مياه الردياتير الملونة

[arch_msaid]

السلام عليكم ورحمة الله
ياجماعة الخير أنا عايز أسأل على موضوع مياة الريدياتبر الملونة فى اللوجان!!!
أنا دورت ملقتش لون المياة الصفرا الموجودة فى اللوجانكل الموجود أخضر يا إما أحمر!!!
هل موضوع اللون ده مهم للدرجادى أنا سألت ناس قالولى لازم تحط نفس اللون لكن البنزية قالولى كله واحد ولا تفرق!!!!
ياريت لو حد عنده معلومات عن الموضوع ده يفيدنا

[zkralla]

اللون ملوش اى اهميه غير أنه بيخلى رؤيه مستوى الميه فى القربه اوضح فقط
لما الميه بتبقى بلونها الطبيعى مش بتبقى واضح قوى مستواها فى القربه
يعنى اى لون يقضى الغرض

[emadelspagh]

يا باشا كلها واحد بس هم بيزودوها في التوكيل وانت مش محتاج تزودها

[mostafabakry]

المياه اللي في اللوجان تقريبا توتال و انت ممكن تشتريها من التوكيل نفسه

[bishoy02010]

هوه حضرتك عايز تزود مياه ليه ؟؟؟

[best2010]

انا عامل 1000 كيلو ولقيت الميه اللى عندى نقصت وقربت من العلامة السفلى فزودتها مياة عادية (من الحنفيه )حتى وصل مستوى المياة مرة اخرى للعلامة العليا .. بس مش عارف ده صح واللا غلط

[Egyzizo]

ما فكرتش خالص أشيل معايا مياه للرادياتير احتياطى ..
هل ينصح بهذا فى سيارة زيرو ؟؟
يعنى هل وارد فعلاً ان المياه تنقص لدرجة تستلزم تزويدها ؟؟

[best2010]

ما فكرتش خالص أشيل معايا مياه للرادياتير احتياطى ..
هل ينصح بهذا فى سيارة زيرو ؟؟
يعنى هل وارد فعلاً ان المياه تنقص لدرجة تستلزم تزويدها ؟؟

انا كنت مستلم العربية ومستوى الميه عند الحد الأعلى للقربة وبعد فترة بقى بين العلامتين وبعدها بقى عند الحد الأسفل وما كونتش عارف سبب التناقص لأنها مش المفروض تنقص .. ولكن قولت يمكن السبب انى فتحت مرة غطاء القربة وما قفلتوش كويس ..
لكن المفروض ان المية دية تتزود فى الصيانات

[Super_Star_h]

الميه اللى كانت جايه مع عربيتى كانت خضرا
وانت قولت عربيتك جت بميه صفرا
يعنى اللون مالوش اي اهميه اساسآ ... مجرد لون
انا عربيتى برضو اما كانت فى مرحلة التليين وال 1000 كيلو زيك كده
كانت الميه بتنقص وكنت بزودها بميه من الحنفيه عادى
لكن فيما بعد الميه خلاص بطلت تنقص
هو فى الاول بس هتاكل شويه ميه بعد كده مش هتنقص عندك
ويا باشا اما تيجى تزود ميه للقربه زودها والعربيه بارده تمامآ يعنى الصبح كده قبل ما تدور العربيه
وعلى فكره دى ميه عاديه ودى ميه عاديه
بس فرق لون وماده معينه كده بتحمى شويه الرداتير من الصداء والتأكل

[cementman]

الميه اللى كانت جايه مع عربيتى كانت خضرا

وانت قولت عربيتك جت بميه صفرا
يعنى اللون مالوش اي اهميه اساسآ ... مجرد لون
انا عربيتى برضو اما كانت فى مرحلة التليين وال 1000 كيلو زيك كده
كانت الميه بتنقص وكنت بزودها بميه من الحنفيه عادى
لكن فيما بعد الميه خلاص بطلت تنقص
هو فى الاول بس هتاكل شويه ميه بعد كده مش هتنقص عندك
ويا باشا اما تيجى تزود ميه للقربه زودها والعربيه بارده تمامآ يعنى الصبح كده قبل ما تدور العربيه
وعلى فكره دى ميه عاديه ودى ميه عاديه
بس فرق لون وماده معينه كده بتحمى شويه الرداتير من الصداء والتأكل

لا طبعا مش ميه عادية

[arch_msaid]

جزاكم الله خير يار جالة
المشكلة إنى إدبست وإشتريت جركن ب 50 جنيه وبعد كده الناس خوفتنى
أنا عندى المية على حرف علامة الأقل بالظبط فقلت أزودها فجبت من موبيل جركن وقلت مش هيخسر بس لما خوفونى حاسيت إنى شربته,,
وفى أخر حاجة بقى غن الميكانيكى قالى حط ميه معدنية هاتختلط بيها وهاتبقى تمام
حتى العربية عايزة معدنية :(

[msafa]

جزاكم الله خير يار جالة
المشكلة إنى إدبست وإشتريت جركن ب 50 جنيه وبعد كده الناس خوفتنى
أنا عندى المية على حرف علامة الأقل بالظبط فقلت أزودها فجبت من موبيل جركن وقلت مش هيخسر بس لما خوفونى حاسيت إنى شربته,,
وفى أخر حاجة بقى غن الميكانيكى قالى حط ميه معدنية هاتختلط بيها وهاتبقى تمام
حتى العربية عايزة معدنية :(

انت مشربتوش ولا حاجة، لو ده مستورد و تركيزه 10% ييبقى كويس

بس يا سيدي

مية الرادياتير المفروض انها مية في مادة بتمنع الصدا ولو عربيتك جت بية خضرا و بعدين قلبت صفرا يبقى طبعا تغيره لأن ده معناه ان في شوية شوائب دههلت المية، يعني انا النية قلبت صفرا بس بعد فترة (ده في حالة ان المية كانت خضرا)

لو عاوز تستعمل الجركن ده ممكن تروح لأي بنزينة او بتاع رادياتير خليه ينزل المية القديمة و يحطلك الجركن اللي معاك و هياخد 5 جنيه ولا حاجة، بس لما بتزود مية من الجنفية التركيز بتاع المية الملونة بيقل و بيفقد خواصه و ممكن يسبب صدأ و تآكل، ولو خلاص اتزنقت زودها مية مقطرة من البنزينة

انا رأيي تروح للبنزينة و تنزل المية القديمة و يحطلك الجديدة
وبرضه ممكن تستنى رأي شباب اللوجان هنا

انا اساسا ضيف في القسم ده

[msafa]

بالمناسبة
متحطش مية معدنية في الرادياتير

[arch_msaid]

جزاك الله خير بجد
ريحتنى والله :)
وانت مش ضيف ولا حاجة إنت صاحب مكان وتشرف فى أى وقت والموضوع عام أيا كان نوع العربية

[Ahmed A Rahman]

بالمناسبة
متحطش مية معدنية في الرادياتير

بالضبط كده :b4_388:

مين اللي قالك حط ميا معدنية دا الميا العادية اصلا عيوبها ان فيها املاح بتترسب على دورة التبريد وتقلل كفائتها

يبقى الميا المعدنية الللي فيها نسبة املاح اكتر بكتير حتترسب اكتر

لو زنقت ميا مقطرة (ميا اتبخرت واعيد تكثيفها بدون املاح)