التعاون 1

[megaman]

سؤال هام ايه رايكوا فى زيت التعاون 1 هل هو افضل ام شل الترا ام امارات مصر علما بان العربية زيرو ومحدش يقول موبيل

[eldeplomasy]

امارات مصر طبعا ثم شل وبعدين موبيل وبلاش التعاون ده خالص

راي شخصي عن تجربة

[samirayad]

سؤال هام ايه رايكوا فى زيت التعاون 1 هل هو افضل ام شل الترا ام امارات مصر علما بان العربية زيرو ومحدش يقول موبيل

شوف توصيات اللى معاهم نفس العربية بتاعة حضرتك.....والمفروض طبعا تكون قاعدة الزيت من النوع التخليقى لأن العربية لسه زيرو...........انا عن نفسى حاليا بستعمل موبيل 1

[eldeplomasy]

هو لازم العربية وهي جديده يستعمل زي تخليقي؟؟؟

[eldeplomasy]

هو لازم العربية وهي جديده يستعمل زيت تخليقي؟؟؟

[samirayad]

هو لازم العربية وهي جديده يستعمل زي تخليقي؟؟؟

هو فنيا أفضل لأن الزيت التخليقى بيعمل فى مدى لزوجة أكبر من المعدنى.....ومدى انتشارة لتزييت أجزاء المحرك أسرع....وأستقرارة أو التصاقة بمكونات المحرك بيكون أكثر أستقرارا من الزيت المعدنى بعد تبطيل المحرك......ومن مميزاتة سهوله الادارة...على سبيل المثال لا الحصر

[eldeplomasy]

متهيألي العكس لانهم مش بينصحوا باستخدام الزيت ده لو الموتور قديم او خفيف شوية وده معناه انه لزوجته اقل وبالتالي بيخلي الموتور يتآكل اسرع ولكن العربية وهي جديده بتفضل فترة طويله على ما يحصل تآكل

معلش اعذرني انا مش مهندس بس شايف ان ده المنطقي ولا مكنوش حذرو من استخدامه في المواتير القديمه والخفيفه

[samirayad]

متهيألي العكس لانهم مش بينصحوا باستخدام الزيت ده لو الموتور قديم او خفيف شوية وده معناه انه لزوجته اقل وبالتالي بيخلي الموتور يتآكل اسرع ولكن العربية وهي جديده بتفضل فترة طويله على ما يحصل تآكل

معلش اعذرني انا مش مهندس بس شايف ان ده المنطقي ولا مكنوش حذرو من استخدامه في المواتير القديمه والخفيفه

لا يا ياسيدى.....مش العكس ولا حاجه....الكلام اللى أنا قولته صحيح........والزيت المعدنى مثل شيل الأصفر تقريباوموبيلXHP ومايشابهم هما اللى المفروض يستخدموا مع المحركات القديمة.......لية.........علشان مدى اللزوجة لهم أقل من التخليقى مثل موبيل 1 وشيل ألترا وخلافة علشان شنابر المحرك قوة احكامهما بتبدا تقل مع تقادم عمر المحرك وممكن لو تم استخدام الزيت الخفيف التخليقى يتسلل الى غرف الحريق ويتحرق وبالتالى منسوب الزيت حيقل فى الكارتير

[XLANS]

سؤال هام ايه رايكوا فى زيت التعاون 1 هل هو افضل ام شل الترا ام امارات مصر علما بان العربية زيرو ومحدش يقول موبيل

زيت التعاون يا بوب أحسن زيت فى مصر من ناحية الكفاءة والسعر

ودة بشهادة عاملين بهيئة البترول و بيحطوا التعاون لعربياتهم الجديدة.مع ان الناس واخدة فكرة ان التعاون دة وحش علشان رخيص.

[magyver]

انا عن نفسي بستعمل التعاون جميل جداااا

[XLANS]

انا عن نفسي بستعمل التعاون جميل جداااا

وأنا كمان بستعمل التعاون ومفيش فيه اى شكوة

[HATEMHANY]

يا جماعه الله يكرمكم

انتوا اول ناس يقولوا على زيت التعاون انه كويس

بجد لو كويس انا نفسى استعمله لانه رخيص

ياريت رأى فيصل

يعنى اللى يقول وحش بجد يدينا سبب وجيه مش السعر و منظر محطه البنزين بس

[paladin]

coop 1 is synthetic and made in Europe

[eldeplomasy]

لا يا ياسيدى.....مش العكس ولا حاجه....الكلام اللى أنا قولته صحيح........والزيت المعدنى مثل شيل الأصفر تقريباوموبيلXHP ومايشابهم هما اللى المفروض يستخدموا مع المحركات القديمة.......لية.........علشان مدى اللزوجة لهم أقل من التخليقى مثل موبيل 1 وشيل ألترا وخلافة علشان شنابر المحرك قوة احكامهما بتبدا تقل مع تقادم عمر المحرك وممكن لو تم استخدام الزيت الخفيف التخليقى يتسلل الى غرف الحريق ويتحرق وبالتالى منسوب الزيت حيقل فى الكارتير

معلش اعذرني بس منين حضرتك بتقول مدى اللزوجة بتاعتهم اقل اللى هما شل الاصفر وموبيل المقابل ليه وكمان بتقول الزيت التخليقي خفيف

معنى انه خفيف انه لزوجته اقل ولا انا غلطان؟؟؟