زيت ياريس ٢٠٠٨

[الرجل الذكي]

السلام عليكم ورحمة الله وبركاته،،
ان شاء الله هشتري ياريس ٢٠٠٨ وهبقي ٣ مالك ليها بس لما دخلت نزلت الكتالوج من موقع تويوتا لقيتهم مش سامحين نهائي غير بلزوجة ٥-٣٠ وده بنسبة٩٩٪ المالكين اللي قبلي مكانوش بيحطوا اللزوجة دي لانهم مبيفهموش في الزيت اصلا العربية عاملة ١٠٧ الف كيلو
هل اتوكل ع الله واغيرلها زيت واحطلها ٥-٣٠ ولا في خطورة؟!
وايه المتوافق مع الكتالوج من الزيوت الموجودة في مصر

[Samah AbdAllah]

اتاكد الأول كانوا بيستخدموا زيت لزوجة كام
لو كانوا بستخدموا زيت 5/40 او لو قالولك زيت 10 الاف هيبقا غالبا 5w40 ووارد جدا يكونوا بيستخدموا 5/30 مش صعب ولا حاجة وساعتها هتستخدم 5/30 بسهولة وارشحلك امسويل زيت تخليقى امريكى ممتاز
ويفضل تجيب منه 5w30 سيجنتشر
لكن لو كانوا بيستخدموا زيوت معدنية بلزوجة 15w50 المعروفة بزيت ال 5 الاف
يبقا حضرتك هتبدا بزيت لزوجة 10w40 وتتابعه لو لقيته شغال كويس ممكن الغيار اللى بعده تستخدم 5w30

[الرجل الذكي]

اتاكد الأول كانوا بيستخدموا زيت لزوجة كام
لو كانوا بستخدموا زيت 5/40 او لو قالولك زيت 10 الاف هيبقا غالبا 5w40 ووارد جدا يكونوا بيستخدموا 5/30 مش صعب ولا حاجة وساعتها هتستخدم 5/30 بسهولة وارشحلك امسويل زيت تخليقى امريكى ممتاز
ويفضل تجيب منه 5w30 سيجنتشر
لكن لو كانوا بيستخدموا زيوت معدنية بلزوجة 15w50 المعروفة بزيت ال 5 الاف
يبقا حضرتك هتبدا بزيت لزوجة 10w40 وتتابعه لو لقيته شغال كويس ممكن الغيار اللى بعده تستخدم 5w30

طب معلش سؤال هو ايه الضرر لو كان بيستخدم لزوجة عالية وحطيت انا ٥-٣٠؟

[borio1704]

الكتالوج اللي حضرتك نزلته ده مخصص لأمريكا.. وهناك عندهم مواصفات خاصة بسبب التشريعات البيئية اللي بتفرض عليهم استخدام زيوت خفيفة علشان تقليل استهلاك الوقود..

في بقية العالم.. توصيات الزيوت لسيارات تويوتا كالتالي:



الصورة دي من كتالوج تويوتا سيكويا.. وهي نفسها توصيات الكورولا.. وهي نفسها توصيات تويوتا كلها.


بالنسبة للضرر اللي ممكن يحصل من استخدام زيت 5W-30..

مفيش أضرار بالنسبة للموتور.. كل اللي ممكن يحصل إن الزيت ينقص لفترة معينة.. وده غالبا لإن الشنابر بيبقى عليها ترسبات من الزيوت القديمة ومحجراها في ماكنها وبالتالي مش هتلاقيها حاكمة الكبس كويس..

متوقع بعد فترة من التشغيل إن الزيت يحل التحجيرة دي والموتور يرجع يحكم تاني.. بس مش أكيد !!!


لو الموتور استمر في استهلاك الزيت .. يبقى ترجع تحط درجة لزوجة أعلى .. وتختار من المكتوبين في الكتالوج.


...