استفسار عن زيت مناسب

[HandsomePirate]

السلام عليكم يا شباب
انا عندي عربية اتراج
الصيانة بتاعت ال1000 كليو التوكيل استخدم زيت توتال
انا مبفهمش الحقيقة في الكلام دا ومحتاج مساعدة من اهل الخبرة
العربية بتمشي قليل جدا يعني بقالها معايا سنة ونص وماشية 9800 كيلو بس
ودلوقتي عايز اروح اعمل صيانة 10 الاف بس عايز احط زيت يكون 5 الاف مش 10 على اساس انه ميفضلش في العربية مدة طويلة يمكن سنة او اكتر !!
ايه رايكم في الفكرة عموما؟
وايه اكتر زيت مناسب؟ وسعره في السوق كام؟
شكرا جزيلا

[tasaka]

العربية بتمشي قليل جدا يعني بقالها معايا سنة ونص وماشية 9800 كيلو بس
ودلوقتي عايز اروح اعمل صيانة 10 الاف بس عايز احط زيت يكون 5 الاف مش 10 على اساس انه ميفضلش في العربية مدة طويلة يمكن سنة او اكتر !!
ايه رايكم في الفكرة عموما؟

انتظر رد من استشارى الزيوت فى المنتدى المهندس بوريو .. ضرورى علشان الجمله بالاحمر دى

مبدئيا تفكيرك ان الزيت بيقعد اكتر من سنه .. ده غلط

[tasaka]

ضع سؤالك فى الموضوع ده

القواعد الذهبية لاختيار زيت العربية.... موسوعة مبسطة لأساسيات زيوت المحركات

و الافضل لك انك تقرأ هذا الموضوع .. بالكامل

[HandsomePirate]

انتظر رد من استشارى الزيوت فى المنتدى المهندس بوريو .. ضرورى علشان الجمله بالاحمر دى

مبدئيا تفكيرك ان الزيت بيقعد اكتر من سنه .. ده غلط

شكرا
بس انا قصدي انا عشان مش بمشي بالعربية لو حطيت زيت 10 الاف همشي مثلا 8 الاف في سنة فعلا ويمكن اكتر
لو كدا يبقا تفكيري غلط ليه !

[borio1704]

شكرا
بس انا قصدي انا عشان مش بمشي بالعربية لو حطيت زيت 10 الاف همشي مثلا 8 الاف في سنة فعلا ويمكن اكتر
لو كدا يبقا تفكيري غلط ليه !

علشان الزيوت اللي بيسموها 5000 دي زيوت معدنية عمرها لا يتجاوز 6 شهور تشغيل.

وكمان مش كل الزيوت التخليقية (اللي بيسموها 10000) بتقعد مدة سنة... فيه منها زيوت كتير بتقعد 6 شهور بس.

ده غير إن فكرة وضع زيت للموتور من دماغك بدون الرجوع لدليل المالك بتاع العربية هي في حد ذاتها أكبر غلط حضرتك بتعمله في حق عربيتك..

لو عايز تحافظ على عربيتك وعلى فلوسك اللي حطيتها فيها... يبقى تشوف الكتالوج بيقوللك إيه وتعمله.. ﻹن مفيش حد يعرف اللي العربية عايزاه أكتر من اللي صنعها...

ولا بالتجربة... ولا بالآراء... ولا بالفتي... ولا بشغل الفهلوة بتاع المصريين ده.

ادخل على الموضوع اللي زميلنا العزيز tasaka جابلك اللينك بتاعه... فيه خلاصة المعلومات الصحيحة لزيوت المحركات.


ولو لسه الموضوع صعب... صور لنا صفحة مواصفات الزيت من كتالوج العربية... وإن شاء الله نساعدك في الاختيار الصح اللي يناسب العربية ويناسبك.


...

[HandsomePirate]

علشان الزيوت اللي بيسموها 5000 دي زيوت معدنية عمرها لا يتجاوز 6 شهور تشغيل.

وكمان مش كل الزيوت التخليقية (اللي بيسموها 10000) بتقعد مدة سنة... فيه منها زيوت كتير بتقعد 6 شهور بس.

ده غير إن فكرة وضع زيت للموتور من دماغك بدون الرجوع لدليل المالك بتاع العربية هي في حد ذاتها أكبر غلط حضرتك بتعمله في حق عربيتك..

لو عايز تحافظ على عربيتك وعلى فلوسك اللي حطيتها فيها... يبقى تشوف الكتالوج بيقوللك إيه وتعمله.. ﻹن مفيش حد يعرف اللي العربية عايزاه أكتر من اللي صنعها...

ولا بالتجربة... ولا بالآراء... ولا بالفتي... ولا بشغل الفهلوة بتاع المصريين ده.

ادخل على الموضوع اللي زميلنا العزيز tasaka جابلك اللينك بتاعه... فيه خلاصة المعلومات الصحيحة لزيوت المحركات.


ولو لسه الموضوع صعب... صور لنا صفحة مواصفات الزيت من كتالوج العربية... وإن شاء الله نساعدك في الاختيار الصح اللي يناسب العربية ويناسبك.


...

اه تمام
قريت الموضوع وفهمت ان اغير زيت كل 6 شهور سواء مشيت المسافة او لا
شكرا جزيلا
دي ورقة الكتالوج

[HandsomePirate]

هل مثلا مناسب زيت زى TOTAL QUARTZ 9000 5W-40

دي مواصفاته

http://www4.total.fr/middle-east/uae/PDS/Auto/Total/QUARTZ%209000-5W40.pdf

ولا فيه حاجة احسن تنصحوني بيها