الفرق بين المية الخضراء ولا الحمراء للراداتير

[سعد حسن الديب]

ايه الاافضل للراداتير المية الخضرا ولا الحمرا
وفيه نوع مصرى والتانى سعودى انهو الاحسن فيهم ويا ريت نوع كويس لعربيه لادا 2107 وموتورها خفيف شوية
وكل عام وانتم بخير

[Mohamed Desoky]

ايه الاافضل للراداتير المية الخضرا ولا الحمرا
وفيه نوع مصرى والتانى سعودى انهو الاحسن فيهم ويا ريت نوع كويس لعربيه لادا 2107 وموتورها خفيف شوية
وكل عام وانتم بخير

السلام عليكم ورحمة الله وبركاته ازيك ياسعد انتى كنت شارى العربيه فيها مياه ملونه للريداتير وله كانت ميه الحنفيه رد علشان اعرف اقولك ؟

[سعد حسن الديب]

وعليكم السلام ورحمة الله
كانت مية حنفية يا محمد

[Mohamed Desoky]

وعليكم السلام ورحمة الله
كانت مية حنفية يا محمد

يبقى بلاش تحط ميه ملونه خالص خليك فى الحنفيه علشان هتفتح على نفسك مشاكل جديده لان الميه الملونه فى تركيبه مزيله للصداء ولما هتحطها فى الادا هتشيل كل الصداء المتراكم على مدار عمر الموتور وكل ده هيسد الريداتير وهيبوظ طلمبة الميه قصه طويله بلاش منها خليك زى مانتى احسن انتى عارف لو صح هقولك ؟

[سعد حسن الديب]

شكرا لك اخى محمد ادام الله فضلك
ورمضان كريم عليك وعلى الاسرة الكريمة

[Mohamed Desoky]

شكرا لك اخى محمد ادام الله فضلك
ورمضان كريم عليك وعلى الاسرة الكريمة

العفو يا سعد انا متابعك فى اى شئ ؟

[tameem2010]

لا عادي اعمل غسيل لدورة التبريد كاملة وبعد كده حط مياه ملونه
اللاد مش هيفرق معاها مياه حمرا او خضراء
المهم تجيب نوع معتمد وبلاش المضروب
عندك مياه موبيل او توتال
ارشح لك الموبيل الخضرا اعتقد هي الافضل للادا

[رامي مصطفى]

لا عادي اعمل غسيل لدورة التبريد كاملة وبعد كده حط مياه ملونه
اللاد مش هيفرق معاها مياه حمرا او خضراء
المهم تجيب نوع معتمد وبلاش المضروب
عندك مياه موبيل او توتال
ارشح لك الموبيل الخضرا اعتقد هي الافضل للادا

طيب اللانوس احطيلها ايه التزكيل بيحط مايه خضراء ac delco
هيا احسن ولا موبيل ولا مايه حمراء والاسعار لو تكرمتو

[tameem2010]

التوكيل بيحط ac delco لان منصور هو المستورد والموزع الرئيسي لمنتجات ac delco
يعني زيتنا في دقيقنا واهوه تسويق لمنتجاته

عموما اي سي ديلكو كويسة جدا ومفيهاش اي مشكلة خالص وزي الفل

رايي الشخصي انضف مياه خضراء في السوق هي الموبيل
وانضف منتجات في السوق هي موبيل ده بالنسبه للمحلي مش بنتكلم عن المستورد

انضف مياه حمراء طبعا هي g13 المعتمد لفلوكس فاجن بس معانا هتبقى فلوس بتترمي على الارض ومش هتاثر في حاجة نهائي ولا هتضيف لك اي شيئ وهي غاليه جدا والموزعين بتوعها قليلين جدا ومش مضمون انها تبقى الاصلي مش مضروبة

لو انت بتروح التوكيل صيانات دورية ومتابع مع التوكيل يبقى كمل معاهم بمياه اي سي ديلكو ... كويسه جدا ومفيهاش مشاكل

وخلي دايما لتر معاك في العربية لاي ظرف

لو مش بتابع في التوكيل هات موبيل الحمرا بس لازم الاول تغسل دورة التبريد كاملة عشان تشيل اثر المياه القديمة وتحط موبيل الحمرا هتلاقيها في كل بنزينات on the run ومتجيبهاش من برا عشان تضمن انها مش مضروبة

الجركن ال4 لتر بيعمل تقريبا 80 جنيه

العربية بتاخد 6 لتر
هتجيب جركن 4 لتر وجركنيين صغيرين كل واحد لتر

وخلى مياه معاك دايما احتياطي في العربية لاي ظرف

المياه الحمرا او الخضرا كخصائص تبريد هي هي مفيهومش فرق طالما نفس درجة التركيز واحنا عندنا في مصر كله تركيزه 33%

الفرق ان المياه الحمرا متوافقة مع المعايير البيئية الحديثة واقل سميه من الخضرا لان المياه الخضراء شديدة السميه
المياه الحمرا بتكنولوجيا المواد العضوية وديه بتدي عمر طوووووويل قوي للمياه .. عمرها ضعف المياه الخضرا

مفيهاش لا سليكات ولا نترات ولا فوسفات وديه مواد مانعة للصدا بتضاف للمياه الخضراء بس على المدى الطويل جدا يعني بعد مثلا 5-7 سنين بتعمل ترسيبات املاح على كوعة المياه والراديتر ... المياه الحمرا فيها مركبات عضوية مانعة للصدا بس مفيهاش املاح ولا عناصر ترسب فعشان كده افضل نسبيا

كلاهما فيه نسبه ضئيلة جدا من مواد التزييت بهدف تزييت اكس وبليه طلمبه المياه عشان يحافظ على الطلمبه وعشان كده لو شفت الملمس بايدك هتحس كانها فيها زيت او فازلين بس ديه نسبئة ضيئلة جداااا

المياه الحمرا فيها ميزة وهي خاصية منع الرغوة مبتعملش رغوة
المياه الخضراء بتعمل رغوة بتبان في زور الرادتير لو شغلت العربية وفتحت غطا الراديتير هتلاقيها بتعمل رغوة وده مش مفضل في درجات الحرارة العاليه جدا لانه ممكن يعمل عزل بين المياه مواسير الراديتير وبالتالي تبريد المياه يبقى اقل من المطلوب .. عموما هي الرغوة ضعيفه جدا ومش محسوسة بس تم تلافي ده في المياه الحمرا
طبعا اللانوس مفيهاش غطا راديتير فمش هتحس بالموضوع بس هو موجود

المياه الخضرا لازم تتغير كل سنتين
المياه الحمرا عمرها 4-5 سنين

بس خلاص

[رامي مصطفى]

بس خلاص!!!!!!!
حضرتك ماسيبتش حاجه ماقولتهاش
ربنا يباركلك معلومات غزيره فوق الممتازه.
مش عارف اقولك ايه..الف شكر.هه بس خلاص
يعني الموبيل الخضرا ٤لتر بنغس ثمن الموبيل الحمرا ٤لتر ب ٨٠جنيه
بإذن الله هاحط موبيل الحمرا
وبعد اذنك التيريوس ٢٠٠٠ اوتوماتيك الشكل القديم بردوا موبيل الحمرا ولا ابها حاجه مخصوصه
شكرا.تعبت حضرتك

[ahmed_eng2001]

الله ينور عليك ....

كلام رائع ... مشكور على الافادة .... و بالمناسبة .... جركن مياه توتال بنفس سعر جركن مياه موبيل

[borio1704]

بالنسبة للانوس لو مياه إيه سي ديلكو موجودة ومتوفرة بسهولة فأنا شخصيا أفضلها ﻹن إيه سي ديلكو هي المورد الأساسي لكل قطع غيار جنرال موتورز حول العالم.. ومنتجاتها كلها متوافقة 100% مع سيارات جنرال موتورز بما فيها دايوو سابقا.


...

[tameem2010]

زيها زي اللانوس عادي جدا
الياباني والكوري ابن ناس وبيرضى بقليله
مش زي الالماني

[tameem2010]

الله ينور عليك ....

كلام رائع ... مشكور على الافادة .... و بالمناسبة .... جركن مياه توتال بنفس سعر جركن مياه موبيل

جركن موبيل 4 لتر ب80
جركن توتال 4 لتر ب75

اما بالنسبه الجركن اللتر فالاتنين بنفس السعر 22 جنيه