مياه الردياتير بها طحينة ( نصر 128 ) ؟؟؟؟

[refath]

السلام عليكم رحمة الله وبركاته

انا يا شباب لسه مغير الردياتير من اسبوعين نحاس 3 ماسورة ومركب ثرموستات 68 - 82 والحمد لله الحرارة لا تزيد عن 90 درجة وكمان غيرت طرمبة المياه يوم السبت اللى فات وغيرت خرطومين مياه عشان كانو بايظين
المشكلة ان بلاقى مياه الردياتير مزيتة وكمان زى ما يكون فيها طحينة بالضبط وكمان المياه بتنقص يعنى لازم ازودها كل يوم حوالى 1/4 لتر وممكن ازودها بعد كل مشوار

يا ترى فى خطورة بالنسبة لموضوع الزيت والطحينة دى
مع العلم انى العربية مبتسخنش منى خالص وكمان لون الزيت طبيعى جدا وكمان فتحت غطاء الزيت لاقيته نضيف ومفيهوش اى اثار طحينة
هل هذا من علامات جوان وش السلندر

[yoko]

ده طبعا جوان وش سلندر بس لسه في أولة ورأي الشخصي لإلحقة بدل ما تعملها معاك وإن في الطريق وتجيب الوش كله زي ما حصل معايا
كان فيه تسريب خفيف وكبرت دماغي وأنا ماشي على الدائري هوب العربيه وقفت فكيت الوش عند الميكانيكي لقيت الوش متاكل وعامل مجرى بين ال4 سلندرات كإنهم واحد!!!

[refath]

معلش ممكن اعرف التكلفة تقريبا كام
وبياخد وقت

[yoko]

مش فاكر بالظبط بس الجوان مكملش 20 جنيه والمصنعيه مش كتير مش فاكر بالظبط بس متأكد إن مكملتش 200 جنيه بالإكراميات
وده سبب إن العربيه بتاكل بنزين

[refath]

200 جنيه مصنعية


ربنا ييسر الحال
الف شكر على المساعدة
وربنا يشفيك ان شاء الله

[H_Daim]

200 جنيه مصنعية


ربنا ييسر الحال
الف شكر على المساعدة
وربنا يشفيك ان شاء الله

بص يا سيدي انا لسه عامل المشوار ده انت هاتجيب 2 جوان وش سلندر 30جو جوان مانفول 8ج و 2 جوان شكمان كحكة 2ج و مصنعية 50ج يبقى التكلفة كلها 90ج بس.

[yoko]

بص يا سيدي انا لسه عامل المشوار ده انت هاتجيب 2 جوان وش سلندر 30جو جوان مانفول 8ج و 2 جوان شكمان كحكة 2ج و مصنعية 50ج يبقى التكلفة كلها 90ج بس.

أنا صحيح مليت الوش وقشطة كمان!!! عشان كده عديت ال200

[refath]

الف شكر ليكم يا شباب

بس انا فى حاجة عجيبة حصلت معايا
اول امبارح وانا راجع على البيت فوجئت انى الحرارة 130 درجة طبعا طفيت العربية وفتحت الكبوت وفتحت غطاء الردياتير
لافيت المياه ناقصة جامد
المهم استنيت لحد ما العربية بردت ودورت وحطيت مياه والكلام ده كان اول امبارح
ومن بعديها كل يوم ابص على المياه الاقيها تمام مش ناقصة ومياه القربة ناقصة حاجة بسيطة جدا يعنى تقريبا نص كوب مياه
ولاحظت ان المياه لونها طبيعى ومش مزيتة ومفيش طحينة وكمان جربت العربية النهاردة على الدائرى وجريت بيها بتاع ربع ساعة والمؤشر موصلش للـ 90 درجة
يا ترى ده من ايه
هل ممكن يكون من غطاء الردياتير مكنش راكب كويس عشان كده المياه نقصت
وهل لون الطحينة اللى انا شفتها دى ممكن تكون صدا او وساخة ظهرت بعد تغيير طلمبة المياه

[yoko]

الف شكر ليكم يا شباب

بس انا فى حاجة عجيبة حصلت معايا
اول امبارح وانا راجع على البيت فوجئت انى الحرارة 130 درجة طبعا طفيت العربية وفتحت الكبوت وفتحت غطاء الردياتير
لافيت المياه ناقصة جامد
المهم استنيت لحد ما العربية بردت ودورت وحطيت مياه والكلام ده كان اول امبارح
ومن بعديها كل يوم ابص على المياه الاقيها تمام مش ناقصة ومياه القربة ناقصة حاجة بسيطة جدا يعنى تقريبا نص كوب مياه
ولاحظت ان المياه لونها طبيعى ومش مزيتة ومفيش طحينة وكمان جربت العربية النهاردة على الدائرى وجريت بيها بتاع ربع ساعة والمؤشر موصلش للـ 90 درجة
يا ترى ده من ايه
هل ممكن يكون من غطاء الردياتير مكنش راكب كويس عشان كده المياه نقصت
وهل لون الطحينة اللى انا شفتها دى ممكن تكون صدا او وساخة ظهرت بعد تغيير طلمبة المياه

إحتمال وارد جدا

[refath]

إحتمال وارد جدا

طيب معلش حتعبك معايا
فى طريقة اتاكد بيها اكتر انها مجبتش وش سلندر

[yoko]

طيب معلش حتعبك معايا
فى طريقة اتاكد بيها اكتر انها مجبتش وش سلندر

ممكن تخلي حد يدوس بنزين وإنت فاتح غطى الردرياتير وتشوف فيه هواء في المياه ولا لأ

[refath]

ممكن تخلي حد يدوس بنزين وإنت فاتح غطى الردرياتير وتشوف فيه هواء في المياه ولا لأ

انا بفتح غطاء الردياتير وازود بنزين بنفسى من ذراع الاكسلاتير
بلاقى المياه بتقلب فى الردياتير ومفيش اى فوران بس ساعات بلاقيها بتنطر نقط مياه بسيطة بس مش علطول

[yoko]

مش عارف والله لازم ميكانيكي كويس يبصلك عليه طب جرب وهي بارده وغطا الردرياتير مفتوح وإدي مارش وشوف المياه هتنط من الردرياتير ولا لأ

[refath]

المياه مبتنطرش خالص اول ما ادور العربية وغطاء الردياتير مفتوح

[yoko]

المياه مبتنطرش خالص اول ما ادور العربية وغطاء الردياتير مفتوح

يبقى الوش سليم خليك ماشي بيها بس خلي عينك على عداد الحرارة كل شويه خصوصا على السرعات العاليه وإن شاء الله خير