Tweet
اية احسن زيت ممكن ؟؟
-
-
أحسن زيت هو اللي مواصفاته مكتوبة في كتالوج عربيتك.. ولا أي زيت غيره..
تقدر تنزل الكتالوج من هنا..
دي صفحة مواصفات الزيت في كتالوج البرافو..
ملخص المكتوب هنا إن الزيت لازم تكون لزوجته 5W-40.. بشرط يكون مطابق لمواصفة ACEA C3.. ويكون مطابق لمواصفة فيات رقم Fiat 9.55535-S2
وقايل كمان إن أي زيت مواصفاته أقل من ACEA C3 هيسبب مشاكل في الموتور.
أنصحك بزيت آمسويل European Car Formula 5W-40 Improved ESP
ومع إنه مش متوافق مع مواصفة فيات.. إنما مطابق لمواصفة ACEA C3.. وده أهم بالنسبالي.. خصوصا إن مواصفة فيات المذكورة مش موجودة في السوق (حسب معلوماتي).. إلا إذا عرفت التوكيل بيحط أنهي زيت واتأكدت إنه مطابق ليها.. وساعتها خلينا مع زيت التوكيل بدون شك..
مواعيد تغيير الزيت مكتوبة في الكتالوج بردو ... طبعا بشرط استخدام الزيت اللي مكتوب في الكتالوح أو أحسن..
الزيت بيتغير كالتالي:1- كل 35 ألف كيلومتر أو سنتين.. أيهما أسبق... ده في الحالات المثالية..
2- في الحالات الشاقة.. المفروض تغير الزيت أسرع (ما قالوش كل قد إيه بس قالوا حسب حالة الزيت)..
3- لو العربية بتستخدم جوة المدينة أساسا.. يبقى تغير كل سنة..
الحالات الشاقة (حسب المكتوب في الكتالوج) هي كالتالي:1- قطر سيارات أو مقطورات (أو كرافان)
2- السير على الطرق المتربة
3- الرحلات القصيرة المتكررة (أقل من 7-8 كيلومتر) مع الأجواء الباردة تحت الصفر.
4- تشغيل المحرك على السلانسيه لمدد طويلة
5- القيادة بسرعة بطيئة لمسافات طويلة (القيادة في الزحام)
6- حالات عدم التشغيل لمدد طويلة (Long-term inactivity)
وقولنا عملت إيه..
...[QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
[I]مَثَلٌ صينِيّ[/I][/QUOTE]
[FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
[FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
[/SIZE][/FONT]
أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
[SIGPIC][/SIGPIC]
Comment