ايهما افضل التعاون sm ولا موبيل xhp 1000

[samozaen91]

السلام عليكم ازيكم يا شباب
زى عنوان الموضوع بالظبط
انا معايا اكسنت 1.5 99 و الموتور خفيف شويه بس كويس
المهم من فتره جربت زيت موبيل ال 5000 بس رغم انه منقصش خالص الا انه حسيت ان صوت الموتور عالى
و جربت التعاون sm هو ناعم شويه بس مش حاسه زيت محترم بينقص بسرعه جدا
و النهارده هغير الزيت فا انتو ايه رايكوا ؟؟ اجيب ايه ؟؟
و طبعا جربت الشل الاصفر بس بخره عالى جدا و اكتر من واحد قالى طده
حاجه كمان اجيب منين .. هل من المحلات اللى بتبيع الزيت ولا المحطات ,, انا فى المعادى ,, و حاسس ان الزيت اللى فى المحطات بيبقى مغشوش اصلا ,,

[Dr_Smart]

طالما انك مش مرتاح لل٣ انواع اللي ذكرتهم ممكن تجرب توتال ٥٠٠٠ وتجيبه من بنزينة توتال

انا جربته قبل كده وهو زيت محترم

[borio1704]

لو بنتكلم على مواصفات .. يبقى التعاون هو أحسن واحد فيهم.. علشان مستوى الخدمة بتاعه api sm..

الباقيين ما أتوقعش حد فيهم يزيد عن sl


عموما.. لازم ترجع للكتالوج هندك وتشوف إيه اللزوجة الصح اللي المفروض تتحط في الموتور...


بس ما دام الموتور خفيف والزيت بينقص كده كده... يبقى تشوف أقل زيت بينقص معاك وتحطه.

ولو كانوا كلهم بينقصوا بمعدل واحد.. يبقى تشوف أرخص واحد وتحطه.


والأفضل من ده كله... صلح الموتور.. وبعدين حط الزيت المناسب زي ما الكتالوج بيقول.


...