سؤال عن زيوت المحركات

[wkisho2005]

ازيكوا ياجماعة كان عندي سؤال كدا هو بيبقي مكتوب علي علبة الزيت هي بتقعد اد ايه؟؟يعني الف او تلاتة اوو عشرة كدا يعني

اصل اللي بلاحظه ان كل اللي بيبقي مكتوب انو زيت نضيف وعالي اجودة ومش عارف نتاج شركة ايه والكمية مثلا اربعة كيلو وخلاص لكن المدة اللي بيقعدها اد ايه بعرفها من الراجل اللي بشتري منه ولو الكلام دا صح ايه بئي اللي يضمنلي انو الزيت دا فعلا بيتغير عند الف او تلاتة او غيره ماهي الدنيا سايحة في بعضها اهي ومفيش تحديد؟؟

[aYaBooY]

يا ريت لو حد يفيدني انا كمان علشان مشوفتش موضوع عن المسافة بتاعت الزيت
حتى لو حد قال ان الرقم بتاع الحرار 20w50 مثلا بيحدد هاؤلة ان الاماراتية بيعد 3000 و مكتوب عليه 20w40 و فيه تعاون بيعد الف و مكتوب عليه 10w50 علشان ديه ارقام درجة حرارة تشغيل الزيت بس يا ريت يكون حد وصل لطريقة تحدد بيها مسافة الزيت
و برده انا اتعرضت لموقف مع زيت كالتكس غيرتة مرة و الراجل قالي اخرة الف و نص و غيرتة من حد تاني و قالي يعد معاك ثلاثة مرتاح

[wkisho2005]

ماهو انا بتكلم بئي يا ayabooy علي الكوميديا اللي بتحصل دي اصل انا مزاج عندي كل ماروح اغير زيت اسال اللي بيغيره او اللي بشتريه منه اغيره بعد اد ايه حتي لو عارف بس بسمع اجابات غريبة

موبيل مثلا
انا كنت بغير موبيل الابيض دا اللي المفروض كل الف الاقي الراجل بيقولي ياعم الف ايه سيبه تلاتة ولا حاجة الف دا بدري اوي
واحد تاني يقولي لا دا في الصيف تغيره عند 800 وفي الشتا 1200 يعني بيتكلم في فرق كيلوات بسيط جدا والتاني بيتكلم في الافات فرق




زيت كالتكس
جربته بردو اللي اشتريته منه يقولي الف كيلو
اللي غير الزيت قالي الفين كيلو
والميكانيكي قالي الف ونص
والتلاتة بيتكلموا علي نفس الزيت

وعجبي

[LinuxMan]

احسن حاجة يا باش تقيس مستوي الزيت ودرجة لزوجته ولونه كل فتره وعلي الاساس ده تغيير زيتك

[wkisho2005]

احسن حاجة يا باش تقيس مستوي الزيت ودرجة لزوجته ولونه كل فتره وعلي الاساس ده تغيير زيتك

بس في نقطة ياباشا ان بيتهيئلي الزيت كدا كدا بيسود مش شرط عشان مدته خلصت ولكن تقريبا عشان الاحتراق الداخلي للموتور ودرجة الحرارة العالية جدا تقريبا يعني

[ابوهاشم]

على العموم الزيت لما بيحل من اللزوجه
بيبتدى يتبخر وينقص

[a3reda]

اشتروا دماغمكم واستعملوا موبيل وان او الترا شيل

وده بيتغير كل 10 الالاف

[aYaBooY]

اشتروا دماغمكم واستعملوا موبيل وان او الترا شيل

وده بيتغير كل 10 الالاف

اي موتور بعد ما يمشي اكتر من 100 الف كم او 150 الف للفورد استعمال موبيل وان او شل الترا او اي زيت تخليقي هايضر بعمرة مش هايفيد

[wkisho2005]

اي موتور بعد ما يمشي اكتر من 100 الف كم او 150 الف للفورد استعمال موبيل وان او شل الترا او اي زيت تخليقي هايضر بعمرة مش هايفيد

امال رايك بعد ال100 الف كيلو نستعمل ايه؟

[aYaBooY]

امال رايك بعد ال100 الف كيلو نستعمل ايه؟

الزيت التخليقي بيكون درجة خفيف و خفيتة ديه في اوائل استعمال العربية و الخلوصات ماسكة و محبوكة و كلة اشطة بتكون كويسة بس بعد فترة المسافات بتوسع و الرايش بيزيد و هنا بيكون استعمال الزيت التخليقي بدون فائدة يفضل بعد الـ 100 الف او اكثر يحول استعمال الي الزيوت المعدنية الي بتعد 5000 كم و بعد فترة ممكن تكون 250 الف كم نبداء في الزيوت السفلية التي يتم تغيرها كل 3000 او 1000 و هكذا لحد ما الموتور يجيب اخرة و يتم عمل عمرة ليه و طبعا بعد العمرة مش هاينفع نرجع للزيت التخليقي لان ايا كان حرفة المعمر مش هايقدر يظبطة زي الفبريكة بس ممكن نبداء بالزيت النص تخليقي و عادتا بينصح انه يستخدم 7000 كم فترة و بعدين نبداء العد التازلي من تاني لحد العمرة الي بعدها

[reamoz]

اي موتور بعد ما يمشي اكتر من 100 الف كم او 150 الف للفورد استعمال موبيل وان او شل الترا او اي زيت تخليقي هايضر بعمرة مش هايفيد

معلش ياباشا مع خالص الإحترام لرأيك إسمحلى اختلف معاك في حكاية ال100 ألف دي لأن حالة الموتور مش بتتقاس بالكيلو متر والدليل ان صديقي معاه كورولا 2003 معدية ال170 ألف وبغير بردة زيت تخليقي وبيعد بيه ال10 تلاف كيلو زي الفل والموتور ماشاء الله زي الفل والزيت مش بينقص
وعموما موضوع الزيوت ده موضوع كبير وفي 100 ألف رأي وناس كتير ومواقع كتير اتكلمت فيه ومحدش عارف مين بيضحك على مين لأن صناع السيارات عمرهم ماجابو سيرت الزيت يتغير كل كام كيلو مع انهم هما اللي المفروض يحددو لأن هما اللي مصنعين الموتور وعارفين فئات الزيت اللى موجودة بغض النظر عن اسم الشركة
وكمان حتى صناع الزيوت مش بيجيبو سيرة بشكل رسمي على العبوات أو حتى في الإعلانات عن موضوع الكيلومتر
علشان كده في نلس كتير طلعت وعملت مقالات وقالت ان المفروض الزيت بيقعد اكتر بكتيييييييير جدا من اللى بيقولو عليه في البنزينات وان هما بيقولو كدة علشان يبيعو بمعدل اكبر
بس طبعا محدش فكر يجرب ويغامر بعربيته.

[aYaBooY]

بص موضوع الـ 100 الف كم ده الرقم الدارج ممكن يختلف بين نوع عربية و التانية بس مش هايزيد كتير يعني صاحبك بتاع الكورولا لو راح قاس الموتور معتقدش هايكون اكتر من 75% و ده مقاس يعتبر كويس بس هو لو عرف بالظبط امتي يغير نوع الزيت ممكن تعد معاه العربية سنين و كيلوات كتير و قياس الموتور 80%
و عموما موضوع تغير نوع الزيت بعد عدد كيلوات معين مش فتوى مني بس نصحني بيه اكتر من حد سواء صنيعية او مهندسين