افضل نوع زيت لعربيتي

[دكتور عمرو]

بفضل الله ربنا كرمنى واستلمت byd l3 مانيوال
وكنت عايز اعرف افضل نوع زيت فى مصر ينفع للموتور بتاعها
موتور كوبي هوندا سيتي 1500
رجاءا من الخبراء ايه هو افضل زيت احطه فى صيانة الألف وهل النوع هيتغير فى صيانة الـ 5 ولا هفضل عليه
ولو افضل نوع بوجيهات واللى يدي افضل اداء يبقى كتر خيركم كمان
باختصار دي اول عربية زيرو ليا وانا مش عارف اتصرف ازاى معاها عشان احافظ عليها
افيدونا افادكم الله

[borio1704]

هرد على حضرتك نفس الرد اللي في الموضوع ده:

http://www.nilemotors.net/Nile/466792-2015.html

بما إن العربية 2015 .. يبقى حضرتك أكيد معاك كتالوج العربية

حضرتك حاول تفتح كتالوج العربية .. وهناك هتلاقي كل اللي حضرتك عايز تعرفه عن العربية... مش الزيت بس.

بالنسبة للزيت... أحسن زيت هو اللي مواصفاته مكتوبة في الكتالوج...

أوعى تتقيد بماركة زيت... دور على المواصفات الأول وبعدين إبقى دور عالماركة..

بعد ما تفهم الكتالوج عايز إيه.. انزل أقرب بنزينة وشوف مواصفات الزيوت اللي فيها... واشتري الزيت اللي يمشي مع الكتالوج.

لما تلاقي الزيت المناسب والماركة اللي تستريحلها.. اثبت عليهم... وما تغيرهم إلا في الشديد القوي.. لإن التغيير المستمر له أضرار.


وعلشان ما أبقاش قصرت معاك.. يا ريت تصور لنا صفحة الزيت اللي في الكتالوج عندك.. وإن شاء الله نساعدك في اختيار الزيت المناسب.


بس أنصحك تبص على الموضوعين دول الأول..

http://www.nilemotors.net/Nile/434256-a.html

http://www.nilemotors.net/Nile/341680-a.html

...

[دكتور عمرو]

شكرا يا فندم على رد حضرتك
وانا بالفعل بصيت فى الكتالوج بس انا معرفش المواصفات المكتوبة تتوافق مع انواع ايه بالظبط
ده اللى مكتوب فى الكتالوج

sae 5w--30 اعلى من -30 درجة مئوية
sae 15w--40 اعلى من -15 درجة مئوية
زيت درجة api، مستوى sg او اعلى
الكمية 3 لترات

الفكرة بقه ايه افضل نوع زيت بالمواصفات دي بغض النظر عن السعر

وشكرا لحضرتك مرة تانية

[دكتور عمرو]

انا قريت الموضوع ده
القواعد الذهبية لاختيار زيت العربية.... موسوعة مبسطة لأساسيات زيوت المحركات

وتوصلت لحاجتين مهمين
انى لازم التزم بالموجود فى الكتالوج مهما كانت الظروف
وان الزيوت التخليقية افضل وتحافظ على الموتور وافض فى الاستهلاك عن المعدنية
السؤال بقه
ايه افضل زيت تخليقي مناسب لمتطلبات الكتالوج بتاع العربية
وهل احطه فى عربيتي من صيانة الالف وامشي بيه كتير على طول ولا فى صيانة الـ 5 هغير وفى الـ 10 اغير وبعدها امشي بيه كتير ؟