أفضل انواع الزيوت

[mahmod_ibrahim]

السلام عليكم
هل يتفضل اصحاب الخبره بالمقارنة بين أفضل الزيوت حسب الشركه
موبيل وشل وولف ولكوي مولي واخرين لان الموضوع يسبب حيره شديده

[borio1704]

المفاضلة بالماركة شيء مضلل للغاية..

كل شركة زيوت بتعمل منتجات كتير علشان تلبي طلبات شركات السيارات في مواتيرها وكمان علشان تناسب طلبات الأسواق اللي بتنزل فيها.

والطريقة الصح للمفاضلة بين الزيوت هي عن طريق المقارنة بالمواصفات..

المسألة عاملة زي لما حضرتك تفكر تجيب موبايل.. الأجهزة دلوقتي بقت كلها شبه بعض.. ومواصفاتها متقاربة.. ولما تفكر تختار بتدور على الجهاز اللي فيه بروسيسور قوي ورامات عالية وسعة تخزين كبيرة وكاميرا حلوة وحاجات زي كده ... بس كل ده بفلوس بردو..

بس كل واحد فينا له احتياجات بنخليه مضطر يركز على حاجات معينة في الموبايل ويهمل حاجات تانية..

وفي الآخر.. الأجهزة اللي زي بعض في مواصفاتها بتشتغل بنفس الأداء تقريبا.. مهما كان اختلاف الماركات...


بالنسبة للزيوت.. فالاحتياجات اللي لازم تلبيها هي طلبات كتالوج عربيتك... وبعد كده أي حاجة زيادة دي راجعة ليك وحسب نظرتك وأولوياتك انت.

وفعليا.. الزيوت اللي زي بعضها من ناحية المواصفات أداءها يكاد يكون واحد.

لو عايز معلومات أكتر.. ادخل على الموضوع ده..

http://www.nilemotors.net/Nile/341680-a.html

...

[akmm]

فعليا كلام الأستاذ بوريو وهو مرجعنا في الزيوت صح الصح ................ انما انا عن نفسى باستعمل زيت شل 5/40 الترا للموتور هايل وبستعمل زيت وولف التخليقى للفيتيس ممتاز .