زيت الفرامل بينقص بدرجة ملحوظة جدا

[hemalotfy]

من شهر ونص تقريبا فجأءه ببص على علبة الفرامل لقيتها تحت ال Minimum
قلت يمكن طبيعيى مغير التيل بقالي سنة واكيد اتاكل وده سبب نقص الزيت
من اسبوعين وفجأءة برضو لقيت الزيت تحت Minimum زودت الزيت وبصيت ملقتش اي ترسبات نهائيا حول العلبة !
انهارده لقيتها تحت minimum برضو وللاسف معنديش زيت اكمل دلوقتي وشكلي هنزل اروح اجيب زيت دلوقتي من اي مكان
الثلاثة مرات دول استهلكو علبة كبيره من ابو 13 جنيه dot3

رفعت العربيه انهارده وبصيت على العجل اللي قدام والخراطيم بتعت زيت الفرامل كله سليم ومفيش اي ترشيحات للزيت وكذلك العجل الخلفي !

اكيد لازم اروح ان شاء الله يوم السبت لحد بتاع فرامل بس ممكن يكون ده طبيعي ولا عندي مشكلة ؟!

[aYaBooY]

لا مش طبيعي انها تقل بالكمية ديه
ممكن يكون فيه ماستر مفوت و بيسرب زيت جوة الطنابير الخلفية و مش باين مع الاتربة
المهم متسكتش عليها و روح لبتاع فرامل و اتاكد من مصدر التسريب

[star1991]

بس اتاكد من المصدر الاول علشان ماتغيرش حاجه ملهاش لازمه

[hemalotfy]

لا مش طبيعي انها تقل بالكمية ديه
ممكن يكون فيه ماستر مفوت و بيسرب زيت جوة الطنابير الخلفية و مش باين مع الاتربة
المهم متسكتش عليها و روح لبتاع فرامل و اتاكد من مصدر التسريب

شكرا لرد حضرتك ان شاء الله بكره هروح لبتاع الفرامل يبصلي علي الطنابير الخلفية

بس اتاكد من المصدر الاول علشان ماتغيرش حاجه ملهاش لازمه

بعد اذن حضرتك ايه هو المصدر الاول .؟

[karimfahmy99]

بعد اذن حضرتك ايه هو المصدر الاول .؟

المقصود اتاكد من مكان العيب فين مش تشترى حاجات و بعدين يطلع العيب من حاجة تانية

[power]

غالبا ماستر الفرامل

[A.Saad]

شوف العجل من جوة عليه تسريب ولا لا
ممكن التسريب من الماستر الفرعى برده

[star1991]

[QUOTE=power;3873069608]غالبا ماستر الفرامل[/


مش عاوزين غالبا علشان غالبا كلفتني 350 جنيه ملهمش لازمه غير القلق اللي انا ماشي فيه لازم يتاكد ويشوف الزيت بعينه

بعد اذن حضرتك ايه هو المصدر الاول .؟

المقصود اتاكد من مكان العيب فين مش تشترى حاجات و بعدين يطلع العيب من حاجة تانية

بالضبط

[star1991]

بص ياباشا كان عندي نفس العيب الميكانيكي منه لله بالفهلوه قاللي ماستر قلتله عيني روحت جبت له ماستر وركب ياعم برضه الزيت بينقص
قاللي خزنه الباكم اتكسرت مني وانا بركبها هات واحده غيرها جبتله واحده وركب مفيش فايده
روحت له تاني قاللي المشترك اللي في صدر العربيه اللي بيوزع الزيت من الماستر للعجل بايظ هات غيره قلتله شكرا

روحت الحرفيين طلع المشترك فعلا بايظ وهو سبب التسريب وغيرته وتمام والزيت مبقاش ينقص ومكانش له لازمه تغيير الماستر ولا غيره

فالمطلوب تتاكد بنفسك من التسريب وتشوفه بعينك علشان ماتجبش حاجه ملهاش لازمه وتخسر مصنعيات على الفاضي

[hemalotfy]

الف شكر ليكم جميعا للمساعدة
ان شاء الله انهرده بعد العصر هروح كده اكشف عليها وابلغكم

[hemalotfy]

رحت انهارده
الميكانيكي نزل تحت العربية وبص على كل حاجة وعلى الطنابير وعلى الخراطيم ملقاش اي تسريب
لقى التسريب في الخزنة بتعت الزيت بقول فيها كوتش ضارب وبيسرب الزيت في السيرفو روح هات طقم اصلاح
روحت جيبت طقم اصلاح ب35 جنيه وعلبة زيت 10 جنيه وركب يااسطى ركبنا وقعدنا نحضر نحضر نحضر لحد مارجلي وجعتني من كتر التحضير ومفيش فايدة المهم دورنا العربية لقينا كمية دخاااااااااااااااااااااااان رهيبه طالعة من الشكمان ولا اجدع عربية مفوتة!! ولا عربية رش النموس قول للميكانيكي في ايه ايه اللي حصل قالي ده الزيت اللي تسرب منك من الخزنة ودخل السيرفو ورحنا مبطلين العربية وفكينا الخزنة وقعد يدخل الفوطة جوه السيرفو ويطلعها ملاينه زيييييت ويعصرها ونفس الحوار كده تلات اربع مرات لحد ما الزيت خلص وجبنا مسدس الهوا ونفخنا الباقي لحد ما بقى حاجات بسيطة وركبنا الخزنة وحضرنا ومشيت وكان في دخان بسيط لحد ما وصلت البيت مكنش في دخان نهائيا بس الزيت كان نقص شوية صغيرين معرفش بقى هينقص تاني ولا ايه النظام
انا مغموم وزعلان مبحبش اضيع وقت وفلوس في حاجة مش نافعة بحس اني غلطت لما روحت للميكانيكي لو كان قلي غير الخزنة من الاول كان افضل وانضف وسيبه من شغل العك ده

امشي يومين كده واشوف اخبار الزيت ايه واقولكم نقص ولا لا وربنا يسترها

[star1991]

ان شاء الله تكون وصلت للعيب والزيت ماينقصش تاني وبلغنا بالجديد

[hemalotfy]

شكرا لاهتمامك
ويارب يكون هو ده العيب وان شاء اابلغكم بالجديد

[amrnagy]

ان شاء الله العيب يكون اتصلح

[hemalotfy]

للاسف الزيت نقص اكترمن نصه بعد مشوار لا يزيد عن 10 كيلو اتصلت على الميكانيكي قالي هات خزنة جديدة وتعالى نغيرها !!!
عمال بيجرب في طيب ماكان من الاول بدل طقم الاصلاح اللي اترمت فلوسه في الارض غير الزيت غير تضيع الوقت.
حسبي الله ونعم لوكيل