
لان كل الناس التى تعمل فى مجال بيع وتغيير الزيوت تنصحنى بالمواظبة على المواصفة 5w40 التى ماشى عليها حتى الان بما فيهم موزعين زيوت ليكوى مولى ووليفر والخ
علماً بان مهندس ميكانيكا فى التوكيل قالى ان ماكينة الافيو ذات الماتور 1500cc والواحد كامة والتى تعادل ماكينة الاسترا 2004 لن يكون مناسب لها المواصفة 5w30 وكأنى بارمى فلوسى فى الارض
فبرضى شوف لى الامور كيف تسار من حيث الصح عشان اصبحت محير ومشتت

[borio1704]

شكرك جدا جدا على ذوقك الجميل وسيادتك ماتاخرتش ولا حاجة يابشمهندس
وانا حبعتلك صورة الكتلوج العربى بتاعى الذى يوصى باستخدام المواصفة 5w30 او10w30على اساس ان السيارة تجميع مصرى فنلاقى نقيض او اختلاف بينه وبين الكتاولوج الانجليزى الذى لم يسلم لى على اساس انه للسيارات الخاصة بدول اخرى مع ان الكتلوج العربي مش ذكر اى حاجة عن المواصفة 20w50 او 10w40 والتى يحذر استخدامها الكتلوج الانجليزى الموجود على موقع شيفرولية وانا والعربية مستريحين مع شل الترا فى مثلاً صوت الماتور هادى واستهلاك البنزين افضل مفيش نقص فى الزيت بخلاف ذلك لايوجد اي مشكلة ماعدا ان جوان التاكيهات كان بدا بتسريب الزيت اول ما انا اقلت اقلب الى الزيت التخليقى وتم حلها واصبحت الامور على مايرام
لان كل الناس التى تعمل فى مجال بيع وتغيير الزيوت تنصحنى بالمواظبة على المواصفة 5w40 التى ماشى عليها حتى الان بما فيهم موزعين زيوت ليكوى مولى ووليفر والخ
علماً بان مهندس ميكانيكا فى التوكيل قالى ان ماكينة الافيو ذات الماتور 1500cc والواحد كامة والتى تعادل ماكينة الاسترا 2004 لن يكون مناسب لها المواصفة 5w30 وكأنى بارمى فلوسى فى الارض
فبرضى شوف لى الامور كيف تسار من حيث الصح عشان اصبحت محير ومشتت

والله أنا كمان بقيت متحير من الناس اللي شغالين في التوكيلات دي.

طيب .. خليني ساكت


المهم...

حضرتك ممكن فعلا تحط لزوجة 5w-40.. بس بشرط

إن الزيت يكون مكتوب في صفحته على النت أو في البرشور بتاعه إنه ممكن يستخدم بدل لزوجة 5W-30

وفعلا.. كنت أحيانا بدخل على صفحات لبعض الزيوت وألاقي توصية زي كده عليها.

إنما لو ما كانش مكتوب حاجة زي كده.. ما أنصحكش.


...

[mohamedibk]

بص بقى يا بشمهندس وسيادتك احكم فى الحتى ديه من فضلك
ماتور عربيتى الافيو هو نفس ماتور الدايو الانوس 1500سي سي
وادى نسخة من كتالوج الزيت الذى ممكن يتحط فى ماتور الدايو اللانوس


وشكراً

[borio1704]

بص بقى يا بشمهندس وسيادتك احكم فى الحتى ديه من فضلك
ماتور عربيتى الافيو هو نفس ماتور الدايو الانوس 1500سي سي
وادى نسخة من كتالوج الزيت الذى ممكن يتحط فى ماتور الدايو اللانوس


وشكراً

أنا دخلت مخصوص على ويكيبيديا علشان أجيب قرار الموتور ده.. ولقيت فعلا إنه هو نفسه اللي محطوط في العربيتين.

موضوع محير فعلا !!


طيب.. بس من معلوماتي السابقة.. شركات السيارات بتعمل تعديلات على مواتيرها كل فترة... ويجوز التعديلات ما نحسش بيها..

أنا طبعا معرفش تفاصيل كل السيارات ولا المحركات.. وبالتالي مقدرش أديلك رأي نهائي بالنسبة للموضوع ده.


ما قدمناش غير حل من اتنين:

1- نفترض إن مفيش فرق بين الموتورين نهائيا.. وإن شيفروليه عاملة موضوع تحديد الزيت ده كناحية تسويقية للمستخدم علشان يحس إنه معاه عربية بتكنولوجيا عالية عايزة زيت متقدم..

وفيه احتمال إن شيفروليه تكون عاملة الموضوع ده كمان علشان العربية تبقى متوافقة مع القوانين الأمريكية بتاعت انبعاثات العادم وتقليل استهلاك البنزين.

في الحالة دي اللي يمشي على اللانوس يمشي على الآفيو... مع الأخذ في الاعتبار إن استهلاك البنزين احتمال يزيد شوية.


أو

2- نفترض إن فعلا فيه فرق بين الموتورين.. وإن كتالوج الآفيو صحيح ..

في الحالة دي لازم ألتزم بالمكتوب في كتالوج الآفيو..


والخيار لحضرتك في الآخر.


...

[drmagieed]

الزيت 10w-30 موصي به في البلاد الحارة زي مصر ودة مكتوب في الكتالوج ... لكن بعد الموتور ما يقطع مسافة ويعدي مثلا ال 100000 كم هل بيحتاج نفس اللزوجة ولا اللزوجة لازم تعلي علي أساس إن مع الإستهلاك خلوصات المتور بتزيد!!!

[borio1704]

الزيت 10w-30 موصي به في البلاد الحارة زي مصر ودة مكتوب في الكتالوج ... لكن بعد الموتور ما يقطع مسافة ويعدي مثلا ال 100000 كم هل بيحتاج نفس اللزوجة ولا اللزوجة لازم تعلي علي أساس إن مع الإستهلاك خلوصات المتور بتزيد!!!

من وجهة نظري موضوع الخلوصات ده افتراضي

أكيد الموتور حصل فيه تآكل خلال فترة خدمته... بس السؤال.. التآكل ده قد إيه؟؟

خدها قاعدة عامة كده:

لو كنت بتستخدم العربية مسافات قصيرة... بمعنى إن تشغيل العربية على البارد اتكرر كتير.. فده معناه إن التآكل أكتر

حتى لو كانت العربية ماشية كيلومترات قليلة.. فموتورها هيكون فيه تآكل أكتر من العربيات اللي بتشتغل مسافات أطول بس عدد مرات التشغيل على البارد أقل.

أسلوب سواقة العربية له دخل طبعا.. علشان كده صعب جدا نقول الموتور عايز زيت أتقل دلوقتي ولا لأ .. إلا إذا كان حضرتك عندك فكرة عن تاريخ العربية من ساعة لما كانت زيرو لحد دلوقتي.


عموما... حتى لو قلنا إن العربية محتاجة زيت أتقل.. فالمفترض ما نزودش أكتر من "10" في تدريج الـsae...

يعني لو الزيت المطلوب في الكتالوج 10w-30... نحط إحنا 10w-40 بالكتير


بس لو أخدنا في اعتبارنا إ، موتور اللانوس هو نفسه موتور الآفيو زي ما قلنا قبل كده... فموتور اللانوس مديك براح كبيييير بحيث إن تقريبا كل درجات لزوجة الزيت الموجودة في العالم ينفع تشتغل في العربية :)

[drmagieed]

أضف لذلك إختلاف نوع الموتور:
الأفيو الأمريكي 1.6 DOHC
أما الأفيو الكوري:
1.5 SOHC
وعلي سبيل المثال دليل الزيت بتاع ليكوي مولي الإختيار الثالث فيه 5w-40 وكمان فيه 10W-40:

وكمان بيزول نفس الحكاية

[mohamedibk]

إلى زميلنا العزيز والاخ الفاضل / المهندس احمد البرعى
بعد التحية ,,,,
احنا كنا تنقشنا فى اول المشاركة حول موضوع اللزوجة المناسبة لزيت السيارات الافيو وحضرتك قلت ان الكتالوج هو المرجع الاساسى والذى مكتوب فيه ان اللزوجة 5-w30 او 10-w30 افضل حاجة لتلك السيارة تمام ياهندسة ده مانيوال العربية وانا مشير فى اول المشاركات فى السابق الكلام ده للاسترجاع
تعالى فى الحتة دية التوكيل بتاع منصور بيه شيفروليه بيحط موبيل ون 5-w50 كتخليقى او اتش اكس بي المعدنى على اساس ان دول مناسبين للافيو وبينصح بيهم وهذا الكلام بينفذ هنا فى توكيل العامرية بمحافظة الاسكندرية ومن خلال الصيانات التى تمت للعربية كانوا بيحطوا اتش اكس بي على اساس زيت مسموح به وفقاً لركومندد الوارد لهم بمستند رسمى من شركة جى ام بينما اللزوجة الموجودة فى مانيوال السيارة 5-w30 تستخدام فى المواتير ذات التكنولوجى العالى فى حين حضرتك لو دخلت على موقع موبيل ون ايجبت للزيوت التخليقية حتلاقى ان هناك 3 درجات من الزيوت التخليقية كالاتى :-
لزوجة 0-w40 و تستخدم لمعظم سيارات الشيفرولية والافيو ذات الماتور 1.2 LS اما اللزوجة 5-w30 و 5-w50 فتستخدم لماركات سيارات اخرى
الخلاصة ان مهندسى الصيانة لتوكيل منصور متفقين ومصممين ان اللزوجة 5-w30 غيرمناسبة فى ماتور الافيو على اساس ان امكانيته هى نفس ماتور اللانوس . وبالتالى تلك اللزوجة حرام تتحط فى ماتور زى الافيو ومش بتعمل اي حاجة له
فياريت نفتح تانى دكان المناقشة علشان انا بستخدم زيت شل الترا 5-w40 وبقالى سنتين ومستريح معاه جداً ومفيش مشكلة منه ولا نقص ولا الكلام ده وانا لما كان التوكيل بيحط اتش اكس بي كان صوت الماتور وحش وعالى كأن فى صوت خشن .
فعندك 4 اراء فى الموضوع ده
1-المانيول بيستخدم لزوجة 5-w30
2-التوكيل بيستخدم لزوجة 5-w50
3-موبيل ايجبت بتستخدم لزوجة 0-w40
4- انا بستخدم شل لزوجة 5-w40
فشوف لنا حل للمشكلة دية ومتسبناش من غير الاجابة النموذجية

[borio1704]

إلى زميلنا العزيز والاخ الفاضل / المهندس احمد البرعى
بعد التحية ,,,,
احنا كنا تنقشنا فى اول المشاركة حول موضوع اللزوجة المناسبة لزيت السيارات الافيو وحضرتك قلت ان الكتالوج هو المرجع الاساسى والذى مكتوب فيه ان اللزوجة 5-w30 او 10-w30 افضل حاجة لتلك السيارة تمام ياهندسة ده مانيوال العربية وانا مشير فى اول المشاركات فى السابق الكلام ده للاسترجاع
تعالى فى الحتة دية التوكيل بتاع منصور بيه شيفروليه بيحط موبيل ون 5-w50 كتخليقى او اتش اكس بي المعدنى على اساس ان دول مناسبين للافيو وبينصح بيهم وهذا الكلام بينفذ هنا فى توكيل العامرية بمحافظة الاسكندرية ومن خلال الصيانات التى تمت للعربية كانوا بيحطوا اتش اكس بي على اساس زيت مسموح به وفقاً لركومندد الوارد لهم بمستند رسمى من شركة جى ام بينما اللزوجة الموجودة فى مانيوال السيارة 5-w30 تستخدام فى المواتير ذات التكنولوجى العالى فى حين حضرتك لو دخلت على موقع موبيل ون ايجبت للزيوت التخليقية حتلاقى ان هناك 3 درجات من الزيوت التخليقية كالاتى :-
لزوجة 0-w40 و تستخدم لمعظم سيارات الشيفرولية والافيو ذات الماتور 1.2 LS اما اللزوجة 5-w30 و 5-w50 فتستخدم لماركات سيارات اخرى
الخلاصة ان مهندسى الصيانة لتوكيل منصور متفقين ومصممين ان اللزوجة 5-w30 غيرمناسبة فى ماتور الافيو على اساس ان امكانيته هى نفس ماتور اللانوس . وبالتالى تلك اللزوجة حرام تتحط فى ماتور زى الافيو ومش بتعمل اي حاجة له
فياريت نفتح تانى دكان المناقشة علشان انا بستخدم زيت شل الترا 5-w40 وبقالى سنتين ومستريح معاه جداً ومفيش مشكلة منه ولا نقص ولا الكلام ده وانا لما كان التوكيل بيحط اتش اكس بي كان صوت الماتور وحش وعالى كأن فى صوت خشن .
فعندك 4 اراء فى الموضوع ده
1-المانيول بيستخدم لزوجة 5-w30
2-التوكيل بيستخدم لزوجة 5-w50
3-موبيل ايجبت بتستخدم لزوجة 0-w40
4- انا بستخدم شل لزوجة 5-w40
فشوف لنا حل للمشكلة دية ومتسبناش من غير الاجابة النموذجية

طيب... علشان نحل الموضوع ده يبقى لازم نقر إن موتور الأفيو هو موتور اللانوس... والتوكيل بيتعامل من المنطلق ده، وأكيد المستند اللي بيعتمدوا عليه مبني على الجزئية دي.

وأنا دورت تاني في النت عن الموتور ده.. وعرفت إن تصميمه قديم (1982)، وده معناه إنه مش محتاج مواصفات عالية للزيوت.

https://en.wikipedia.org/wiki/GM_Family_1_engine#E-TEC

يبقى في الحالة دي هنرجع لصفحة الزيوت من كتالوج اللانوس:




خلي بالك إن الكتالوج هنا مقسم لزوجة الزيوت (في الرسم البياني للزوجة) حسب نوعية الزيت

القسم A ده للزيوت مفردة اللزوجة... وده مش هنستخدمه

القسم B للزيوت متعددة اللزوجة المعدنية... وده ينطبق عليه زيت زي XHP اللي بيتحط في التوكيل، غير 6 درجات لزوجة تانية.

القسم C للزيوت التخليقية... وهتلاقي فيه درجات لزوجة كتير .. منها الـ5W-30 والـ10W-30 اللي في كتالوج الأفيو، وكمان فيهم لزوجة 10W-40 والـ5W-40 (اللي حضرتك بتستخدمه)، وآخر حاجة لزوجة 5W-50 (اللي التوكيل بيستخدمها)


علشان كده بقول إن كتالوج اللانوس مريح جدا ... ومعظم درجات اللزوجة في السوق تشتغل.. وده يمكن اللي عامل لخبطة لناس كتير .

وبالتالي مفيش حد غلط !!!


يفضلنا لزوجة 0W-40 اللي حضرتك شفتها على موقع موبيل 1 المصري، والموقع بيقول إن الزيت مطابق لمواصفات جنرال موتورز (وكاتب أرقام المواصفات)... وده شيء كويس جدا...

بس سؤال ...

هو فيه أي كتالوج من الكتالوجات بتاعت اللانوس أو الأفيو كاتب إن الزيت لازم يبقى مطابق للمواصفات دي؟

على حسب ما أنا شايف في الصفحات المرفقة..... لأ.

يبقى الزيت ده مش هبصله على أساس إنه مفضل عن غيره... بالعكس.. ده ما ينفعناش علشان اللزوجة مش هي المطلوبة.



نيجي بقى لرأي مهندسي التوكيل من ناحية إن "تلك اللزوجة حرام تتحط فى ماتور زى الافيو ومش بتعمل اي حاجة له"...

هما طبعا بيبصوا للموتور نظرة متجردة على أساس إنه موتور زي كل المواتير اللي زيه.. على عكسنا إحنا اللي بنبص للعربية على إنها شيء غالي يجب المحافظة عليه.

بس خلي بالك إن اللانوس والأفيو يعتبروا سيارات اقتصادية في المقام الأول... وبالتالي مش المفترض فيها إن متطلباتها تكون عالية.. علشان كده بيبقى فيه تساهل من ناحية نوعية الزيوت خصوصا إن موتورها يعتبر قديم من الناحية التصميمية والتكنولوجية.

عايز رأيي... هما عندهم حق.. لإن العربية مهما حافظت عليها.. بيبقى ليها عمر افتراضي اللي بعده بتلاقي نفسك بتصرف كتير على حاجة قديمة والمردود منها مش كبير زي ما كانت العربية جديدة أو لسه بحالتها.


ملخص الكلام...

تقدر حضرتك تحط أي زيت من الموجودين في كتالوج اللانوس ... ويفضل التخليقي طبعا.. سواء 5W-40 اللي حضرتك متعود عليه أو 5W-50 اللي التوكيل بيستخدمه...

بس الأهم.. تثبت على واحد فيهم.. وتثبت الماركة كمان.



...

[amrelzawawy]

سؤال لاستشارى الزيوت فى ليه نصحت انه يثبت على النوع رغم انه ممكن تكون المواصفات واحده يعنى مثلا 5w40 api sn acea a3b4 هل فى ضرر من مجرد تغيير براند

[borio1704]

سؤال لاستشارى الزيوت فى ليه نصحت انه يثبت على النوع رغم انه ممكن تكون المواصفات واحده يعنى مثلا 5w40 api sn acea a3b4 هل فى ضرر من مجرد تغيير براند

أيوه ممكن يكون فيه ضرر... وده بسبب اختلاف أنواع الإضافات اللي ممكن تكون مضافة لكل زيت.

احنا لما بنيجي نغير الزيت .. بنفك الطبة وننزله (أو بنعمل شفط).. بس بتفضل نسبة بسيطة موجودة في الموتور وعلى الأجزاء الداخلية..

وبعدين نحط الزيت الجديد.. فممكن الإضافات اللي في بواقي الزيت القديم تتفاعل مع الزيت الجديد وتقلل من خواص الإضافات الموجودة فيه.

المشكلة الأساسية إن نوعية الإضافات المستخدمة في كل شركة مش معروفة بالتحديد.. وما نقدرش نعرف إذا حطينا ماركة زيت وغيرنا بعد كده هيتفاعلوا مع بعض إزاي!!!

ده نفس المبدأ اللي بنرفض بيه خلط الزيوت.


وبالتالي .. يفضل إني أثبت على نوع واحد (أو شركة واحدة) علشان لو غيرت .. الإضافات ما تتفاعلش مع بعض بصورة "احتمال" تكون سلبية

المشاركة رقم 3 من الموضوع ده فيها تفاصيل أكتر عن موضوع الإضافات:

http://www.nilemotors.net/Nile/341680-a.html

...