إعـــــــلان

Collapse

.

,
See more
See less

تغيير مياة الرادياتير مع طريقة تحضير المياة الخضراء

Collapse
X
 
  • Filter
  • الوقت
  • Show
Clear All
new posts

  • تغيير مياة الرادياتير مع طريقة تحضير المياة الخضراء

    طبع قبل ما ابدأ الموضوع انا عملت الموضوع دة لأى حد بيسأل على حوار المية الخضرا وازاى تتعمل وبالاخص طنانى اللى لسة مقتنع ان المية الخضرا ملهاش لازمة وبيستعمل مية مقطرة بس وبنحاول نقنعة انة يعمل مية خضرا
    الموضوع دة متجرب فى اكتر من عربية بدون مشاكل نهائيا
    اكتر تجربة كانت على عربية مازدا 1982 لمدة 24 سنة و 214000 كلم بدون فك ايا من اجزاء دورة التبريد نهائيا (تم تغيير طلمبة المية مرة واحدة فقط) وبدون اى مشاكل

    فى البداية هوضح كام نقطة بس
    المية الخضرا عبارة عن اثيلين جليكول + مية مقطرة
    طبعا المية المقطرة علشان الاملاح والشوائب والكلام الحلو دة
    فايدة الاثيلين جليكول انة بيزود رينج درجات الحرارة بمعنى انة بيقلل درجة تجمد المية وفى نفس الوقت بيرفع درجة غليانها ودة اللى يهمنا دة غير انة بعمل على تزييت الاجزاء المنتحركة فى دورة المية زى الطلمبة طبعا ودة بيحافظ عليها ويزود عمرها

    طيب اية فايدة انة يرفع درجة غليان المية:
    1- درجة غليان المية العادية عند 100 درجة مئوية وبالتالى المية بتتحول لبخار
    الحجم النوعى للبخار اعلى من السائل وبالتالى محتاج مساحة اكبر وبما ان الدورة مضغوطة ومحكمة دة معناة ضغط زيادة جوة دورة المية وبالتالى مع الوقت هيبتدى يأثر على اجزاء الدورة ويحصل تسريب

    2- كفاءة المية فى التبريد اعلى من البخار يعنى كفاءة التبريد هتقل



    نيجى لطريقة الشغل

    1- هنشترى علبة اثيلين جليكول من البنزينة ( فى انواع كتير بس دة انضفهم وانضف من cyclo عن تجربة)
    تمنة كان حوالى 30 جنية مش فاكر كام بالظبط علشان كنت شارية مع حاجات تانية





    2- مية مقطرة - فكترا بى لو فاضية تماما بتاخد حوالى 7.2 لتر (تمن العلبة دى 2.5 جنية)
    او ممكن تجمع مية التكييف فى جركن او جردل وتستعملها ( طبعا انضف واضمن)




    طريقة التغيير:

    1- طبعا فى الاول هتصفى المية وتغسل الدورة ( بصراحة انا استسهلت لأن مكنش عندى وقت ومكنتش فايق انى اعملها فعملتها فى البنزينة ب 25 جنية )
    ملحوظة مهمة وانت بتعمل الحوار دة ابقى هات سويتش الحرارة بتاع الدفاية على اخر الاحمر علشان يصفى المية اللى فى الدفاية

    2- هات جركن فاضى وفضى فية الكان بتاعة الاثيلين وفضى عليها المية ورج الجركن وبعدين زود المية (طبعا بعد تصفية القديم وغسل الدورة)


    3- اقفل غطا القربة بعد ماتخلص
    ملحوظة مهمة بتعمل مشاكل كتير : متربطش الغطا كأنك بتقرط على عجل العربية لأ لف الغطا بالراحة لحد لما يقف وبس ( الغطا دة عبارة عن صمام ضغط لما بتقرط علية زى الصنايعية لما بيعملوا انت كدة بتلغى وظيفتة)

    4- دور العربية وسيبها تسخن علشان تطلع الهوا منها

    وبس !!

    الموضوع من كتابتى وغير منقول

  • #2
    الله ينور يا بشمهندس أحمد
    تسلم إيدك يا كبير
    بس أنا عندى إستفسار أنا كنت سمعت إن الموضوع دة ممكن لو العربية عايزة عمرة يستعجلها عشان بيبقى فيه رواسب مع التشغيل فتسد مكان التأكل
    فهل دة صحيح ولا لأ
    [CENTER]أرجو من جميع الأعضاء قراءة هذا الموضوع[/CENTER]
    [CENTER]مفاجأة عبدالله أوبل ........ هام (أرجو الدخول من الجميع)[/CENTER]
    [CENTER]http://www.nilemotors.net/Nile/249572-a.html[/CENTER]

    Comment


    • #3
      تسلم ايديك يا بشمهندس وان شاء الله نجرب الموضوع ده اقولك علي تجربتي
      سبحانك اللهم وبحمدك ، أشهد أن لا إله إلا أنت أستغفرك وأتوب إليك
      Ahmad Zarzora

      Comment


      • #4
        تسلم ايدك يامعلم وبجد موضوع جامد جدا........
        [CENTER][COLOR=darkred][SIGPIC][/SIGPIC][/COLOR][/CENTER]

        [CENTER][SIZE=2][COLOR=darkred]I don't know the key to success, but the key to failure is trying to please everybody[/COLOR][/SIZE][/CENTER]

        [CENTER][SIZE=4][COLOR=darkred][URL="http://www.nilemotors.net/Nile/149529-a.html"]Alfa = BMW = Toyota[/URL][/COLOR][/SIZE][/CENTER]

        [CENTER][SIZE=3][COLOR=darkred][URL="http://www.nilemotors.net/Nile/157435-splitfire.html"]الحقيقة وراء SplitFire[/URL][/COLOR][/SIZE][/CENTER]

        Comment


        • #5
          المشاركة الأصلية كتبت بواسطة ahmed_lol2007 مشاهدة المشاركة
          الله ينور يا بشمهندس أحمد
          تسلم إيدك يا كبير
          بس أنا عندى إستفسار أنا كنت سمعت إن الموضوع دة ممكن لو العربية عايزة عمرة يستعجلها عشان بيبقى فيه رواسب مع التشغيل فتسد مكان التأكل
          فهل دة صحيح ولا لأ
          بص انا مش هقولك صح ولا غلط بس هقولك على حاجة وانت احكم على الكلام دة بنفسك

          دلوقتى عربية محتاجة عمرة يعنى محتاجة طقم شنبر وخرط سلندرات وهنقول تغيير بساتم كمان ( موتور خربان يعنى)

          مية التبريد ليها مجارى فى بلوك الموتور بتمشى فيها يعنى ملهاش دعوة بغرفة الحريق اللا انها بتبردها , لا بتيجى ناحيى بساتم ولا شنابر ولا اسطوانات من جوة

          تفتكر بقى تأثر ولا لأ ؟؟!!!!
          اية رأيك فى الكلام دة دلوقتى؟؟

          Comment


          • #6
            ديما متالق يا بشموهندس احمد تحية حارة
            [CENTER][I][U][SIZE=3][COLOR=black][SIGPIC][/SIGPIC][/COLOR][/SIZE][/U][/I][/CENTER]

            [CENTER][I][U][COLOR=black][SIZE=7][COLOR=magenta]i love my[/COLOR] [COLOR=magenta]car[/COLOR][/SIZE][/COLOR][/U][/I][/CENTER]

            Comment


            • #7
              والله يا بشمهندس أنا معاك وعارف إن ملهاش علاقة بأى شى من الحوار دة
              بس أنا حبيت أطمن عشان انا كنت هعمل كدة بس واحد جارى عملى حوار
              وأنا ما أقتنعتش بكلامه (لان أنا كنت بحط مية خضرا للعربية الاكسيل وبحط لدى ميه عادية)
              أنا عارف إنه غلط بس لغاية أما أخلص إمتحانات وأروح أشترى اللى إنت قولت عليه دة وأجربه
              [CENTER]أرجو من جميع الأعضاء قراءة هذا الموضوع[/CENTER]
              [CENTER]مفاجأة عبدالله أوبل ........ هام (أرجو الدخول من الجميع)[/CENTER]
              [CENTER]http://www.nilemotors.net/Nile/249572-a.html[/CENTER]

              Comment


              • #8
                يعنى الموضوع كلف 30 + (2.5×7=17.5)=47.5 جنيه
                طب مش أسهل واريح نجيبها جاهزة ب 42 جنيه وممكن نزود بعد كده مياه مقطرة لما تنقص
                وللا الطريقة دى لها مزايا أخرى ؟
                [img2]http://i1023.photobucket.com/albums/af355/khaled_now/Awards2012-2015.gif[/img2]
                [COLOR=Blue][marq="4;right;3;scroll"]لا اله الا الله وحده لاشريك له .. له الملك وله الحمد .. يحيى ويميت وهو على كل شئ قدير[/marq][/COLOR]

                Comment


                • #9
                  المشاركة الأصلية كتبت بواسطة Ahmed_lol2007 مشاهدة المشاركة
                  والله يا بشمهندس أنا معاك وعارف إن ملهاش علاقة بأى شى من الحوار دة
                  بس أنا حبيت أطمن عشان انا كنت هعمل كدة بس واحد جارى عملى حوار
                  وأنا ما أقتنعتش بكلامه (لان أنا كنت بحط مية خضرا للعربية الاكسيل وبحط لدى ميه عادية)
                  أنا عارف إنه غلط بس لغاية أما أخلص إمتحانات وأروح أشترى اللى إنت قولت عليه دة وأجربه
                  ياباشا اطمن انا بقولك عن تجربة فى عربية متفكش فيها مسمار فى دورة التبريد كلها لغاية الرادياتير طول 24 سنة
                  سيبك من جارك

                  يعنى الموضوع كلف 30 + (2.5×7=17.5)=47.5 جنيه
                  طب مش أسهل واريح نجيبها جاهزة ب 42 جنيه وممكن نزود بعد كده مياه مقطرة لما تنقص

                  وللا الطريقة دى لها مزايا أخرى ؟
                  هيا اتكلفت اكتر من 42.5 بدة غير تنضيف الدورة بس الموضوع مش بيتحسب كدة
                  الفكرة ان انا عملت حاجة انا ضامنها حتى لو هتكلفنى دلوقتى اكتر بس على المدى البعيد هتبقى اريح واوفر

                  المية انا بغيرها كل سنة , المهم جت عليا فترة كنت بكسل اعمل الحوار دة فا كنت بشترى مية خضرا عادية فى الاسبانى والسعودى والكلام دة وكنت ببعد تماما عن المصرى - قال يعنى هتبقى كدة اضمن !! - المهم بعد فترة بوظتلى القايم الفيبر بتاع الرادياتير ورحت غيرت القايم
                  قبل حوار القايم دة بكام يوم فتحت القربة اشوف المية كانت شكلها غريب تحس انها مش مية زى مايكون عليها نسبة حامض بعدها بكام يوم حصل الحوار دة واللى اكدلى موضوع الحامض بتاع الرادياتيرات يومها ورانى رادياتير ليبرتى زيرو - وقتها - رادياتيرها بايظ
                  هتقولى مية موبيل برضة فى مصر متضمنش حاجة شوية الوان وخلاص

                  الفكرة انى بعمل الحوار دة وانا مطمن وبحافظ على عربيتى

                  Comment


                  • #10
                    ماشى يا عم احمد
                    ان شاء الله يوم الجمعه هاعملها و اغسل و اغير و اهو التكييف شغال طول اليوم يجمع جركن 20 لتر
                    [CENTER][COLOR=royalblue][URL="http://www.postimage.org/image.php?v=gx27Yct0"][SIZE=1][COLOR=royalblue]لا[/COLOR][/SIZE][/URL][URL="http://www.postimage.org/image.php?v=gx27Yct0"][SIZE=1][COLOR=royalblue] اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتك[/COLOR][/SIZE][/URL][/COLOR][/CENTER]
                    [CENTER][B][SIZE=6][COLOR=darkorange]لو أن ابن آدم هرب من رزقه كما يهرب من الموت لأدركه رزقه كما يدركه الموت[/COLOR][/SIZE][/B][/CENTER]
                    [CENTER][SIZE=3][COLOR=black]محمد الطنانى[/COLOR][/SIZE][/CENTER]

                    Comment


                    • #11
                      النسبة كام يا عم احمد
                      [CENTER][COLOR=royalblue][URL="http://www.postimage.org/image.php?v=gx27Yct0"][SIZE=1][COLOR=royalblue]لا[/COLOR][/SIZE][/URL][URL="http://www.postimage.org/image.php?v=gx27Yct0"][SIZE=1][COLOR=royalblue] اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتك[/COLOR][/SIZE][/URL][/COLOR][/CENTER]
                      [CENTER][B][SIZE=6][COLOR=darkorange]لو أن ابن آدم هرب من رزقه كما يهرب من الموت لأدركه رزقه كما يدركه الموت[/COLOR][/SIZE][/B][/CENTER]
                      [CENTER][SIZE=3][COLOR=black]محمد الطنانى[/COLOR][/SIZE][/CENTER]

                      Comment


                      • #12
                        مشكور يااحمد بيه .الموضوع جديد وممتاز ,كانت جديده علي موضوع اني افتح هيتر الكابينه مع دوره التبريد ::b4_592:: بس تمام تسلم ايدك ..
                        اخوكم /فادي محمد عيد ..من مواضيعي المصوره للفيكترا بي ....

                        [URL]http://www.nilemotors.net/Nile/97671-b.html#post3872017889[/URL] تغيير اويل سايل اسبراتير
                        [URL]http://www.nilemotors.net/Nile/130445-b.html#post3872432932[/URL]تنظيف الايديال كونترول
                        [URL]http://www.nilemotors.net/Nile/150353-b.html#post3872669019[/URL]تعديل في اضاءه التابلوه
                        [URL="http://www.nilemotors.net/Nile/143705-b.html#post3872580355"]http://www.nilemotors.net/Nile/143705-b.html#post3872580355تغيير فرش السقف للفيكترا[/URL]
                        [URL="http://www.nilemotors.net/Nile/181441-a.html#post3873046581%D8%AA%D8%BA%D9%8A%D9%8A%D8%B1"]http://www.nilemotors.net/Nile/181441-a.html#post3873046581تغيير[/URL] جوان وش التاكيهات

                        hellboy سابقا

                        Comment


                        • #13
                          طيب يا باشا انا معايا النتر ا بقالها سنتين و عاملة 90 الف كيلو و مغيرتيش المياة لغيت دلؤتي وبزود بس القربة كل ما تنقص كدة غلط و لا لازم اغيرها
                          my jetta

                          Comment


                          • #14
                            ارجع للكتالوج و التوكيل
                            [CENTER][COLOR=royalblue][URL="http://www.postimage.org/image.php?v=gx27Yct0"][SIZE=1][COLOR=royalblue]لا[/COLOR][/SIZE][/URL][URL="http://www.postimage.org/image.php?v=gx27Yct0"][SIZE=1][COLOR=royalblue] اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتك[/COLOR][/SIZE][/URL][/COLOR][/CENTER]
                            [CENTER][B][SIZE=6][COLOR=darkorange]لو أن ابن آدم هرب من رزقه كما يهرب من الموت لأدركه رزقه كما يدركه الموت[/COLOR][/SIZE][/B][/CENTER]
                            [CENTER][SIZE=3][COLOR=black]محمد الطنانى[/COLOR][/SIZE][/CENTER]

                            Comment


                            • #15
                              المشاركة الأصلية كتبت بواسطة tananybasha مشاهدة المشاركة
                              النسبة كام يا عم احمد
                              ياباشا فضى الكان على دورة التبريد عندك
                              الكان مكتوب عليها فضى واحد كان لحد 20 كوارت يعنى تقريبا حوالى 16 لتر
                              ولو ظروف تشغيل سيئة يبقى واحد كان لكل 10 كوارت يعنى هيبقى تقريبا 8 لتر

                              Comment

                              Working...
                              X