إعـــــــلان

**magyver** · 13-01-2009, 02:56 AM

انا دلوقتي شغال بكالتكس 3000 وفية ناس قالولي غير وجيب زيت التعاون دة اللي لون الجركن بتاعة اخضر
وبشوف عربيات جديدة لانسر 2007 بتغير منة

**dr_timo** · 13-01-2009, 03:24 AM

التعاون الاخضر دة الف كيلو برده؟

**yaskhl** · 13-01-2009, 06:13 AM

احسن حاجة شل الاصفر كل 5000 كيلو وسعره 93 جنيه

**Dr_Smart** · 13-01-2009, 06:27 AM

المشاركة الأصلية كتبت بواسطة dr_timo مشاهدة المشاركة

انا عربيتي بولونيز موديل تمانية وتمانين وكنت بحط زيت التعاون الحمضان دة ففي زمايلي قالولي هيبقي اوفر بدل ماحط التعاون دة كل الف كيلو احط موبيل وان دة كل عشر تلاف فكنت عايز اسئل هوة ينفع احطه لعربيتي واغير كل عشر تلاف فعلا ولا اخليني زي مانا وكما انا بالاقي اسامي كدة موبيل ديلفاك وكزا اسم لموبيل فياريت تقولولي كل نوع من دول بيقعد كام كيلو علي ماغيره وفي حالة العشر تلاف كيلو دول مش المفروض اغير فلتر الزيت كل الفين تلاتة فكدة مش هعرف اغيره الا كل عشرة معلش تقلت عليكم بس اصلي معاد التغيير جة وعايز اخد قرار بسرعة عشان اغير

اكيد لا ماينفعش تحط موبيل وان

لكن بدل ماتستخدم زيت الف كيلو استخدم الانواع اللي بتقعد 3000 - 5000 كيلو

زي التعاون سوبر API SJ or API SL
موبيل XHP
شل هيلكس سوبر ( الاصفر )
توتال كوارتز 5000

بس اعتقد والله اعلم لو لقيت الزيت قل قبل ال 3000 كيلو يبقى هتضطر تفضل على الزيت بتاع ال 1000 كيلو

**Abdo_Eldesokey** · 13-01-2009, 09:04 AM

نصيحة في العربيات القديمة دايما ً حط زيت 1000 أو بالكتير 3000 لأن العربية معرضة في أي لحظة لتسريب الذات بسبب العمر الافتراضي لأجزاءها ، قبالتالي خسارتك متكنش كبيرة لو الزيت كله وقع من العربية

لكن مترحش تحط 10000 وتيجي الساعة مثلا ً بتاعة الزيت تسرب وتضيع عليك الجركن كله ، وتقعد تعيط بقى على الـ 200 جنيه الي وقعوا على الأرض

**muhmado_furp** · 13-01-2009, 10:37 PM

المشاركة الأصلية كتبت بواسطة Abdo_Eldesokey مشاهدة المشاركة

نصيحة في العربيات القديمة دايما ً حط زيت 1000 أو بالكتير 3000 لأن العربية معرضة في أي لحظة لتسريب الذات بسبب العمر الافتراضي لأجزاءها ، قبالتالي خسارتك متكنش كبيرة لو الزيت كله وقع من العربية

لكن مترحش تحط 10000 وتيجي الساعة مثلا ً بتاعة الزيت تسرب وتضيع عليك الجركن كله ، وتقعد تعيط بقى على الـ 200 جنيه الي وقعوا على الأرض

طبعا هو ده الكلام
تسلم ايدك ياباشا

بس كمان احب ازود حاجه
ان المواتير القديمة من الافضل ليها الزيوت الثقيله زي ماذكر في الانواع الي بتغير كل 1000 او 3000
لكن اعتقد ان زيوت 10000 كيلو بتبقي خفيفه وللمواتير الجديده
اتمني اكون افدتك

**eldeplomasy** · 14-01-2009, 01:32 AM

احسن زي ممكن تحطه زيت امارات مصر ال 5000 ب 90 جنيه وانظف من موبيل وشل ال5000 كيلو

جربه وادعيلي

**Dr_Smart** · 14-01-2009, 07:07 PM

المشاركة الأصلية كتبت بواسطة eldeplomasy مشاهدة المشاركة

احسن زي ممكن تحطه زيت امارات مصر ال 5000 ب 90 جنيه وانظف من موبيل وشل ال5000 كيلو

جربه وادعيلي

انا جربته وكان بيتبخر بسرعه بمجرد ماوصلت 3000 كيلو

نصيحه ابقى تابع مستواه بعد 3000 وشوف قل ولا لا

**dr_timo** · 14-01-2009, 11:36 PM

طيب ياجماعة انا رحت لبتاع الزيت قاللي اكس اتش بي موبيل دة كويس وبيتغير كل خمس تلاف وكويس فاية رئيكم دة احسن ولا شيل الاصفر دة عموما انا قلتله هجيلك بكرة اغير فياريت تنجدوني باخر قرار عشان هغير بكرة ان شاء الله

**kimo-nubira** · 14-01-2009, 11:56 PM

ياباشا انت كنت بتستخدم زيت معدني ودلوقتي عايز تحط زيت تخليقي بس ااتاكد الاول من حاله ماتورك

هل هايقدر يستحمل زيت تخليقي اسال الاول قبل ماتحط الزيت علشان مايحصلش حاجه لقدر الله

واسال هل فيه اي اضرار من التغير ده ولا لاءه

واقرا الموضوع ده يمكن يفيدك

الفرق بين الزيت التخليقى والعادى - نايل موتورز - NileMotors.net

http://www.nilemotors.net/Nile/showthread.php?t=53578&highlight=%C7%E1%D2%ED%E6%CA+%C7%E1%CA%CE%E1%ED%DE%ED%E5

أى مشكلة فنية فى السيارة إســأل نجــاوبك + قسم خاص لكتالوجات الصيانة و الإصلاح