تسريب زيت البيتلز

[alcomando]

السلام عليكم ورحمه الله وبركاته

يا جماعة أنا معايا بيتلز 1600 موديل 1983 المشكلة أنها بتسرب زيت العربية مكملتش ال 700كيلو و واخدة علبة زيت shell X100 أربعة كاملة كل شوية بتنقص ببقى مضطر أزودها عشان اعرف أمشي وديتها للبنزينة كشف عليها قالي محتاجة وش جوان نص عمرة مش عــارف أعمل إيه ولا حتتكلف كام وفين ياريت الإفادة لأن الموضوع تاعبني جدا شكرا

عمـــر

[ahit]

السلام عليكم ورحمه الله وبركاته

يا جماعة أنا معايا بيتلز 1600 موديل 1983 المشكلة أنها بتسرب زيت العربية مكملتش ال 700كيلو و واخدة علبة زيت shell X100 أربعة كاملة كل شوية بتنقص ببقى مضطر أزودها عشان اعرف أمشي وديتها للبنزينة كشف عليها قالي محتاجة وش جوان نص عمرة مش عــارف أعمل إيه ولا حتتكلف كام وفين ياريت الإفادة لأن الموضوع تاعبني جدا شكرا

عمـــر

السلام عليكم و رحمة الله و بركاته
إزيك يا مورا و أخبارك إيه؟
مبروك العربية أولاً و ربنا يباركلك فيها إن شاء الله.
موضوع الزيت ده خطير جداً و لازم تكشف عليه عند ميكانيكى كويس و فاهم .
المشكلة غالباً هاتكون أولسيه الزيت عاوز يتغير و دا طبعاً محتاج تسقيط الماتور و التكلفة إن شاء الله مش كبيرة.
أما لو كان الماتور بياكل زيت و بيدخن ففى هذه الحالة هاتحتاج عمره طبعاً و ربنا يستر إن شاء الله.

المهم إنك ما تجريش بالعربية و لازم العربية ماتسخنش منك و عينك دايماً على لمبه الزيت لغاية لما تحل المشكلة دى.
و لو إحتجت أى حاجة أنا تحت أمرك فى أى وقت

[ابوهاشم]

الف مبروك يا عمر باشا على العربيه
وربنا يباركلك فيها ويكفيك شرها ويطعمك من خيرها
معلش احب اكررلك كلام اخونا احمد حسن
موضوع الزيت ده يعتبر اهم حاجه فى البيتلز
وياريت تكشف عليه بسرعه وماتستهونش بيه
ويصراحه من الصعب نحدد العيب من ايه لان فى اسباب كتير تؤدى لنقص الزيت اكبرها العمره واصغرها طبة الزيت
لكن الميكتنيكى هو اللى هيحدد السبب بالظبط ولو راجعت مواضيعنا عن البيتلز هتلاقى ميكانيكيه باساماهيم وعنوانهم وارقام تليفوناتهم
وهتلاقى كمان كل واحد كاتب عن تجربته معا ه للافاده
وان شاء الله بسيطه

[alcomando]

أستاذ هاشم تسلم على ردك الجميل الله يبارك في حضرتك
أنا إن شاء الله مش حستنا عليها في أقرب فرصة حشوف الميكانيكي لأني بحاجة دائمة لها والله وهيا فعلا ممتعة جدا في السواقة في النعومة أنا بحسها باور بدون مبالغة ربنا يقدم اللي فيه الخير والصالح يارب

[ابوهاشم]

ان شاء الله بعد ماتتعود عليها وتفهمها هتحبها اكتر وتعشقها زينا
ماشاء الله هى عربيه ممتازه وفيها مميزات كتير مش موجوده فى اى عربيه ومش بيحس الكلام ده فعلا غير اللى ركبها واقتناها
والله انا بركب عربيات اصحابى من انواع كتير بعد عربيتى بحس انى راكب علبه ورق

[أحمد سالم]

السلام عليكم ورحمه الله وبركاته

يا جماعة أنا معايا بيتلز 1600 موديل 1983 المشكلة أنها بتسرب زيت العربية مكملتش ال 700كيلو و واخدة علبة زيت shell X100 أربعة كاملة كل شوية بتنقص ببقى مضطر أزودها عشان اعرف أمشي وديتها للبنزينة كشف عليها قالي محتاجة وش جوان نص عمرة مش عــارف أعمل إيه ولا حتتكلف كام وفين ياريت الإفادة لأن الموضوع تاعبني جدا شكرا

عمـــر

السلام عليكم
ازيك ياعمر ان شاء الله تكون بخير
اولا انت عارف انى اكتر واحد درايه بالعربيه
العربيه مافيهاش مشكله بس احتمال تكون عايزه اولسيه كرنك
الموضوع محتاج رأى الحاج محمد على
كمان ياريت انك تقيس انت الزيت بنفسك وتلاحظ هل فى بقع زيت كثير تحت العربيه بعد ماتركنها فتره
ولو العربيه عايزه اولسيه كرنك الموضوع مش هيعدى 100 جنيه
اما لموضوع وش الجوان ده كلام مش مظبوط
وحاول تراجع الرابط ده هتفهم اكثر عن تنقيط الزيت فى البيتلز

http://www.nilemotors.net/Nile/showthread.php?t=46290&page=8

[ahit]

عمر باشا
ياترى عملت إيه فى موضوع الزيت؟
يا ريت تقولنا عشان نستفيد و نعرف العيب منين و كيفية إصلاحه و التكلفة كام و عند مين؟
شكراً