عايز أغير الزيوت خارج التوكيل ومحتاج مساعده

[D.Tarek]

السلام عليكم يا رواد المنتدى الكرام

ا

نا قررت أغير زيوت العربية خارج التوكيل فمحتاج حد يساعدني شويه بالمعلومات
عربيتي نيسان صني N16 (الشكل القديم) موديل 2013 اوتوماتيك ماشيه 37000 كم وهفير الزيوت على 40k
أولا : زيت الموتور :
زيت الموتور اللي كان بيحطه التوكيل كان ملخبط شوية يعني في صيانة ال 1000 كم ناشيونال موتورز حطلي بيزول وفي صيانة ال 10kو ال20k مودرن موتورز حط موبيل 1 , وفي صيانة ال 30k غير وحط توتال .
انا دلوقتي قررت أحط زيت مستورد محترم وغالبا استقريت على Amsoil 10w-30 signature.
هل الزيت ده مناسب وهل حد ينصحني بزيت تاني وليه مع العلم بان توصيات الكتالوج كما في الصورة.

ثانيا : زيت الفيتيس:
دي أول مره يتغير وانا محتار فيه جدا جدا
التوكيل غالبا بيستخدم زيت توتال أو موبيل ومواصفاتهم كما في الكتالوج ATF- Dextron3 فأنا مش عارف اختار الزيت المناسب بصراحة وخايف الخبط أو حد يبيعلي زيت وخلاص يبوظ الفيتيس . فياريت حد يساعدني في اختيار أنواع زيوت مناسبة ونوعيه محترمه.
وبعدين أعتقد زيوت توتال وموبيل للفيتيس ذات أصل معدني يعني لو حطيت زيت تخليقي تماما ممكن يعمل مشاكل؟؟؟؟؟؟؟؟؟؟ خصوصا اني مش هفضي زيت الفتيس بالكامل وهغير 4 ليتر فقط فهل اختلاط الزيت ده هيسبب مشكله ... ياريت اللي عنده معلومه أو سابق تجربه يفيدنا.
ثالثا : زيت الباور : مكتوب مواصفاته زي زيت الفيتيس فهل كده هو نفسه ممكن ينفع للباور.
رابعا : زيت الفرامل : مكتوب Dot3 فهل ينفع أستخدم Dot4 وهل هيكون أداءه أحسن

وأشكر كل من سيحاول الافاده

[D.Tarek]

كنت عايز بس أنوه ان انا تقريبا بغير زيت الموتور كل سنه أو 10 الاف كم ايهما أقرب وبغير معه الفلتر ومشاويري كلها قصيرة ومش زحمه جدا بس غالبا السرعة مش بتزيد عن 60 وتقريبا بعمل 1000 كم شهرياح

[borio1704]

أهلا بيك ..

الحقيقة أنا مبسوط جدا .. إن دي من المرات النادرة إني ألاقي واحد بيسأل صح وجايب صور من الكتالوج من أول مرة :) وكمان بيقول أسلوب استخدام العربية..


عموما.. أنا هجاوب على حضرتك بقدر المعلومات المتاحة ليا..


بالنسبة لزيت الموتور:

اختيار حضرتك موفق جدا.. لأن زيوت آمسويل تعتبر من أفضل الاختيارات الموجودة في السوق.. وأريح حاجة فيها إنها موفرة أغلب اللزوجات المعروفة في الزيوت المعدنية بس بزيوت تخليقية..

علشان كده هتلاقي عندهم بردو لزوجات 10W-40 و 20W-50 .. وكله تخليقي...

الميزة في مجموعة السجنتشر إنها هتعيش معاك في العربية لمدة سنة... إنما الزيوت التانية من آمسويل مش هتعيش أكتر 6 شهور (حسب المكتوب في البروشور)


فبناء على ظروف تشغيلك... تقدر تستخدم لزوجات 10W-40 و 20W-50 من مجموعة الـOE .. بس تنزله كل 6 شهور.

أو تستخدم السجنتشر 10W-30 وتنزله مرة في السنة.


بس لو بتستخدم العربية وهي محملة بوزن أكتر من 200 كيلو (ركاب + بضاعة) أو كنت من النوع اللي بيحرق على الموتور.. يبقى لازم تروح على اللزوجات الأعلى.

ومهم كمان الاستقرار على نوع زيت واحد بقدر الإمكان... علشان تقدر تستفيد من خواصه بالكامل.


بالنسبة لزيت الفتيس:

أي زيت عليه مواصفة Dexron III (أو Dexron 3) هيمشي معاك كويس..

وتقدر كمان تحط Dexron VI (أو Dexron 6) لو حبيت.. ودي متوافقة مع Dexron III بس أعلى في الأداء

عموما.. ديكسرون 3 ده بالذات أكتر زيت فتيس أوتوماتيك منتشر في العالم..


كفاية إنه أشهر زيت في السوق المصري: موبيل ATF 320

http://www.konetex.ee/failid/galerii_pildid/Mobil%20ATF%20320.pdf

أعتقد كمان تقدر تلاقي زيت مناسب عند كاسترول:

CASTROL ATF DEX III
Castrol ATF Dex III | Castrol Singapore | Automatic Transmission Fluid - Car Products | Castrol Arabia | Car - Motor Oil & Lubricants | Castrol Arabia | Products | Castrol Middle East | Castrol - Motor Oil & Lubricants | Castrol Middle East



بالنسبة لزيت الباور:

أيوه .. ينفع تحط زيت الفتيس في دايرة الباور.. مادام الكتالوج طالب نفس المواصفات



بالنسبة لزيت الفرامل:

تقدر تستخدم DOT 4 مكان DOT 3.. وليس العكس... وتقدر تستخدم كمان DOT 5.1

باختصار .. DOT 4 أفضل من DOT 3 علشان بيغلي عند درجة حرارة أعلى... ونفس الشيء ينطبق على DOT 5.1 قصاد DOT 4

الميزة في كده إن الزيت مش هيغلي لإنه بيسخن جدا نتيجة احتكاك التيل بالطنابير.. خصوصا مع الفرملة القوية على السرعات العالية.. وبالتالي مش حيكون فيه احتمال لظهور فقاعات هوا جوه الدايرة (وجود الهوا بيضعف الفرامل جدا).

المشكلة إنك يفضل ما تخلطش زيتين مع بعض (خصوصا لو كنت بتزود زيت).. يعني الأفضل تفضي الدايرة بالكامل من الزيت القديم.


خلي بالك.... ممكن تلاقي في السوق زيت اسمه DOT 5.. ده ما ينفعش معاك خالص.



أرجو إني أكون ساعدتك


...

[D.Tarek]

أأشكرك على ردك الوافي وبصراحة أنا كنت منتظر حضرتك ترد بالذات من قرائتي لمواضيعك السابقة واللي استفدت منها جدا . وهي اللي خلتني عرفت أسأل صح فغالبا انت السبب في كده جزاك الله خيرا
بس نقطه صغيره باقيه في موضوع زيت الفتيس اني ممكن استخدم زيت تخليقي زي أمسويل والفتيس أصلا فيه موبيل وطبعا مش كل زيت الفتيس هينزل هما 4 لتر فقط فهل اختلاط الزيوت ده هيعمل مشكله ولا أستخدم زيت موبيل أو كاسترول أحسن؟
شكرا لك مره أخرى

[D.Tarek]

أأشكرك على ردك الوافي وبصراحة أنا كنت منتظر حضرتك ترد بالذات من قرائتي لمواضيعك السابقة واللي استفدت منها جدا . وهي اللي خلتني عرفت أسأل صح فغالبا انت السبب في كده جزاك الله خيرا
بس نقطه صغيره باقيه في موضوع زيت الفتيس اني ممكن استخدم زيت تخليقي زي أمسويل والفتيس أصلا فيه موبيل وطبعا مش كل زيت الفتيس هينزل هما 4 لتر فقط فهل اختلاط الزيوت ده هيعمل مشكله ولا أستخدم زيت موبيل أو كاسترول أحسن؟
شكرا لك مره أخرى

[ahmed_eng2001]

عذرا على المقاطعة ....

حضرتك ذكرت حاجة انا مش فاهمها ..... انك حتغير جزء من زيت الفتيس ؟؟ و حتغير 4 لتر فقط ؟؟

على حد علمى .... زيت الفتيس تقريبا بيكون 3 لتر و نصف فى كتير من العربيات ... و لازم يتغير كله ... يعنى يصفى الزيت القديم .. و يحط زيت جديد ...
و ياسلام لو غيرت الفلتر كمان .. حيكون افضل

معلومة صغيرة خالص .... لتر ال atf 320 سعره من 60 الى 65 جنيه
atf 220 ... و ده اقل فى المواصفات .. و ده سعره من 35 الى 40 جنيه / لتر


متابع و فى انتظار رد المهندس احمد البرعى

[D.Tarek]

عذرا على المقاطعة ....

حضرتك ذكرت حاجة انا مش فاهمها ..... انك حتغير جزء من زيت الفتيس ؟؟ و حتغير 4 لتر فقط ؟؟

على حد علمى .... زيت الفتيس تقريبا بيكون 3 لتر و نصف فى كتير من العربيات ... و لازم يتغير كله ... يعنى يصفى الزيت القديم .. و يحط زيت جديد ...
و ياسلام لو غيرت الفلتر كمان .. حيكون افضل

معلومة صغيرة خالص .... لتر ال atf 320 سعره من 60 الى 65 جنيه
atf 220 ... و ده اقل فى المواصفات .. و ده سعره من 35 الى 40 جنيه / لتر


متابع و فى انتظار رد المهندس احمد البرعى

نورت الموضوع
ردي على سؤالك ان الفتيس بيكون فيه من 7 الى 10 لتر من الزيت والكميه دي مش بتنزل من الفتيس الا اذا اتفك بالكامل واتنظف علشان كده بعد عمرة الفتيس بيتحطتقريبا ضعف كمية الغيار العادي وأحيانا أكتر .
في غيار الزيت العادي اللي بينزل من طابة التغيير بيكون من 3.5 الى 4 لت زي ما حضرتك ذكرت وده اللي احنا بنغيره عادي أما باقى الزيت بيكون متوزع على أجزاء الفتيس الداخليه .
أشكرك على المداخله

[ahmed_eng2001]

الموضوع منور بيك

عذرا ... انا معنديش معلومات كتير عن الفتيس الاوتوماتيك ... و كنت بتكلم عن الفتيس المانيوال


فيه زيت شل و يطابق مواصفات دكسرون 3
و حاولت ارفع صورة للفرق بين الموبيل 220 و 320

ال 220 دكسرون 2 ... و 320 دكسرون 3

[D.Tarek]

الموضوع منور بيك

عذرا ... انا معنديش معلومات كتير عن الفتيس الاوتوماتيك ... و كنت بتكلم عن الفتيس المانيوال


فيه زيت شل و يطابق مواصفات دكسرون 3
و حاولت ارفع صورة للفرق بين الموبيل 220 و 320

ال 220 دكسرون 2 ... و 320 دكسرون 3

أ

أشكرك على الصور
أنا صراحة لسه محتار في زيت الفيتيس ومقررتش بس ميال لكاسترول transmax أو أمسويل أو بيزول
ربنا يهدينا للأصلح

[ahmed_eng2001]

ربنا يوفقك للى فيه الخير

[tasaka]

أهلا بيك ..

الحقيقة أنا مبسوط جدا .. إن دي من المرات النادرة إني ألاقي واحد بيسأل صح وجايب صور من الكتالوج من أول مرة :) وكمان بيقول أسلوب استخدام العربية..

عموما.. أنا هجاوب على حضرتك بقدر المعلومات المتاحة ليا..

بالنسبة لزيت الفتيس:

أي زيت عليه مواصفة Dexron III (أو Dexron 3) هيمشي معاك كويس..

وتقدر كمان تحط Dexron VI (أو Dexron 6) لو حبيت.. ودي متوافقة مع Dexron III بس أعلى في الأداء

عموما.. ديكسرون 3 ده بالذات أكتر زيت فتيس أوتوماتيك منتشر في العالم..

كفاية إنه أشهر زيت في السوق المصري: موبيل ATF 320

http://www.konetex.ee/failid/galerii...0ATF%20320.pdf

أعتقد كمان تقدر تلاقي زيت مناسب عند كاسترول:

CASTROL ATF DEX III
Castrol ATF Dex III | Castrol Singapore | Automatic Transmission Fluid - Car Products | Castrol Arabia | Car - Motor Oil & Lubricants | Castrol Arabia | Products | Castrol Middle East | Castrol - Motor Oil & Lubricants | Castrol Middle East


بالنسبة لزيت الباور:

أيوه .. ينفع تحط زيت الفتيس في دايرة الباور.. مادام الكتالوج طالب نفس المواصفات

بالنسبة لزيت الفرامل:

تقدر تستخدم DOT 4 مكان DOT 3.. وليس العكس... وتقدر تستخدم كمان DOT 5.1

باختصار .. DOT 4 أفضل من DOT 3 علشان بيغلي عند درجة حرارة أعلى... ونفس الشيء ينطبق على DOT 5.1 قصاد DOT 4

الميزة في كده إن الزيت مش هيغلي لإنه بيسخن جدا نتيجة احتكاك التيل بالطنابير.. خصوصا مع الفرملة القوية على السرعات العالية.. وبالتالي مش حيكون فيه احتمال لظهور فقاعات هوا جوه الدايرة (وجود الهوا بيضعف الفرامل جدا).

المشكلة إنك يفضل ما تخلطش زيتين مع بعض (خصوصا لو كنت بتزود زيت).. يعني الأفضل تفضي الدايرة بالكامل من الزيت القديم.


خلي بالك.... ممكن تلاقي في السوق زيت اسمه DOT 5.. ده ما ينفعش معاك خالص.

أرجو إني أكون ساعدتك

...

شكرا لاستشارى المنتدى على هذا الرد الوافى

حقيقى انا محتار من زمان فى موضوعين .. لانى عايز انفذهم و لكن خايف

1 - زيت الفتيس
- سبرانزا 620 .. الفتيس عندى 4 سرعات + ستيب ترونيك .. المواصفه المسموحه هى ديكسرون 3
- انا قرأت كتير جدا فى استبدال الديكسرون 3 ب الديكسرون 6 .. و لم اجد اى رد مباشر يسمح لى بعمل ذلك
- بالعكس .. انطباعى العام من القراءات هو انه غير مناسب لسيارتى الاسيويه .. و التوافق العكسى قد يكون للفتيس للسيارات GM الامريكيه
- ارجو توضيح الامر .. و وضع بعض الروابط لاتمكن من قراءتها


2- زيت الفرامل
- المواصفه عندى DOT 4
- سؤالى هو .. DOT 5.1 يختلف فى اللزوجه عن DOT 4 و DOT 3 .. هل اختلاف اللزوجه له تأثير للاحسن ام للاسوء على دوره الفرامل و كاوتشات البساتم و الاويل سيلات
رابط

https://en.wikipedia.org/wiki/DOT_5.1

- حسب ما فهمت بعد بعض القراءه السريعه .. ان DOT 5.1 هو للسيارات الرياضيه و يختاج تغيير على فترات اقل !! ؟ ..
- و ايضا ان هناك بعد زيوت DOT 4 لها درجه غليان اعلى من DOT 5.1 .. فهل فى هذه الحاله سيكون DOT 4 افضل لانه بنفس درجه لزوجه المواصفه ؟؟
- مالذى يحدد مواصفه الزيت ؟؟ هل درجه الغليان ام اللزوجه ام كلاهما معا

و شكرا

[tasaka]

أأشكرك على ردك الوافي وبصراحة أنا كنت منتظر حضرتك ترد بالذات من قرائتي لمواضيعك السابقة واللي استفدت منها جدا . وهي اللي خلتني عرفت أسأل صح فغالبا انت السبب في كده جزاك الله خيرا
بس نقطه صغيره باقيه في موضوع زيت الفتيس اني ممكن استخدم زيت تخليقي زي أمسويل والفتيس أصلا فيه موبيل وطبعا مش كل زيت الفتيس هينزل هما 4 لتر فقط فهل اختلاط الزيوت ده هيعمل مشكله ولا أستخدم زيت موبيل أو كاسترول أحسن؟
شكرا لك مره أخرى

فى اعتقادى .. ما ينفعشى خلط زيت معدنى على تصنيعى

لازم الفتيس يفضى خالص علشان تحط تصنيعى

و انا شخصيا عايز اغير تصنيعى .. ما اعرفشى انزل الزيت كله ازاى ؟؟ لان دايما حيكون فيه جزء متيقى فى الفتيس .. فى ماكينات متخصصه لتغيير الزيت بالكامل بس هل هى موجوده فى التوكيلات ام لا .. اعتقد فيه بس هل تخرج الزيت بالكامل ام لا ؟؟ .. لا اعلم

ده اعتقادى الشخصى .. و انتظر ردود اخرى

[tasaka]

فى اعتقادى .. ما ينفعشى خلط زيت معدنى على تصنيعى

كلام سليم لزيت المحرك .. لان النتيجه قد تكون تقليل الكفاءه .. او تفاعلات غير مطلوبه

لازم الفتيس يفضى خالص علشان تحط تصنيعى
ده اعتقادى الشخصى .. و انتظر ردود اخرى

رابط
Can You Mix Synthetic & Mineral Based Transmission Oil? | eHow

بعد بحث سريع .. ممكن خلط زيوت الفتيس التصنيعيه و المعدنيه .. و لكن بشروط

1- ان يكون الزيت التصنيعى بنفس مواصفه الكتالوج لسيارتك

2- ان تعلن الشركه المصنعه للزيت ان زبوتها التصنيعيه متوافقه مع زيوتها المعدنيه للفتيس
( فى الرابط شركه موبيل و فالفولين اكدوا التوافق ) .. اذهب لموقع موبيل و تأكد من التوافق المذكور فى الرابط

3- لا اعلم مدى امكانيه اضافه زيت تصنيعى من شركه اخرى حتى لو كانت له نفس مواصفه الكتالوج ؟؟

Mixing

Mixing mineral-based and synthetic transmission fluid is acceptable, according to Mobil and Valvoline, both of which manufacturer synthetic and mineral-based fluid for a variety of vehicles. Manufacturers even sell prepackaged blends of synthetic and mineral-based transmission fluid

الحلول الممكنه
1- اضافه زيت تصنيعى Multi vehicle بشرط نفس مواصفه الكتالوج .. و ده بيكون ليه توافق عام مع عدد كبير من السيارات .. و لكن انا لا احبذ هذا لانه لكى يتوافق مع عدد كبير من المتطلبات .. فمعنى كده انه قد لا يكون متوافق 100% مع سيارتك و لكنه سيكون متوافق بنسبه كبيره مع الكل
2- اضافه زيت تصنيعى بمواصفه محدده .. بالشروط المذكوره باعلى



شخصيا لا احب خلط الزيوت .. و كمان بكده ساكون مضطر الى الاتى :

1- اما استعمال نفس ماركه الزيت اللى فى عربيتى ( اعتقد انه موبيل ) للتزويد بتصنيعى .. ( لا اعلم مدى امكانيه اضافه زيت تصنيعى من شركه اخرى حتى لو كانت له نفس مواصفه الكتالوج ؟؟ )

2- او استبدال الزيت بالكامل بماركه اخرى غير موبيل .. هنا التكلفه حتكون عاليه جدا .. تكلفه تفريغ الفتيس بالكامل + كميه كبيره جدا من الزيت التصنيعى لن تقل عن الضعف او اكثر .. لان الفتيس حيكون فاضى

3- او استعمال زيت تصنيعى Multi vehicle .. و ده لا اعتقد انه مناسب

عموما ده بحث سريع .. انتظر ردود اخرى من باقى الاعضاء

[D.Tarek]

كلام سليم لزيت المحرك .. لان النتيجه قد تكون تقليل الكفاءه .. او تفاعلات غير مطلوبه
رابط
can you mix synthetic & mineral based transmission oil? | ehow

بعد بحث سريع .. ممكن خلط زيوت الفتيس التصنيعيه و المعدنيه .. و لكن بشروط

1- ان يكون الزيت التصنيعى بنفس مواصفه الكتالوج لسيارتك

2- ان تعلن الشركه المصنعه للزيت ان زبوتها التصنيعيه متوافقه مع زيوتها المعدنيه للفتيس
( فى الرابط شركه موبيل و فالفولين اكدوا التوافق ) .. اذهب لموقع موبيل و تأكد من التوافق المذكور فى الرابط

3- لا اعلم مدى امكانيه اضافه زيت تصنيعى من شركه اخرى حتى لو كانت له نفس مواصفه الكتالوج ؟؟

mixing

mixing mineral-based and synthetic transmission fluid is acceptable, according to mobil and valvoline, both of which manufacturer synthetic and mineral-based fluid for a variety of vehicles. Manufacturers even sell prepackaged blends of synthetic and mineral-based transmission fluid

الحلول الممكنه
1- اضافه زيت تصنيعى multi vehicle بشرط نفس مواصفه الكتالوج .. و ده بيكون ليه توافق عام مع عدد كبير من السيارات .. و لكن انا لا احبذ هذا لانه لكى يتوافق مع عدد كبير من المتطلبات .. فمعنى كده انه قد لا يكون متوافق 100% مع سيارتك و لكنه سيكون متوافق بنسبه كبيره مع الكل
2- اضافه زيت تصنيعى بمواصفه محدده .. بالشروط المذكوره باعلى



شخصيا لا احب خلط الزيوت .. و كمان بكده ساكون مضطر الى الاتى :

1- اما استعمال نفس ماركه الزيت اللى فى عربيتى ( اعتقد انه موبيل ) للتزويد بتصنيعى .. ( لا اعلم مدى امكانيه اضافه زيت تصنيعى من شركه اخرى حتى لو كانت له نفس مواصفه الكتالوج ؟؟ )

2- او استبدال الزيت بالكامل بماركه اخرى غير موبيل .. هنا التكلفه حتكون عاليه جدا .. تكلفه تفريغ الفتيس بالكامل + كميه كبيره جدا من الزيت التصنيعى لن تقل عن الضعف او اكثر .. لان الفتيس حيكون فاضى

3- او استعمال زيت تصنيعى multi vehicle .. و ده لا اعتقد انه مناسب

عموما ده بحث سريع .. انتظر ردود اخرى من باقى الاعضاء

أشكرك على الاضافة القيمة .. انت كده فتحت مجال للبحث وهكمله وهاكتب آخر ما توصلت اليه من قراءة

[Dr_Smart]

بالنسبه لزيت الفرامل الافضل انك تمشي على توصية الكتالوج لأن لو dot 4 مناسب كانو كتبو كده من الاول لان عربيتك مش قديمة ووقت تصنيعها كان dot4 و dot5.1 كانو موجودين بالفعل ولو كانو الانسب كان الصانع وصى باستخدامهم .. ربما يكون الهدف هو التوافق مع مكونات الفرامل من مساتر وخلافه ..

وأرشحلك amsoil dot3 .. انا ماجربتوش بس مواصفاته ممتازه احسن من dot4 في ماركات تانيه