هل يجب تغيير زيت الفرامل؟؟ الاسباب الكميائية و الفنية

[MMamdouh]

التغيير بيبقى من خلال فك خازنة الزيت و تفريغ محتوايتها و تنظيغفها بالماء ثم التجفيف جيدا و اعادة التركيب

بعد كدة بتملا الخازنة زيت جديد و ترفع عجلة عجلة و تفتح لاكور الهوا و تسيب الزيت بنزل لحد ما الزيت اللى نازل يبقى شفاف تماما... الزيت القديم بيبقى اصفر شوية

الطريقة دى مبتدخلش اى هوا فى الفرامل لانك بتبقى سايب زيت فى الدايرة طول الوقت بالتالى مفيش اى فرصة للهوا يتسرب

الكمية المناسبة تعتمد على تصميم العربية... راجع كتالوج العربية حتلاقى سعة دورة زيت الفرامل بالتحديد و غالبا حتبقى فى حدود نص لتر

MMamdouh

[dr.nemo]

موضوع هايل
تسلم ايدك يا ا/محمد

[aymenseef]

انا عملت الموضوع ده من 6 شهور وحسيت بفرق جامد بس خليت الميكانيكي ينظف الدوره كلها بالهوا وبعدين خدنا هوا لكل ماستر لوحده

[mkhalifa73]

موضوع جميل الف شكر

[El Prince]

جميل يا باشا
بس واضح ان لو اللى هايغير الزيت ماعندوش الفنيات الازمه .. يبقى بلاش تغيير أصلاً الا فى التوكيل مثلاً و ده هايبقى حسب الكتالوج مش بمزاجنا ..

[gomangy]

جزاك الله خيرآ على المعلومة المهمة جدآ

[HRH_Sameh]

معلومات مفيده ومهمة جدا
بس فعلا زي ما بتقولوا اللي هايعمل الشغل ده اذا ما كانش تمام وانت متابعه وهو شغال
يبقى بلاش احسن عشان لا قدر الله العك في الفرامل عواقبه مش كويسه

[AboELsoud]

الف الف شكر يا باشا .......... تسلم ايديك

[zanativich]

انت كدة جبت الزتونة بتاع الموضوع

[msafa]

ناس كتير بتسال فى الموضوع دة و بتقول هل لازم نغير الزيت ولا لا؟ و هل هو اصلا ضرورى ولا لا؟......قبل ما نجاوب على سؤال "نغير ولا لا" نقول الاول تاثير الزمن على الزيت

زيت الفرامل عندة شرة لامتصاص الرطوبة من الجو... حتى حتلاقى على علبة زيت الباكم انك متستعملش زيت من علبة كانت متسابة مفتوحة مدة

طيب ايه القضية فى كدة؟؟؟

زيت الفرامل له درجة غليان و كل ما بيمتص رطوبة درجة الغليلن دى بتقل و بالتالى بيبقى عرضة اكتر للغليان مع مرور الوقت

لاحظوا كمان اننا بنتكلم فى نسب قليلة جدا من الرطوبة بس ليها تاثير كبير على حرارة الغليان زى ما هو موضح فى الرسم البيانى



ماشى برضة فين المشكلة؟؟

المشكلة فا حاجتين... اولا لو الزيت غلى حيطلع فقاقيع هوا... يعنى حيتولد جوة دايرة الفامل بتاعتك هوا نتيجة الغليان و كلنا عارفين التاثير السلبى لوجود هوا فى الفرامل... حتلاقى الدواسة زى السفنجة و العربية متفرملش لان الهوا زية زى اى غاز بيبقى قابل للانظغاط بالتالى لما تكبس فرامل جزء كبير من قوة الفرملة حيروح فى ضغط الهوا اللى جوة الدايرة بدل ما يضغط على مكابس الفرامل و بالتالى التاثير على تيل الفرامل و اجبارة على الاحتكاك بالطنابير

المشكلة التانية ان الرطوبة فى الاساس ميه... و المية بتسبب الصداء... الموضوع مش فارق اوى لو عربيتك مفيهاش abs... لكن لو فيها ممكن ترسبات الصداء تعمل مشكلة مع بلوف نظام الabs و تسبب انسداد يعوق عمل النظام

اذا من هنا نكتشف ان زيت الفرامل كفائتة بتقل مع الوقت و يجب تغييرة دوريا... و يفضل لما تغير تجيب زيت dot4 و دة له درجة غليان اعلى من dot3 بالتالى بيديك امان اكتر



mmamdouh

بجد معلومات مفيدة جدا

الف شكر ليك

[Ahmed Galal]

انا لسه جايب زيت فرامل تويوتا من عند عرفة جابر
والعلبة بــ 30 جنيه أمريكي
وهو 300 ملي وشوية وعلى فكره هو dot 3
بس المشكلة ان كل لما اقول لحد انا عاوز اغير الزيت كله يقولي لا بلاش علشان الهواء

طيب السؤال دلوقتي لمن غير الزيت قبل كده مثلا في التوكيلات او بره التوكيلات
ازاي بيتغير
يعني ازاي بتنزل القديم وتحط الجديد بدون ما تدخل هواء
أنا متأكد اكيد ان فيه طريقة صحيحة عمليه للتغير متدخلشي الهواء
ولكن انا حابب اعرفها
ثانيا غالبا الكمية الكافية للتبديل بتبقى اد ايه بالظبط ولكم جزيل الشكر
وشكرا يا محمد للموضوع الجميل

نفس مشكلتى الميكانيكى ما بيرضاش يغيره و بيقول عشان الهوا و الحل اننى جبت حقنة و شفطت الزيت كله اللى فى العلبة و حطيت زيت جديد و كررت الموضوع تلات مرات على امل اانى اكون غيرته و الحمد لله الوضع كويس

[mahmoudysf]

موضوع ممتاز
بس الغريبة ان فعلا معظم الميكانيكية ما بيردوش يغيرو الزيت

[ابوهاشم]

الف شكر ياباشا
انا شوفت فى الكتالوج مكتوب
يتغير كل 10000

[د.محمود صلاح]

شكراً جزيلاً لموضوعك لسه قرأته حالاً

[ahit]

معلومة جديدة بالنسبالى
جزاك الله خيراً