شيل هيلكس ألترا ليس أفضل من موبيل 1

[mohamedway]

توجد مواضيع كتير فى المنتدى بتتكلم عن ان زيت شيل هيلكس ألترا أفضل من موبيل1 بكتير و إن موبيل وان ده سيىء للغاية و ناس كتير بتشتكى منه و إن شل هيلكس ألترا بيهدى صوت الموتور و موبيل1 بيعلى صوت الموتور جامد و لزوجته بتروح بدرى و بيسود بسرعه و حاجه و حشه جدا وكمان شيل ألترا أرخص و ...........إلخ



المهم أنا بحط فى عربيتى من و هى زيرو موبيل 1 بقالى 70000كم و معملش معايا أى مشاكل و أداؤه زى الفل و مكانش بيسود قوى زى ما الناس بتوصف ولا حاجه و لكن من كتر كلام الناس قررت أجرب شيل ألترا وأشوف يمكن الموتور فعلا ينعم و أحس بالفرق اللى كل الناس بتقول عليه.................!!!



المهم حطيت شيل ألترا و غيرت الفلتر طبعا بواحد أصلى و إليكم ملاحظاتى:


1-بيقولوا على شيل ألترا انه أرخص من موبيل1
الملاحظة: الأتنين بنفس السعر بالضبط دلوقتى

2-بيقولوا على شيل ألترا إنه مستورد و متعبى بره
الملاحظة: شيل ألترا اللى موجود دلوقتى واللى أنا حطيت منه (صنع فى مصر) زى موبيل1 بردو

3-بيقولوا على شيل ألترا انه بيعمل فرق ملحوظ فى هدوء و نعومية الموتور و أداؤه
الملاحظة: محستش بأى فرق فى الأداء أو صوت و نعومية الموتور

4-الأتنين زيوت تخليقية 100% و درجة أداؤهم SM

5-بيقولو إن لونه مش بيغمق و يسود بسرعه زى موبيل1 (مع ان لى تحفظ على النقطه دى وهى ان الزيت اللى بينضف الموتور كويس لازم لونه يغمق)
الملاحظة: بدأ لونه يغمق بنفس درجة ملاحظتى للموبيل1 بالنسبه للكيلومتر.

6-الموبيل1 فى منه كتير مضروب و ده حقيقه و ليا ناس أعرفهم شربوا المقلب ده قبل كده و لكن الحمد لله محصلش معايا عشان انا بجيب الموبيل1 من Mobil1 Center معتمد من إكسون موبيل و فى محطة محترمه و بتعامل معاه من زمان قوى من أيام عربيتى القديمه بدون مشاكل وكمان بعد ما بيحطلى الزيت بيخرم الجركن بالمفك قبل ما يرميه.
الملاحظة: ممكن شيل ألترا يتغش هو كمان خصوصا اليومين دول بعد ما بدأ يبقه مطلوب و لا سيط.

7-الموبيل1 هو الأشهر عالميا.

8-يوجد فارق جوهرى بين الإتنين وهو ان درجات اللزوجة أصبحت الآن مختلفة بين موبيل1 و شيل ألترا اللى موجود دلوقتى لصالح الموبيل1
الملاحظة: شيل ألترا 5W-40 أما موبيل1 5W-50 وده معناه ان كفائتهم واحده فى البرد و حماية المحرك فى الجو البارد و لكن موبيل1 أفضل فى الحر الشديد و بيستحمل السخونية أفضل(بس الفرق مش كبير و الإتنين يستحملوا طقس لغاية 50 درجة مئوية)

9-عشان محدش يفتكر إنى متحيز للموبيل1 أنا هستمر على شيل لأسباب تانية غير موضوع جودة الزيت وهى انى بحترم شركة شيل عن موبيل بسبب البنزين و دايما جودة بنزين محطات شيل أفضل من موبيل و عشان كده هشجعهم بإنى أحط الزيت بتاعهم خصوصا و إنه مش أقل من موبيل1

الخلاصة انه إحتمال يكون بعض كلام الناس اللى اتكلموا قبل كده على زيت شيل يكون مضبوط و لكن شيل اللى موجود دلوقتى مختلف و مصنع فى مصر و ليس مستورد.

ونصيحه للى عاوز يحط موبيل1 (زيت ممتاز و متسمعش الإشاعات و الكلام الغير علمى عنه بس خلى بالك ان فيه منه مضروب وهو ده مكمن المشكلة فيه و لكن ممكن يتجاب من مكان موثوق فيه أو معتمد أو من توكيل العربية نفسه لو بيجيب موبيل1)

[masterzmind]

والله يا استاذ محمد على حسب معلوماتى ان ناس كتير جربت موبيل وبعد كدة جربت شيل الفرق كان ملحووووووووووووووظ جامد اوى وبذات فى موتور الانترا 2008

[mohamedway]

والله يا استاذ محمد على حسب معلوماتى ان ناس كتير جربت موبيل وبعد كدة جربت شيل الفرق كان ملحووووووووووووووظ جامد اوى وبذات فى موتور الانترا 2008

حضرتك بتقول حسب معلوماتى ان ناس كتير جربت........؟!
يعنى انت مش واحد من الناس الكتير اللى جربت دول؟!
ماهو أنا كان انطباعى زيك بالضبط كده عن شيل و معلوماتى كانت من تجارب الناس الكتير دول بردو و كله كلام لكن لما تجرب حاجه بنفسك بتكتشف ان الدنيا مختلفه و حساباتك بتتغير و بيروح منها الخيال و الأساطير و تفضل الحقيقه و إحنا هنا شعب بصراحه غاوى كلام على الفاضى و أنا عملت موضوعى ده عن تجربه قمت بيها بنفسى و سردت فيها ملاحظاتى من أرض الواقع لعل حد يستفيد منها و أعتقد كلامى كان موضوعى جدا و قولت كمان إنى هستمر مع شل و محدش يفتكرنى متحيز لموبيل و ربما يكون موتور عربيتى مش بالحساسية اللى تبين الفرق بين الزيتين أو ربما شيل الستورد اللى كان موجود قبل كده (اللى أنا مجربتهوش)كان أفضل فعلا؟؟؟!!!

و أخيرا أنا قولت تجربتى الواقعية للإفادة العامه و لأنى عارف ان فيه ناس كتير قوى إحتارت بين الزيتين بسبب الكلام الكتير عنهم و المقارنة الكتيره بينهم و أنا كنت من ضمن الناس اللى إحتاروا فقلت أريح المحتارين اللى زيى بناء على تجربتى و مش عاوز الموضوع ده يكون باب جدل جديد عن انهو زيت أفضل (شل ولا موبيل).....

[Ahmed Hassan]

توجد مواضيع كتير فى المنتدى بتتكلم عن ان زيت شيل هيلكس ألترا أفضل من موبيل1 بكتير و إن موبيل وان ده سيىء للغاية و ناس كتير بتشتكى منه و إن شل هيلكس ألترا بيهدى صوت الموتور و موبيل1 بيعلى صوت الموتور جامد و لزوجته بتروح بدرى و بيسود بسرعه و حاجه و حشه جدا وكمان شيل ألترا أرخص و ...........إلخ



المهم أنا بحط فى عربيتى من و هى زيرو موبيل 1 بقالى 70000كم و معملش معايا أى مشاكل و أداؤه زى الفل و مكانش بيسود قوى زى ما الناس بتوصف ولا حاجه و لكن من كتر كلام الناس قررت أجرب شيل ألترا وأشوف يمكن الموتور فعلا ينعم و أحس بالفرق اللى كل الناس بتقول عليه.................!!!



المهم حطيت شيل ألترا و غيرت الفلتر طبعا بواحد أصلى و إليكم ملاحظاتى:


1-بيقولوا على شيل ألترا انه أرخص من موبيل1
الملاحظة: الأتنين بنفس السعر بالضبط دلوقتى

2-بيقولوا على شيل ألترا إنه مستورد و متعبى بره
الملاحظة: شيل ألترا اللى موجود دلوقتى واللى أنا حطيت منه (صنع فى مصر) زى موبيل1 بردو

3-بيقولوا على شيل ألترا انه بيعمل فرق ملحوظ فى هدوء و نعومية الموتور و أداؤه
الملاحظة: محستش بأى فرق فى الأداء أو صوت و نعومية الموتور

4-الأتنين زيوت تخليقية 100% و درجة أداؤهم sm

5-بيقولو إن لونه مش بيغمق و يسود بسرعه زى موبيل1 (مع ان لى تحفظ على النقطه دى وهى ان الزيت اللى بينضف الموتور كويس لازم لونه يغمق)
الملاحظة: بدأ لونه يغمق بنفس درجة ملاحظتى للموبيل1 بالنسبه للكيلومتر.

6-الموبيل1 فى منه كتير مضروب و ده حقيقه و ليا ناس أعرفهم شربوا المقلب ده قبل كده و لكن الحمد لله محصلش معايا عشان انا بجيب الموبيل1 من mobil1 center معتمد من إكسون موبيل و فى محطة محترمه و بتعامل معاه من زمان قوى من أيام عربيتى القديمه بدون مشاكل وكمان بعد ما بيحطلى الزيت بيخرم الجركن بالمفك قبل ما يرميه.
الملاحظة: ممكن شيل ألترا يتغش هو كمان خصوصا اليومين دول بعد ما بدأ يبقه مطلوب و لا سيط.

7-الموبيل1 هو الأشهر عالميا.

8-يوجد فارق جوهرى بين الإتنين وهو ان درجات اللزوجة أصبحت الآن مختلفة بين موبيل1 و شيل ألترا اللى موجود دلوقتى لصالح الموبيل1
الملاحظة: شيل ألترا 5w-40 أما موبيل1 5w-50 وده معناه ان كفائتهم واحده فى البرد و حماية المحرك فى الجو البارد و لكن موبيل1 أفضل فى الحر الشديد و بيستحمل السخونية أفضل(بس الفرق مش كبير و الإتنين يستحملوا طقس لغاية 50 درجة مئوية)

9-عشان محدش يفتكر إنى متحيز للموبيل1 أنا هستمر على شيل لأسباب تانية غير موضوع جودة الزيت وهى انى بحترم شركة شيل عن موبيل بسبب البنزين و دايما جودة بنزين محطات شيل أفضل من موبيل و عشان كده هشجعهم بإنى أحط الزيت بتاعهم خصوصا و إنه مش أقل من موبيل1

الخلاصة انه إحتمال يكون بعض كلام الناس اللى اتكلموا قبل كده على زيت شيل يكون مضبوط و لكن شيل اللى موجود دلوقتى مختلف و مصنع فى مصر و ليس مستورد.

ونصيحه للى عاوز يحط موبيل1 (زيت ممتاز و متسمعش الإشاعات و الكلام الغير علمى عنه بس خلى بالك ان فيه منه مضروب وهو ده مكمن المشكلة فيه و لكن ممكن يتجاب من مكان موثوق فيه أو معتمد أو من توكيل العربية نفسه لو بيجيب موبيل1)

بجد موضوع محترم جدا و طريقة عرضه ممتازه و اتفق مع كل كلمه فيه

[Ahmed Nouh]

الحكايه دى كانت واكله دماغى خصوصا ان عربيتى بحط موبيل 1 وصوت موتور اللانسر مزعج اساسا

فمن كتر كلام الناس عن الشيل كنت بفكر اغير فعلا , لكن الله يكرمك كدا انت قولت المفيد

[Hegazio]

طب خذ دي عندك بقي
شيل الاصفر يتحمل درجات الحرارة العالية أكثر من إلالترا و لكن قد اثقل في بداية الدوارة عندما تكون الحرارة تحت الصفر!(فين ده ان شاء الله
و سعره أقل من النص
و لو غيرته كل 5000 (مع انه يعيش ل 10000) أحسن لموتورك من الألترا كل 10000

[Medo007]

انا بقى بحط موبيل XHp
احسن بكتير لان كل 3 آالاف او 4 بالكتير
اغيره
لاني مش مقتنع برده ان زيت يقعد 10000 في المحرك
ولو جيت تبص لها موبيل 1 اوفر طبعا
لان انا كل 3 بغير موبيلxhp
ودلوقتي سعره 100
وبالنسبة للفلتر مرة اه ومرة لا

[mada121977]

موضوع ممتاز كالعاده ياباشمهندس محمد
انا برضه كنت بفكر اغير الى شل علشان الناس اللى قالت ان الصوت بيبقى اهدى وانعم بس دلوقتى ان شاء الله هاستمر على الموبيل 1

[Hegazio]

برضه شيل الاصفر أحسن.. 15-50
و موبيل سوبر 20-50
و غير أي واحد فيهم لحد 10000..أو 5000 لو بتخاف

[mohamedway]

انا بقى بحط موبيل xhp
احسن بكتير لان كل 3 آالاف او 4 بالكتير
اغيره
لاني مش مقتنع برده ان زيت يقعد 10000 في المحرك
ولو جيت تبص لها موبيل 1 اوفر طبعا
لان انا كل 3 بغير موبيلxhp
ودلوقتي سعره 100
وبالنسبة للفلتر مرة اه ومرة لا

أنا ليا تحفظ على هذا الكلام وهو أنه لا يمكن مقارنة زيت معدنى بزيت تخليقى أبدا فى الآداء و حماية و إطالة عمر المحرك بصرف النظر عن عدد الكيلومترات اللى ممكن يعملها الزيت و أنا لما بحط زيت تخليقى 100% فى عربيتى ما بيبقاش هدفى انى أريح دماغى منه لمدة 10000كم و لكن هدفى ان الزيت اللى يبقه جوه موتور عربيتى و أنا بأقرص عليه و بشد بيه و بأجرى جامد يكون على نفس المستوى من هذا الإستخداتم و بزياده كمان و يستحمل معايا ده غير انه فعلا بيطول عمر المحرك عن الزيوت العاديه و ده معلومه لا جدال فيها حتى ولو الجو عندنا ما بيبقاش بارد قوى زى بره و الكلام ده و بيحافظ على المحرك و خصوصا مع الإستخدام الشاق أكتر من الزيوت العاديه حتى ولو بقاله فى العربيه 10000كم أفضل من الزيت المعدنى حتى و لو هتغيره كل 1000كم فقط

الزيت التخليقى تكنولوجيا مختلفه و بيقلل الإحتكاك بين إجزاء المحرك أكثر من المعدنى (مش بس فى البرد و لكن فى ظروف التشغيل العادية) وله قدرة على التبريد أفضل من الزيت المعدنى (يعنى الأجزاء الداخليه للمحرك مع الزيت التخليقى بتبقى أبرد وكمان قدرته على تنظيف المحرك أعلى و بيتقلب جوه الموتور بسهوله أكثر مما يجعل الموتور أداؤه أفضل و خفيف فى حركته و كمان إنبعاثاته و بخره أقل فبيخلى الإحتراق أفضل)

ومن الآخر كده عندى ليكم صدمه (مش هتبسط منتجى الزيوت):
الزيوت العادية أصلا اللى درجتها sl زى موبيل xhp مثلا أو ما يعادله من شل ممكن يقعد فى العربيه لغاية 15000كم و أكثر كمان و طبعا الزيت التخليقى ممكن يقعد أكتر من كده كمان بس إحنا هنا إللى محسوكين و منتجى الزيوت بيشتغلونا عشان يبيعوا أكتر و بصرف النظر عن ماركة الزيت فالزيوت لها مستويات أداء مختلفه (و أنا أقصد الزيوت بصفه عامه مش التخليقى فقط) زى مثلا

sm(وده فى التخليقى فقط)
sl
sj
sg
sf
se
sd
وهكذا..... وده هتلاقيه مكتوب على أى جركن زيت من أى نوع بتشتريه

و حرف الs الأولانى معناه إنه زيت لمحركات البنزين و نظيره لزيوت الديزل c

الحرف التانى ده بيعبر عن مستوى أداء الزيت (من أسفل لأعلى) و لو لاحظنا الحروف من تحت لفوق هنلاقيها مترتبه فى درجتها بناءا على ترتيبها فى الحروف الأبجديه الإنجليزيه.

نيجى بقه لإثبات الصدمه اللى قولتهالكم وهى ان الزيوت بتقعد أكتر بكتير من اللى إحنا بنعمله هنا فى مصر؟!

ياريت كل واحد منا يبص فى كتالوج عربيته و هيلاقى مصنع سيارته محددله درجة أداء الزيت الذى يوفى متطلبات أداء المحرك بتاع العربيه و كمان محدد يتغير كل كام كيلومتر و هتلاقوا مفاجآت كتيرة و أنا عن نفسى هقولكم مفجأتى فى كتالوج عربيتى (لانسر 1600 موديل 2006)

الزيت المطلوب لها مستوى se أو أعلى !!!!!!!!!!!! (يتغير كل 15000كم مع الإستخدام العادى و كل 5000كم لو الإستخدام شاق)

كمان كاتب لو ما لقيتش se و إضطريت تحط sd يبقى يتغير على 10000كم فقط (عشرة آلاف) (إستخدام عادى).


طبعا كل لما مستوى أداء الزيت بيعلى بيستحمل أكتر و ثبات خواصه بيبقه أعلى و بيقعد كيلومترات أكثر فلما الse فى الانسر يتغير كل 15000كم يبقى
الsf على كام........؟
وال sg على كام.......؟
وال sj على كام........؟
وال sl على كام.......؟
والsm (تخليقى) يتغير على كام..................؟؟؟؟!!!! طبعا كتير قوى. بس طبعا لما بيستخدم فى عربية زى البورش أو الفيرارى يبقه يدوب يتغير على 10000كم و ماينفعش أصلا تستخدم زيت أقل منه و إلا الموتور يبوظ لأن أى زيت تانى هيفقد خواصه فى لحظات مع هذه المواتير........!!!

يبقى محدش يقولى مايجيليش قلب أقعد الزيت 10000كم و الكلام ده و إحنا لما بنحط فى عربياتنا المتواضعه زيوت تخليقيه و بنغيرها على 10000كم يعتبر بنغيرها بدرى جدا و لما بتحط زيت تخليقى يبقى أكيد بتطول عمر موتور عربيتك أكتر ما فيهاش فصال علميا و هندسيا و حتى أوفرلك من كل 3000كم 100 جنيه و انت فاكر بالوهم انك كده بتعمل الأفضل لعربيتك عشان مش جايلك قلب تقعد الزيت 10000كم؟؟؟!!!

فى ضوء ما ذكرته سابقا لو حضرتك عاوز تقعد موبيل xhp فى عربيتك 10000كم مافيش أى مشكله خالص لأنهSL.


!!!!!!!!!!!!!!!!!!!!!!!!!!!!!!!!!!!!!!

[Medo007]

أنا ليا تحفظ على هذا الكلام وهو أنه لا يمكن مقارنة زيت معدنى بزيت تخليقى أبدا فى الآداء و حماية و إطالة عمر المحرك بصرف النظر عن عدد الكيلومترات اللى ممكن يعملها الزيت و أنا لما بحط زيت تخليقى 100% فى عربيتى ما بيبقاش هدفى انى أريح دماغى منه لمدة 10000كم و لكن هدفى ان الزيت اللى يبقه جوه موتور عربيتى و أنا بأقرص عليه و بشد بيه و بأجرى جامد يكون على نفس المستوى من هذا الإستخداتم و بزياده كمان و يستحمل معايا ده غير انه فعلا بيطول عمر المحرك عن الزيوت العاديه و ده معلومه لا جدال فيها حتى ولو الجو عندنا ما بيبقاش بارد قوى زى بره و الكلام ده و بيحافظ على المحرك و خصوصا مع الإستخدام الشاق أكتر من الزيوت العاديه حتى ولو بقاله فى العربيه 10000كم أفضل من الزيت المعدنى حتى و لو هتغيره كل 1000كم فقط

الزيت التخليقى تكنولوجيا مختلفه و بيقلل الإحتكاك بين إجزاء المحرك أكثر من المعدنى (مش بس فى البرد و لكن فى ظروف التشغيل العادية) وله قدرة على التبريد أفضل من الزيت المعدنى (يعنى الأجزاء الداخليه للمحرك مع الزيت التخليقى بتبقى أبرد وكمان قدرته على تنظيف المحرك أعلى و بيتقلب جوه الموتور بسهوله أكثر مما يجعل الموتور أداؤه أفضل و خفيف فى حركته و كمان إنبعاثاته و بخره أقل فبيخلى الإحتراق أفضل)

ومن الآخر كده عندى ليكم صدمه (مش هتبسط منتجى الزيوت):
الزيوت العادية أصلا اللى درجتها sl زى موبيل xhp مثلا أو ما يعادله من شل ممكن يقعد فى العربيه لغاية 15000كم و أكثر كمان و طبعا الزيت التخليقى ممكن يقعد أكتر من كده كمان بس إحنا هنا إللى محسوكين و منتجى الزيوت بيشتغلونا عشان يبيعوا أكتر و بصرف النظر عن ماركة الزيت فالزيوت لها مستويات أداء مختلفه (و أنا أقصد الزيوت بصفه عامه مش التخليقى فقط) زى مثلا

sm(وده فى التخليقى فقط)
sl
sj
sg
sf
se
sd
وهكذا..... وده هتلاقيه مكتوب على أى جركن زيت من أى نوع بتشتريه

و حرف الs الأولانى معناه إنه زيت لمحركات البنزين و نظيره لزيوت الديزل c

الحرف التانى ده بيعبر عن مستوى أداء الزيت (من أسفل لأعلى) و لو لاحظنا الحروف من تحت لفوق هنلاقيها مترتبه فى درجتها بناءا على ترتيبها فى الحروف الأبجديه الإنجليزيه.

نيجى بقه لإثبات الصدمه اللى قولتهالكم وهى ان الزيوت بتقعد أكتر بكتير من اللى إحنا بنعمله هنا فى مصر؟!

ياريت كل واحد منا يبص فى كتالوج عربيته و هيلاقى مصنع سيارته محددله درجة أداء الزيت الذى يوفى متطلبات أداء المحرك بتاع العربيه و كمان محدد يتغير كل كام كيلومتر و هتلاقوا مفاجآت كتيرة و أنا عن نفسى هقولكم مفجأتى فى كتالوج عربيتى (لانسر 1600 موديل 2006)

الزيت المطلوب لها مستوى se أو أعلى !!!!!!!!!!!! (يتغير كل 15000كم مع الإستخدام العادى و كل 5000كم لو الإستخدام شاق)

كمان كاتب لو ما لقيتش se و إضطريت تحط sd يبقى يتغير على 10000كم فقط (عشرة آلاف) (إستخدام عادى).


طبعا كل لما مستوى أداء الزيت بيعلى بيستحمل أكتر و ثبات خواصه بيبقه أعلى و بيقعد كيلومترات أكثر فلما الse فى الانسر يتغير كل 15000كم يبقى
الsf على كام........؟
وال sg على كام.......؟
وال sj على كام........؟
وال sl على كام.......؟
والsm (تخليقى) يتغير على كام..................؟؟؟؟!!!! طبعا كتير قوى. بس طبعا لما بيستخدم فى عربية زى البورش أو الفيرارى يبقه يدوب يتغير على 10000كم و ماينفعش أصلا تستخدم زيت أقل منه و إلا الموتور يبوظ لأن أى زيت تانى هيفقد خواصه فى لحظات مع هذه المواتير........!!!

يبقى محدش يقولى مايجيليش قلب أقعد الزيت 10000كم و الكلام ده و إحنا لما بنحط فى عربياتنا المتواضعه زيوت تخليقيه و بنغيرها على 10000كم يعتبر بنغيرها بدرى جدا و لما بتحط زيت تخليقى يبقى أكيد بتطول عمر موتور عربيتك أكتر ما فيهاش فصال علميا و هندسيا و حتى أوفرلك من كل 3000كم 100 جنيه و انت فاكر بالوهم انك كده بتعمل الأفضل لعربيتك عشان مش جايلك قلب تقعد الزيت 10000كم؟؟؟!!!

فى ضوء ما ذكرته سابقا لو حضرتك عاوز تقعد موبيل xhp فى عربيتك 10000كم مافيش أى مشكله خالص لأنهSL.


!!!!!!!!!!!!!!!!!!!!!!!!!!!!!!!!!!!!!!

شكرا لرد حضرتك والافادة والشرح
طب لو انا حطيت موبيل 1 واستخدامي شاق وجيت مثلا بعد 3 او 4 آالاف هل هلاقي الزيت في نسبة احتراق زي اللى كان موجود موبيلxhp ولا هيبقى فيه نسبة احتراق بس مش زي اكس اتش بي ؟؟؟
مجرد سؤال لكن خلاص انا فهمت ان الزيت التخليقي افضل وشكراا

[lovelorn]

انا كنت بستخدم موبيل 1 حتى 15000 كم ثم شيل حتى الأن 53500 كم ...

بيقولوا على شيل ألترا انه أرخص من موبيل1

أخر مرة اشتريته ب 230 ومعرفش الصراحة موبيل بكام .

بيقولوا على شيل ألترا إنه مستورد و متعبى بره

لما غيروا شكل العلبة أصبح يحمل الصفة المصرية ... بس الشكل القديم للعلبة كان مستورد ... بس ملاحظتش غير فرق واحد بينهم وهو ان الزيت حاليا ( بعد 8500 كم ) لونه اغمق اسرع .. بس ممكن يكون السبب لأنى بمشى فى طرق زحمة وقليل على طرق سريعة ... على العكس فى الأول كان اغلب المشى على الصحراوى ... الله اعلم ... ممكن تقول انتا السبب ..

بيقولوا على شيل ألترا انه بيعمل فرق ملحوظ فى هدوء و نعومية الموتور و أداؤه

ابصملك بالعشرة ان الكلام ده صح 100% ... وخليت صاحبى يستخدمه فى فيات أونو ومكنش مصدق ان صوت الموتور بقى هادى كده ... وعلى فكره بيزود السحب بتاع الموتور ...

بيقولو إن لونه مش بيغمق و يسود بسرعه زى موبيل1

المستورد فعلا كان بينزل انضف من موبيل وان ... هوا معفن برده بس مش غامق أوى زى موبيل ... والمصرى على بال ما انزلوا حيكون بلاك ...

الموبيل1 هو الأشهر عالميا

مشهور اه ... بس متنساش ان بورش وفيرارى بيتخدموا شيل ..

شيل ألترا 5w-40 أما موبيل1 5w-50

كان ردى حيكون ان شل بيستحمل لغاية 50 بس الحمد لله انتا رديت بدالى ..


ليا صاحبى نازل من السعودية كمان شهر ممكن اخليه يجيب شل من هناك واقولك لو فيه فرق ...

[as01241]

ومن الآخر كده عندى ليكم صدمه (مش هتبسط منتجى الزيوت):
الزيوت العادية أصلا اللى درجتها sl زى موبيل xhp مثلا أو ما يعادله من شل ممكن يقعد فى العربيه لغاية 15000كم و أكثر كمان و طبعا الزيت التخليقى ممكن يقعد أكتر من كده كمان بس إحنا هنا إللى محسوكين و منتجى الزيوت بيشتغلونا عشان يبيعوا أكتر و بصرف النظر عن ماركة الزيت فالزيوت لها مستويات أداء مختلفه (و أنا أقصد الزيوت بصفه عامه مش التخليقى فقط) زى مثلا

sm(وده فى التخليقى فقط)
sl
sj
sg
sf
se
sd
وهكذا..... وده هتلاقيه مكتوب على أى جركن زيت من أى نوع بتشتريه

و حرف الs الأولانى معناه إنه زيت لمحركات البنزين و نظيره لزيوت الديزل c

الحرف التانى ده بيعبر عن مستوى أداء الزيت (من أسفل لأعلى) و لو لاحظنا الحروف من تحت لفوق هنلاقيها مترتبه فى درجتها بناءا على ترتيبها فى الحروف الأبجديه الإنجليزيه.

نيجى بقه لإثبات الصدمه اللى قولتهالكم وهى ان الزيوت بتقعد أكتر بكتير من اللى إحنا بنعمله هنا فى مصر؟!

ياريت كل واحد منا يبص فى كتالوج عربيته و هيلاقى مصنع سيارته محددله درجة أداء الزيت الذى يوفى متطلبات أداء المحرك بتاع العربيه و كمان محدد يتغير كل كام كيلومتر و هتلاقوا مفاجآت كتيرة و أنا عن نفسى هقولكم مفجأتى فى كتالوج عربيتى (لانسر 1600 موديل 2006)

الزيت المطلوب لها مستوى se أو أعلى !!!!!!!!!!!! (يتغير كل 15000كم مع الإستخدام العادى و كل 5000كم لو الإستخدام شاق)

كمان كاتب لو ما لقيتش se و إضطريت تحط sd يبقى يتغير على 10000كم فقط (عشرة آلاف) (إستخدام عادى).


طبعا كل لما مستوى أداء الزيت بيعلى بيستحمل أكتر و ثبات خواصه بيبقه أعلى و بيقعد كيلومترات أكثر فلما الse فى الانسر يتغير كل 15000كم يبقى
الsf على كام........؟
وال sg على كام.......؟
وال sj على كام........؟
وال sl على كام.......؟
والsm (تخليقى) يتغير على كام..................؟؟؟؟!!!! طبعا كتير قوى. بس طبعا لما بيستخدم فى عربية زى البورش أو الفيرارى يبقه يدوب يتغير على 10000كم و ماينفعش أصلا تستخدم زيت أقل منه و إلا الموتور يبوظ لأن أى زيت تانى هيفقد خواصه فى لحظات مع هذه المواتير........!!!

يبقى محدش يقولى مايجيليش قلب أقعد الزيت 10000كم و الكلام ده و إحنا لما بنحط فى عربياتنا المتواضعه زيوت تخليقيه و بنغيرها على 10000كم يعتبر بنغيرها بدرى جدا و لما بتحط زيت تخليقى يبقى أكيد بتطول عمر موتور عربيتك أكتر ما فيهاش فصال علميا و هندسيا و حتى أوفرلك من كل 3000كم 100 جنيه و انت فاكر بالوهم انك كده بتعمل الأفضل لعربيتك عشان مش جايلك قلب تقعد الزيت 10000كم؟؟؟!!!

فى ضوء ما ذكرته سابقا لو حضرتك عاوز تقعد موبيل xhp فى عربيتك 10000كم مافيش أى مشكله خالص لأنهsl.


!!!!!!!!!!!!!!!!!!!!!!!!!!!!!!!!!!!!!!

موضوع جميل ومفيد وأشكرك عليه بس كان ليا إستفسار فى شرح أنواع الزيوت زي ما حضرتك شرحتها فوق كده , أنا بحط في عربيتي أو بمعنى أصح بيحطوا لي فى التوكيل في الصيانة زيت توتال5000 ولما رجعت أقارن بالأنواع دي لقيت مواصفاته كالتالي : Total quartz 5000 sm 15w50
ومع ذلك بينزل على 5000 وده اللي مكتوب على الجركن مع إنه كده وحسب الفئات اللي فوق يبقى تخليقي ؟ ولا حضرتك إيه رأيك؟

[Ahmed Hassan]

موضوع جميل ومفيد وأشكرك عليه بس كان ليا إستفسار فى شرح أنواع الزيوت زي ما حضرتك شرحتها فوق كده , أنا بحط في عربيتي أو بمعنى أصح بيحطوا لي فى التوكيل في الصيانة زيت توتال5000 ولما رجعت أقارن بالأنواع دي لقيت مواصفاته كالتالي : Total quartz 5000 sm 15w50
ومع ذلك بينزل على 5000 وده اللي مكتوب على الجركن مع إنه كده وحسب الفئات اللي فوق يبقى تخليقي ؟ ولا حضرتك إيه رأيك؟

Total 5000 مش تخليقي. هل حضرتك متأكد ان مواصفاته SM؟

[mohamedway]

total 5000 مش تخليقي. هل حضرتك متأكد ان مواصفاته sm؟

بصراحه المواصفه ده عجيبه جدا و أول مره أشوف كده و لو فرضنا جدلا انه sm فعلا رغم انه معدنى يبقى المفروض يقعد كيلو متر أكتر من 5000كم بكتير و لو فرضنا انه بيقعد 5000 فقط يبقى مستحيل يكون sm إلا لو المقصود من 5000كم ده انها الكيلومتر إللى بيتغير عليه فى عربيه بورش أو فيرارى و ساعتها يبقى منطقى (بتختلف حسب متطلبات العربيه اللى هيتحط فيها الزيت عشان كده الشركات المحترمه زى شيل و موبيل بتكتفى بتحديد نوع و جودة الزيت و عمرها ما كتبت على جركن زيت بيقعد كام كيلومتر) بس الخلاصه أقدر أقولك ان زيت توتال اللى بتقول عليه ده فيه إستهبال بس المغالطة فى ايه بالضبط؟؟؟؟ لا أعرف.