اجرب كاسترول ماجنتك؟؟؟؟؟؟؟؟

[ابن الحتة]

السلام عليكم
اخوانى انا العربية عملتلها طقم شنبر من كام شهر
العربية بونتو 94
دى اول غيار زيت بعد غيار التنظيف بعد الشنبر
المهم حطيت زيت شل الاصفر والمهم
وانا بغير الزيت طبعا غيرت الفلتر وحطيت الزيت والوقتى الزيت جاب 5000 كيلو ولسة فى الجركن يجى اقل من ربع كيلو والزيت كويس فى الماتور منقصشى
السؤال هنا افضل على شل الاصفر ولا اروج لكاسترول ماجنتك النصف التخليقى ؟؟؟؟؟؟؟

[akmm]

ايه السبب انك عاوز تغير شل بالرغم من انه لغايه دلوقتى كويس معاك ..... عموما كاسترول ماجناتيك ممتاز من ذات اللزوجه ولكن اظن انه اغلى .

[المجرى]

متابع

[borio1704]

أفضل زيت للموتور هو المطابق للكتالوج أو أحسن منه...

أنا عملت بحث سريع على النت علشان ألاقي كتالوج البونتو 94... للأسف مالقيتش الكتالوج الأصلي.. بس لقيت ده..

http://storage.fiat-bg.org/Books/Punto/Punto_HAYNES_Service_and_Repair_Manual_PDF/Punto_Mk1_HY_P001-025.pdf

مكتوب في صفحة 17 إن الزيت الصح مواصفاته كالتالي:

اللزوجة: 15W-40
مستوى الأداء (الجودة): API SG أو أعلى....
يعني يمشي معاك أي زيت مكتوب عليه SG أو SH أو SJ أو SL أو SM أو SN

الزيوت اللي مكتوب عليها SF أو SE ما تمشيش معاك... وما تقربهاش من موتورك.


عموما.. دي مواصفات زيوت كل عربيات الفيات من الستينات لحد آخر التسعينات.. وخصوصا اللي فيها مواتير قديمة نسبيا.

وللأسف.. الكتالوج مش كاتب أي لزوجة تانية غير دي... يبقى احنا كده مضطرين نلتزم باللزوجة دي بس وما ينفعش نحط حاجة تانية غيرها :(



هاقترح عليك بعض الزيوت (اللي قدرت أوصلهم) واللي ممكن تمشي معاك حسب توصيات الكتالوج ... من الأعلى إلى الأقل في المواصفات..

زيت توتال كوارتز 5000 بلزوجة 15W-40 (مش متأكد من وجوده في مصر)..

الزيت ده مواصفته أعلى من الكتالوج (API SL)


زيت مصر للبترول Misr1 SL بلزوجة 15W-40


الصورة لعبوة الـ20W-50
الزيت ده مواصفته أعلى من الكتالوج (API SL)


زيت مصر سوبر 10000 بلزوجة 15W-40


الصورة لعبوة الـ20W-50
الزيت ده مواصفته أعلى من الكتالوج (API SJ)



زيوت لاستخدامات مواتير الديزل (والبنزين بردو)
مع إنها زيوت لمواتير الديزل بس تنفع مع مواتير البنزين كويس جدا..

زيت توتال RUBIA TIR 7400 بلزوجة 15W-40

http://204.92.52.209/Egypte/pdf/rubia_tir_7400_15w40.pdf

مستوى جودته أعلى من طلب الكتالوج API CI-4/CH-4/SL


زيت موبيل دلفاك MX بلزوجة 15W-40
Mobil Delvac MX™ 15W-40


مستوى جودته أعلى من طلب الكتالوج API CI-4/CH-4/SL/SJ .. بس اتأكد من وجود "MX" على علبة الزيت.. وإن مواصفاته مكتوب فيها SL أو SJ... ولو ما لقيتهمش ما تشتريهوش.



وممكن تلاقي في ماركات تانية بس مش مشهورة أو منتشرة.. زي "زادو" مثلا..

المهم إن أي زيت من أي ماركة عليه نفس مواصفات الكتالوج أو أعلى زي ما شرحتلك هيمشي معاك زي الفل.


...