ما هو افضل نوع للمتسوبيشي

[momen25]

انا معايا عربيه لانسر بومه 2012 حطيت 4 انواع جربتهم (موبيل . والفر . ونوع اسمو ديكسو تقريبا . توتال)
ارتحت ع نوتال جدا بس بسمع ان في زيوت افضل بس الفكره مش عارف اجيب ايه مع العلم اني بجري وبحرق ع الموتور ومش عارف عامل اللزوجه واجيب 5w-40 ولا 5w30 ولا 5w-50 انا بحط 10000 الاف ديما
ياريت حد يفيدني بتجربتو
وبالنسبه لزيت الفتيس ديما كنت بغيرو في التوكيل ميتسوبيشي بس عرفت ان التوكيل بيغير 4 لتر (جالون) وبيسيب لتر قديم ف السياره
هل دا غلط ع الفتيس ؟
وقلولي ممكن اغير زيت توتال
بس مش عارف اجيب اي ممكن حد يساعدني ؟

[borio1704]

اختيار الزيت المناسب بيبقى حسب كتالوج العربية...
ولا بالتجارب
ولا بالآراء
ولا بالفتي ده كله...

اللي بيجرب بيقول رأيه من وجهة نظره.. وغالبا بيكون العربية اللي سايقها غير عربيتك خالص وظروف تشغيلها مختلفة عنك تماما.. يبقى تسمع كلامه ليه؟؟؟

المشكلة كمان إن التجارب دي بدون ما تبقى ليها أساس علمي تشتغل بيه بتبقى عاملة زي المغامرة.. يا تنجح يا تفشل..

لو نجحت .. ما بنبقاش عارفين نجحت ليه.. ولو فشلت.. ممكن نخسر الموتور بحاله.. وبردو مش عارفين فشلت ليه.

واللي بيجرب ده بيحسسني إنه عنده 10 عربيات تانيين وبيجرب في اللي مستغني عنها.. مع إنه دافع دم قلبه فيها !!!!!!


أنصحك تقرا الموضوع ده لو عايز تعرف ازاي تختار الزيت الصح..

http://www.nilemotors.net/Nile/341680-a.html

دي توصيات كتالوج الميتسوبيشي لانسر من 2002 لحد 2014 (المكواه والبومة)




الكتالوج مديك اختيارات كتير.. نقي منها اللي يناسبك حسب استخدامك..


ومادام بتفضل استخدام الزيوت التخليقية.. فتقدر تستخدم زيوت بلزوجة 5W-30 أو 5W-40.. بشرط مطابقة لمواصفات ACEA A3 أو ACEA A5..

زيوت شل هيليكس ألترا مناسبة ليك جدا.

...

[momen25]

شكرا جدا لاخي borio1704